Баарай Баярдүүрэн

Товч намтар: 1975 оны долдугаар сарын 14-нд Бүрэнтогтох суманд төрсөн. Аав Л.Баарай Аймгийн алдарт уяач. Удамт уяач Б.Баярдүүрэн хүүхэд ахуй цагтаа найман жил хурдан морь унасан бөгөөд 1996 оноос бие даан морь уясан. Аймгийн статустай наадмаас нэг аман хүзүү, сумын статустай наадмаас 20 гаруй айраг, түрүү, бага наадмаас 30 гаруй айрагтай. Сумын алдарт уяач цолоо 2017 онд хүртсэн.

Гавьяа шагнал: Аймгийн цоллооч цолтой, ММСУХ-ны 20 жилийн ойн медаль, “Дэлтэй цэнхэр” МСУХ-ны “Уяачийн алдар” тэмдгээр шагнагдсан. 
Амжилт үзүүлсэн аргамаг хүлгүүд:

Улаан морь: 
Удам угшил: Сумын заан Н.Гүндсамбуугийн унаган адуу
Амжилт: Сумын наадамд их насанд гурван удаа айрагдаж, соёолондоо нэг айрагдсан. Бага наадамд 20 гаруй айраг, түрүү авсан. 
Саарал морь:
Удам угшил: Дорнод аймгийн Халхгол сумын М.Баатарын унаган адуу
Амжилт: Суманд нэг түрүүлж, овоо тахилга, багийн баярт дөрөв айрагдсан. 
Саарал шүдлэн: 
Удам угшил: Дорнод аймгийн Матад сумын уугуул, Манлай уяач Б.Цэндбаатарын унаган адуу
Амжилт: Даагандаа аймгийн баяр наадамд аман хүзүүдсэн. Одоогоор зургаа түрүүлж, гурав аман хүзүүдээд байгаа аж. 
Хар үрээ:
Удам угшил: Дорнод аймгийн Халхгол сумын М.Баатарын унаган адуу
Амжилт: Нэг айрагдаад байна.