Д.Эрдэнэбулган Алдартын цолны мялаалга наадам боллоо

А.Тэлмэн
2013 оны 2-р сарын 14 -нд

Могой жилийн өнгө тольдох уралдаанууд монгол орны минь өнцөг булан бүрт болсоор байна. Хаврын тэргүүн сарын шинийн гурванд Өмнөговь аймгийн Цогтцэций сумнаа дээд гурван насны морьдын уралдаан боллоо.Дундговь аймгийн Өлзийт сумын уугуул аймгийн Алдарт уяач Д.Эрдэнэбулганы шинэхэн цолны мялаалганд зориулсан уг уралдааны мэдээллийг морь сонирхогчдодоо хүргэе.
Азарга-25
1. Өмнөговь аймгийн Номгон сумын уугуул, аймгийн Алдарт уяач  Болд-Өрнөхийн хүрэн азарга. Болд-Өрнөх уяачийн уясан Хулан хээр соёолон  өнгөрөгч луу жилд төрийнхөө их баяр наадамд айргийн тавд хурдалсан билээ.
2. Дундговь аймгийн Хулд сумын уугуул, аймгийн Алдарт уяач Ч.Дэмчигцоодолын зээрд
3. Өмнөговь аймгийн Ханбогд сумын уугуул, аймгийн Алдарт уяач Амарбаясгалангийн хар
4. Дундговь аймгийн Луус сумын уугуул Б.Одхүүгийн хул. Хул азарга шүдлэндээ “Говьшанхын хурд-3” говийн бүсийн уралдаанд айрагдаж байсан юм.
5. Өмнөговь аймгийн Цогтцэций сумын уугуул Г.Гончигийн хээр. Хээр азарга өнгөрсөн жил соёолондоо аймгийнхаа баяр наадамд азарганд уралдан айргийн дөрөвт хурдалж байсан хурдан буян юм.
Соёолон-27
1.
Өвөрхангай аймгийн Баян-Өндөр сумын уугуул Нямлхагвын хар. Хар үрээ өнгөрсөн жил АХ-ын 91 жилийн ой төрийнхөө их баяр наадамд айргийн дөрөвт хурдалсан.
2. Дундговь аймгийн Луус сумын уугуул, аймгийн Алдарт уяач Алтансүхийн зээрд
3.Дундговь аймгийн Хулд сумын уугуул, аймгийн Алдарт уяач Ч.Дэмчигцоодолын цэгээн. Цэгээн үрээ “Их мандал-2012” говийн бүсийн уралдаанд түрүүлж, тод магнай торгон жолоогоо өргүүлсэн хурдан буян.
4.Өмнөговь аймгийн Цогтцэций сумын уугуул, аймгийн Алдарт уяач  Н.Амгалангийн хар. Хар үрээ “Их мандал-2012” говийн бүсийн уралдаанд айргийн тавд хурдалж байсан хурдан буян.
5.Өмнөговь аймгийн Номгон сумын уугуул, аймгийн Алдарт уяач Болд-Өрнөхийн халзан
Их нас-13 /бооцоотой/
1. Дундговь аймгийн Өлзийт сумын уугуул Бат-Эрдэнийн  шарга
2. Дундговь аймгийн Луус  сумын уугуул, аймгийн Алдарт уяач Алтансүхийн алаг
3. Өмнөговь аймгийн Хүрмэн сумын уугуул, “Өмнийн говийн хүлэг” МСУХ-ны тэргүүлэгч Ш.Баянбатын халтар
4. Өмнөговь аймгийн Цогтцэций  сумын уугуул Г.Гончигийн загал
5. Өмнөговь аймгийн Номгон сумын уугуул Болд-Өрнөхийн хул тус тус хурдалжээ.
Цолны мялаалга наадамд түрүүлсэн азарга болон соёолон морьдыг мотоциклиор байлсан бол их насны морьдыг бооцоонд цугларсан мөнгөний тодорхой хувиар мялаажээ.
Шинэхэн Алдартын цолны мялаалга наадам шинийн долоонд болох “Тавантолгой транст” ХК-ийн нэрэмжит бүсийн наадмын сорилго боллоо хэмээн нутгийнхан ярьж байна.
                                                                                                                                                         А.Мөнх-Эрдэнэ

 

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна