Ч.Дэмчигцоодол шилдэг уяачаар шалгарчээ

Дундговь аймгийн морин спорт уяачдын “Нарны хүлэг” холбоо 2012 оны амжилтаа дүгнэж, шилдгүүдээ тодрууллаа. Тийн ялгуусан хэмээх могой жилийн босгон дээрэ
1.Дэлгэрхангай сумын уугуул Д.Түдэв
2. Дэлгэрхангай сумын уугуул Б.Оюунбат
3. Луус сумын уугуул Д.Доржготов
4. Өлзийт сумын уугуул Ш.Лхагвасүрэн
5. Өлзийт сумын уугуул С.Баттулга
6. Өлзийт сумын уугуул Д.Эрдэнэбулган
7. Өндөршил сумын уугуул  С.Төмөрбаатар
8. Дэрэн сумын уугуул С.Буянтогтох
9. Дэрэн сумын уугуул У.Сандуйсүрэн
10. Дэлгэрцогт сумын уугуул С.Содномпил
11. Сайнцагаан сумын уугуул С.Онолбат
 12. Сайнцагаан сумын уугуул Н.Бямбасүрэн
13. Говь-Угтаал сумын уугуул Б.Эрдэнэбулган нар аймгийн Алдарт уяач цолны болзлыг хангасан байна.
Харин бүсийн наадмаас хоёр түрүү авч, Өвөрхангай аймгийн Есөнзүйл сумын 80 жилийн ойн наадамд одтой наадсан Хулд сумын уугуул, аймгийн Алдарт уяач Ч.Дэмчигцоодол аймгийн шилдэг уяачаар шалгарчээ.
Холбооноос энэ удаа аймгийн шилдэг азарга, морьдыг нэрлэсэн байна. “Их мандал-2012” говийн бүсийн даншиг наадамд айрагдсан  Сайнцагаан сумын уугуул  М.Нямгаваагийн зэгэл, аймгийн хаврын бүсийн уралдаанд түрүүлсэн Өлзийт сумын уугуул Д.Эрболдын хүрэн , тус уралдаанд айрагдсан Сайхан-Овоо сумын уугуул Ч.Алтангэрэлийн бор, Адаацаг сумын уугуул Х.Доржхоролын хээр, аймгийн зүүн бүсийн уралдаанд түрүүлсэн Хулд сумын уугуул Н.Батжаргалын зээрд азарга, говийн бүсийн уралдаанд айрагдсан Сайнцагаан сумын уугуул П.Одонбаатарын цавьдар, тус уралдаанд айрагдсан Луус сумын уугуул С.Шинэбаатарын хээр, аймгийн хаврын бүсийн уралдаанд түрүүлсэн Өлзийт сумын уугуул Д.Эрболдын шарга, тус уралдаанд айрагдсан Сайнцагаан сумын уугуул Г.Мөнхбаатарын Бундуут хул, Өмнөговь аймгийн наадамд түрүүлсэн Луус сумын уугуул Б.Чулуунбаатарын хар морь тус тус шилдэг хүлгэдээр нэрлэгджээ.
Дуу хуурын өлгий нутгийн хийморилог уяачид могой жилийн анхны уралдаанаа хаврын тэргүүн сарын шинийн 25-нд Луус сумнаа зохион байгуулах бөгөөд дээд гурван насны морьд шандсаа шалгах юм. Энэхүү уралдааныг улсын шилдэг салбар холбоогоор шалгарсан Луус сумын морин спорт уяачдын холбоо зохион байгуулахаар болжээ.  
                                                                                                                                                             А.Мөнх-Эрдэнэ