“Подмосковные вечера” германчуудын зүрхэнд

Сүүлийн 12 жилийн турш Германд Ульрих Кассельман, Паула Шокемеле нарын Морин спортын төвд дэлхийн өнцөг булан бүрийн аль нэг улсын далбаа мандаж, үзэгч сонирхогчдыг тэр улсын түүх соёл, өв уламжлалтай танилцуулдаг болжээ. Урьд нь Оман, Хятад, Их Британи, Мексик, АНУ-ыг танилцуулж байсан бол энэ удаад зохион байгуулагчид ОХУ-ыг сонгосноор Германы жижиг хот Хаген бүхэлдээ орос үндэсний матрёшка, балалайк, далбаагаар бүрхэгдлээ. Хэдийгээр дэлхийн нөгөө өнцөг болох Хятадад “Longines Beldiin Masters” болоод удаагүй.  Бас Гетеборгт Дэлхийн цомын аварга шалгаруулах шигшээ тэмцээн эхлэх гэж байгаа ч Хагенд дэлхийн шилдэг тамирчид хангалттай цугласан байх ажээ. “Horses and Dreams” нэрт энэхүү тэмцээн нь оролцогчдоо түүх соёлын, улс төрийн, нийгмийн ажилд туслахыг уриалдаг бөгөөд “Унаачид хүүхдийн өлсгөлөнгийн эсрэг” хөтөлбөрийг хэрэгжүүлдэг. Зохион байгуулагчид Оросын шилдэг унаач Владимир Белецкийд энэ асуудлаар хандаж, ОХУ-ын Морин спортын холбоотой харилцаагаа идэвхжүүлэхэд зуучилж өгөхийг санал болголоо. Улмаар хүсэлтийн дагуу ОХУ-ын Морин спортын холбооны тэргүүн Сергей Владимирович Маслов зохион байгуулалтын болон харилцан туршлага солилцох ажил дээр идэвх зүтгэл гаргаж ажилласан нь Оросын өдрүүдээс тодхон харагдаж байлаа. Хаген хотхон бүхэлдээ орос тосгон болон хувирах нь тэр. Энд тэнд болох тоглолтуудын нэг нь морин тойруулга дээрх Кремлийн унаачдын сургуулийнхан гайхамшигтай үзүүлбэрүүд байлаа.
Энд бол тэмцээний дүнг танилцуулбал:
1-р байрт Аргенто хүлгээр Джон Витакер
2-р байрт Анбеливебл хүлгээр Мередит Майклс Бербаум
3-р байрт Фит Фо Фан хүлгээр Лусиана Диниц нар шалгарчээ.
Харин том шагналын эзнээр Данийн тамирчин Андреас Хельгстранд 79,575%-ийн амжилтыг Аким Фолдагер хүлэгтэйгээ тогтоолоо. ОХУ-ын тамирчдаас Владимир Белецкий, Наталья Симония, Ольга Чечина, Мария Бибикова, Михаил Сафронов, Юлия Аладушкина, Сергей Хомашко, Мария Рыдник, Олеся Терещенко, Диана Аль-Шаер, Елена Сиднева Марина Генделева нар амжилттай оролцлоо.
ОХУ-ын Морин спортын холбооныхон дараа жил Москвад ийм тэмцээн зохион байгуулах болсноо энэ үеэр зарлаж Германы тамирчдыг урилаа. Энэ нь гадаадын уралдаан тэмцээнд тэр бүр явж чаддаггүй унаачдад том сургууль болно гэдэгт итгэлтэй байгаагаа “ах нар” онцолжээ.

Т.Болормаа