Б.Болдбаатар: Бид бол эр зоригийн дайчид

“Оройн дээд өндөр өвгөдийн минь шүтээн болж мөнхөрсөн, омголон цагаан шонхрыг “Тэнгэрийн чоно” хэмээн хүндэтгэлээ” гэж цагаан шонхрын сүр хүчин дор сэтгэл санаа нийлсэн хийморилог дайчин залуусын ажил үйлсээс цухас ч болов танилцуулах болсондоо таатай байна. “Тэнгэрийн чоно” Монголын киноны орлон тоглогчдын холбоо нь байгуулагдаад долоо дахь жилийнхээ нүүрийг үзэж байгаа ажээ. Энэ хугацаанд монголын томоохон хэмжээний түүхэн кинонуудын тулааны хэсгүүдэд ажиллаж, дэлхийн болоод олон улсын морин харвааны төрлөөр зохиогдсон тэмцээнүүдэд амжилтаа ахиулсаар яваа хамт олны сонин сайхнаас хуваалцсан юм. Тэд АХ-ын 92 жилийн ойн баяр наадмаар Хүйн долоон худагт зэвсэгт хүчний 232-р ангийнхантай хамтран морьтны тоглолтоо наадамчин олондоо өргөн барьсан билээ. Ингээд Монголын киноны орлон тоглогчдын холбооны тэргүүн Б.Болдбаатартай ярилцсанаа хүргэж байна.
-Энэ намар уламжлалт харваачдын холбоотой хамтран намрын харвуул тэмцээнийг зохион байгуулсан байхаа?
-Тийм ээ, Уламжлалт харваачдын холбоо, Монголын морьт харвааны холбоотой хамтран хоёр дахь удаагаа тэмцээн зохион явуулсан байгаа. Өнгөрсөн хавар зургаан сард анхны тэмцээнээ явуулж, үндэсний сур, байт сур гээд нум сум харвадаг хүн болгоныг урьж оролцуулсан. Харин намрын харвуул тэмцээнд “Тэнгэрийн чоно” холбооны орлон тоглогчид болох Б.Болдбаатар миний бие, Отгонбямба, Батбилэг, Энхмөнх, Түмэндэмбэрэл нар оролцсон. Бидний хувьд морин дээрээс харвах төрөлд илүү байж чадлаа. Харин холын зайнд бусад харваачдаа гүйцсэнгүй. Тэгэхээр энэ тал дээр бэлтгэл хийж байгаад дараагийн удаад амжилт гаргана гэж бодож байна.
-Ярилцсанд баярлалаа. Та бүхний ажил хөдөлмөрт амжилт хүсье.
-Та бүхэнд ч баярлалаа. Алтан соёмбот төрийн минь далбаа үүрд мандан бадарч, алтан тууртын хийморь Монгол түмнийг минь үргэлж ивээж байх болтугай.

П.Ундраа