Даян аварга Намжилжав

Аваргын алдар: зайсан НАМЖИЛ (НАМЖИЛЖАВ)      
Төрсөн он(жил): 1770 оны орчим
Нутаг ус: Сайн ноён аймгийн Далай вангийн хошууны нутаг дахь Дээрх шавийн отог(одоогийн Завхан аймгийн Идэр сумын нутаг)
Цол чимэг: даян аварга
Барилдааны амжилт:  Даншиг наадамд 1798, 1805 онд 10 давж хоёр удаа түрүүлсэн(бүрэн бус).
Гол онцлог: Судлаач Ц.Бат-Очир агсан Сайшаалт ерөөлтийн 3-р/1798/ оны таван газрын даншигт 500 орчим бөхөөс 10 давж түрүүлсэн шавийн Намжил(Намжилжав) арсланд идэр аварга цол хайрлажээ гэж тэмдэглэсэн бол мөн Сайшаалт ерөөлтийн 10-р он буюу 1805 оны даншигт шавийн Намжил аварга Эфү вангийн Дарьнэрэн арсланг давж түрүүлсэн тухай Үндэсний төв архивын “Наадмын баримтын цуглуулга”(фонд-159, данс1-1)-т бичсэн байдаг.
  Ц.Бат-Очир гуай тэмдэглэхдээ: 1817 оны 2 сарын 15-нд хүрээ хийдүүд болон шавь нарын доторхи дэвсгэр хүртэгчдийн нэрсийн дансанд сул зайсан Намжил цогт даян аварга нэг дэвсгэр(шашны хүндэтгэл шагнал)-ийн шагналтай гэжээ.
Түүнийг дараагийн үеийн өөр нэгэн аварга болох хүлэгч Намжилжав аваргатай андуурах явдал байдаг.
Дархан мэх: судлагдаагүй
 
МҮБХ-ны нарийн бичгийн дарга, бөх судлаач, магистр Б.Цогтбаатар