Шөвгөр зээрдээ дурсах уу?

Гуравхан жилийн дотор гайхам амжилт үзүүлсэн шагшихаас аргагүй шандаст хурдан хүлэг.

Дорнын талаас эхэлсэн алдрын дуун шанхын уудамд шуранхайлж, Малхын талд мандаж, Цагаан хөтөлд цангинаж, төрийн наадмыг түрж, Их хурдад эгшиглэсэн билээ.

Удам, угшил:
Сүхбаатар аймгийн Асгат сумын харьяат, аймгийн Алдарт уяач Дугарын Цогбаярын унаган адуу. Д.Дагвадоржид соёолондоо иржээ.
Эцэг: Д.Цогбаярын хурдан хүрэн азарга. Энэ хүрэн азарга 2014 оны “Дорнод талын хурд-2014” зүүн бүсийн уралдаанд айргийн гуравт хурдалж байсан. Шигшмэл морьдын “Их хурд-7” уралдаанд 20 гаргаж давхисан.
Эх: Д.Цогбаярын унаган хээр гүү.
Амжилтын товчоон:
2014 онд хязаалан:
“Дорнод талын хурд-2014” зүүн бүсийн уралдаанд айргийн гурав
2015 онд соёолон:
“Говь шанхын хурд-5” говийн бүсийн уралдаанд түрүү
ММСУХ-ны 20 жилийн ойн бүсийн уралдаанд аман хүзүү
2016 онд хавчиг:
“Дүнжингаравын хурд-2016” хаврын бүсийн уралдаанд 20 гаргаж давхисан
АХ-ын 95 жилийн ой үндэсний их баяр наадамд айргийн гурав
Шигшмэл морьдын “Их хурд-7” уралдаанд айргийн тав

Энэхүү цуут хурдан хүлгийн төрсөн дүү Төгс хэмээх зээрд үрээ өнөө жил төрийн наадамд аман хүзүүнд хурдлан амжилтын буухиагаа эхлүүлсэн.

Амжилт ерөөн харж л сууя.