Лхагвадорж Тулгабат

Товч намтар: 1992 оны хоёрдугаар сарын 10-нд Арбулаг сумын Тарган нуур хэмээх газар айлын отгон хүү болон мэндэлжээ. 10 настайгаасаа таван жил аавынхаа хөгшин хээр морины удам цагаан хээр, хул морьдыг унаж аймаг, сумаас гурван түрүү, найман айраг хүртсэн. 10 дугаар анги төгсөөд нэг жилийн цэргийн алба хааж, ирээд аймгийн Алдарт аавынхаа туслах хийж байгаад 2017 оноос морь уяж эхэлсэн. Унаган хул морио анх уяж, тэр жилээ Алт толгой овооны баярт айргийн гуравт хурдлуулжээ. Гурав дахь үеийн залуу уяач тэрээр одоогоор сумын чанартай наадмаас хоёр айрагтай.

Амжилт үзүүлсэн аргамаг хүлгүүд:

Борлог алаг даага:
Удам угшил: Унаган адуу 
Амжилт: 2018 оны Чандмань суманд болсон аймгийн хойд бүсийн уралдаанд 13-аар давхисан.

Цоохор морь: 
Удам угшил: Сүхбаатар адуу 
Амжилт: Тариалангийн хуурай дүү Батаа авчирч өгсөн. 2016 онд сумандаа 17, Хатгалд зургаа, 2017 онд сумандаа аман хүзүү, Төмөрбулаг сумын баяр, эмнэлгийн 50 жилийн ой давхар болоход айргийн гуравт хурдалсан.