Хүрэлбаатар Эрдэнэмөнх

Товч намтар: 1999 оны долдугаар сарын 24-нд Алаг-Эрдэнэ суманд айлын тав дахь хүүхэд болон мэндэлсэн. Аав Дашнямын Хүрэлбаатар сайн адуу цуглуулсан бөгөөд тэр буянаас Эрдэнэцогт, Эрдэнэ, Эрдэнэмөнх гурван хүү нь уяж уралдуулдаг аж. Эднээс Эрдэнэ нь сумын Алдарт уяач. Х.Эрдэнэмөнх багадаа хоёр ахынхаа морьдыг есөн жил унасан бөгөөд 20-иод айраг, түрүү авч өгчээ. улмаар 2016 оноос морь уяж эхэлсэн байна. Хоёр жилийн хугацаанд сумын чанартай наадмаас таван айраг, овоо тахилга, багийн баяраас 15 айраг, түрүү хүртжээ.               

Амжилт үзүүлсэн аргамаг хүлгүүд:

Улаан бор морь
Удам угшил: Унаган адуу.
Амжилт: Даагандаа Алаг-Эрдэнэ сумын 90 жилийн ойд айргийн дөрөвт хурдалсан. Шүдлэн сумандаа аман хүзүүдэж, Хатгалд айргийн гуравт давхисан.