Мягмар Балжинням

Нацагдорж 5-р багийн харьяат, сумын Алдарт уяач Мягмарын Балжинням 1962 оны намар Завхан аймгийн Алдархаан сумын нутаг Богдын голд айлын дөрөв дэх хүүхэд болон мэндэлжээ. Аав Мягмарынх нь уясан морьд Завхан аймагт сайн давхидаг байсан агаад М.Балжинням түүнийг нь унаж хурдлуулдаг байж. 

Харин уяачийнхаа гарааг 2012 оноос эхэлж аймаг, сумын статустай наадмаас хоёр түрүү, 16 айраг хүртэн 2017 онд сумын Алдарт уяач цолны эзэн болжээ. Түүний уясан морьдоос хамгийн өндөр амжилт үзүүлсэн нь Сүхбаатар угшилтай хамар цагаан халтар азарга.