Дундговьчууд гурван насны түрүүгээ алдсангүй

Говийн элс нүүр нүдгүй шуурч хаврын тэнгэр аашаа харуулсан өнгөрсөн баасан гаригт Дундговь аймгийн  “Нарны хүлэг” уяачдын холбоо V бага хурлаа Луус суманд амжилттай зохион байгуулсан билээ. Түүний маргааш нь тус суманд “Их мандал-2013” аймгийн төвийн бүсийн хаврын уралдааны зохион байгууллаа. Тус уралдаанд Өмнөговь, Говьсүмбэр, Төв, Дорноговь зэрэг тойрсон аймгуудын хурдан ажнай цугларч дээд гурван насанд тоосоо өргөсөн. “Их мандал-2013” уралдаанд азарга, соёолон 16 км, их нас 19 км-ээс давхисан билээ. Уламжлал болгон зохион байгуулдаг хаврын бүсийн энэхүү уралдаанд соёолон насанд  Өмнөговь аймгийн Цогтцэций сумын уугуул, аймгийн алдарт уяач, “Өмнийн говийн хүлэг” холбооны тэргүүн Х.Түмэнбаярын хүрэн аман хүзүүдсэнээс бусад айраг түрүүг Дундговь аймгийн хурдан хүлгүүд хүртсэн юм. Уралдааны өдөр хаврын тэнгэр хахир аашаа гаргаж үе үехэн элсээр шуурсанг эс  тооцвол наадам зохион байгуулалт сайтай уралдаан ямар ч будлиангүй болсон юм. 
Азарга-67
1. Сайнцагаан сумын уугуул Ганзоригийн Мөнхбатын хээр
2. Луус сумын уугуул МУ-ын манлай уяач Д.Эрдэнэчулууны Пүрэвсүрэнгийн хүрэн
3. Өлзийт сумын уугуул, аймгийн Алдарт уяач Ч.Дэмчигцоодолын Эрдэнэбулганы цагаан
4. Өлзийт сумын уугуул Жамсрангийн Отгонбаярын цагаан
5. Хулд сумын уугуул Доржжанцагийн Баттөрийн буурал
Их нас- 167

1. Луус сумын уугуул Чулуунбаатарын хээр
2. Өлзийт сумын уугуул Цогбадрахын сартай хүрэн
3. Сайхан-Овоо сумын уугуул Угтахбаярын зээрд
4. Өлзийт сумын уугуул аймгийн алдарт уяач Ч.Дэмчигцоодолын шарга
5. Луус сумын уугуул Чулуунбаатарын хар
Соёолон-128
1. Хулд сумын уугуул аймгийн алдарт уяач Д.Эрболдын хонгор
2. Өмнөговь аймгийн Цогтцэций сумын уугуул, аймгийн Алдарт уяач, “Өмнийн говийн хүлэг” холбооны тэргүүн Х.Түмэнбаярын хүрэн
3. Хулд сумын уугуул Мөнхбатын хүрэн халзан
4. Адаацаг сумын уугуул, улсын сайн малчин Бүдсүрэнгийн хонгор халзан
5. Хулд сумын уугуул Батжаргалын шарга

Г.Гал