Сүхбаатарын Түмэнцогт сумын уяач С.Гантөмөр: Алтан-Овоогоо тахьсан болохоор Сүхбаатарчууд одтой байна

-Сайхан наадаж байна уу?
-Сайхаан, сайхан наадаж байна уу? Намайг  С.Гантөмөр гэдэг.  “Макс”-ын наадамд миний хонгор үрээ айргийн таваар хурдаллаа. Халхын довтой хурдан хүлгүүд цугласан байгааг харахад бахадмаар байсан ч эмээх сэтгэл төрж байлаа. Наадам өргөн дэлгэр сайхан болж байна.
-Энэ жил хаана хаана наадав?
-Сайхан наадаж байна. Нар хур тэгширсэн дэлгэр наадам боллоо. Сумандаа л наадлаа даа. Сая Сүхбаатар аймгийн 70 жил, Алтан-Овооны тахилга, зүүн бүсийн даншигт  хонгор үрээ түрүүлсэн. Залгаад “Макс”-ын наадамд айргийн таваар хурдаллаа. Бид энэ жил  Алтан овоогоо тахьсан болохоор  манайхан одтой сайхан наадаж байна. Энэ жил нийтээрээ олз омог дүүрэн байна гэж ихэд бэлгэшээж байгаа.
-Таны үрээний уяа сойлгыг Манлай уяач С.Төмөр-Очир тааруулдаг байхаа?
-Тийм ээ, Манлай уяач Төмөр-Очир миний төрсөн ах  байгаа юм. Бид хамтдаа морио уяцгаадаг.
-Баярлалаа, сайхан наадаарай.
-Та бүхэн ч гэсэн сайхан наадаарай. Мөн “Макс” группийн хамт олондоо 20 жилийн ойн баярын мэнд хүргэе.