АХ-ын 105 жилийн ойд эхний 10-т хурдалсан азарганууд

1. Өмнөговь аймгийн Булган сумын харьяат, Тод манлай уяач Намдагийн Хүрлээгийн Зээрэн шарга. Хурдан шаргын уяа сойлгыг Баттулгын Ганбаяр тааруулж, уралдаанч 15  настай Батхүүгийн Бадар-Ууган унаж хурдлуулав.

2. Дундговь аймгийн Өлзийт сумын харьяат Батсүхийн Наранхүүгийн Бум хул. Хурдан хулыг Тод манлай уяач Дашдоржийн Мөнхбат уяж, уралдаанч 9 настай Лхагважаргалын Төгсжаргал унаж хурдлууллаа.

3. Хөвсгөл аймгийн Бүрэнтогтох сумын харьяат Дугарсүрэнгийн Отгонлхагвын Солонго хүрэн. Хурдан хүрэнгийн уяа сойлгыг Тод манлай уяач Баярсайханы Лхагва-Очир тааруулсан бол 8 настай уралдаанч Батмөнхийн Намсрай-Од унаж  хурдлуулсан юм.

4. Тод манлай уяач Баярсайханы Лхагва-Очир уяж хурдлуулсан Өмнөговь аймгийн Цогтцэций сумын харьяат, аймгийн Алдарт уяач Батмөнхийн Тогтохын хүрэн халзан. Уралдаанч 8 настай Галхүүгийн Сэр-Од

5. Төв аймгийн Борнуур сумын харьяат, аймгийн Алдарт уяач Мөнхтөмөрийн Сайнзаяагийн Шуранхай хүрэн. Улсын бүсийн уралдаанд 3, Их хурдад нэг айрагдсан хурдан халзанг 9 настай уралдаанч Ширнэнгийн Төрмандах унаж хурдлуулав.

6. Төв аймгийн Эрдэнэсант сумын харьяат, аймгийн Алдарт уяач Нямсүрэнгийн Мөнхзоригийн хээр. Тод манлай уяач М.Алтан-Очирын уяж хурдлуулсан хурдан хээрийг уралдаанч 11 настай Б.Оргилхангай унажээ.

7. Сүхбаатар аймгийн Баруун-Урт сумын харьяат Лхагвадоржийн Анхбаатарын буурал. Хурдан буурлын уяа сойлгыг Тод манлай уяач Мөнхбатын Цэрэнжав тааруулж, уралдаанч 9 настай Батын Ерөөлт унаж хурдлуулав.

8. Дархан-Уул аймгийн харьяат, аймгийн Алдарт уяач Ганболдын Ариунболдын хээр. Тод манлай уяач Т.Ихбаяр уяж сойсон хурдан хээрийг 8 настай Т.Баттүвшин унаж хурдлуулсан.

9. Хөвсгөл аймгийн Тариалан сумын харьяат Дамдинсүрэнгийн Даваасүрэнгийн Наран хээр. Уралдаанч 13 настай Цэрэнбаярын Ивээлт

10. Төв аймгийн Баянцогт сумын харьяат, Тод манлай уяач Сумъяасүрэнгийн Ганхуягийн буурал. Уралдаанч 10 настай Мөнхнайрамдалын Отгондалай. 

У.Энхмаа

Гэрэл зургийг А.Цэдэн-Иш, Г.Батболд