Ц.Анандбазар морь, суранд “орно”

А.Тэлмэн
2012 оны 11-р сарын 08 -нд

Байсхийгээд л хууль цагдаа болоод явчихдаг “Сод монгол” группийн захирал Ц.Анандбазар нь сайнаасаа илүүтэй саар зүйлд нэр нь дуулдах гээд байх нь олонтаа. Москва хотын М.Горькийн нэрэмжит утга зохиолын дээд сургуулийг дүүргэсэн, мань эр Төрийн соёрхолт яруу найрагч З.Доржийн зээ дүү. Тиймдээ ч алтны дэргэдэх гууль шарлана гэгчээр хүүхэд байхын л шүлэг тэрлэсэн, нүдний шилтэй, хичээлээс өөрийг мэддэггүй, номын хүү явсан гэдэг юм билээ. Түүний бага нас нэгдүгээр хороололд өнгөрсөн бөгөөд үеийнхэнтэй нь харьцуулахад тун коммунист нэгэн байсан тухай байрны мэдэх нөхөд нь одоо ч ярьдаг гэнэ лээ. Ерээд оны үед түүний шүлгийг нь хийсэн хэд хэдэн дуу ч гарч байсан нь өдгөө залуу насны дурдатгал болон үлдсэн гэх. Эрхэм захирал  одоо ч үе үехэн үзэг цаас нийлүүлсээр л байгаа гэнэ лээ. Сүүлийн үеийн хөрөнгөтэй эрхмүүдийн жишгээр тэрээр бас эрийн гурван наадам болох сур, морийг сонирхох болоод багагүй хугацаа өнгөрч байна. Тиймдээ ч үндэсний их баяр наадмар сурын талбай, Хүй долоон худагаар эхнэрээ дагуулан наадамлах дуртай.

П. Ундраа

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна