Булганы Амарсайхан арслан


Булган нутгийнхан аливаа “бүхний” анхдагч хэмээн бахархана. Арга ч үгүй биз. Зөвхөн бөхийн тухайд л гэхэд анхны дархан аварга, үндэсний бөхийн анхны гавьяат мастер, олимпийн анхны аварга нь хүртэл Булганых л байдаг. Тэгвэл бас нэгэн “анхны” гэсэн тодотголтой бөх бий. Сэлэнгэ буюу хуучнаар Хантай сумын харьяат аймгийн арслан Дэлгэрсайханы Амарсайхан. Монгол туургатны наадмын бага жингийн ангилал буюу -85 кг-д Монгол улсаас анх түрүүлсэн хүчтэн. Тэр барилдааны их шөвөгт олон бөхийн зүрхэнд шар ус хуруулдаг а.а Төрөөгийн Баасанхүүтэй таарч тахимдаж түрээд төвөггүй орхисон бол үзүүр түрүүнд хорьсон ч хөлд ордог, хориогүй ч хөлд ордог О.Түмэндэмбэрэлтэй үлдэж түрүүлсэн. Анх 2006 онд 17 насандаа сумын начин цол хүртсэн бол 2010 оны аймгийнхаа баяр наадмаар тав давж аймгийн начин цолд хүрсэн байна. Аймгийн начин цолтой байхдаа бас ч чамгүй барилддаг байсныг бөх сонирхогчид тэр бүр мэдэхгүй байж болох. 2010 оны 10 сард болсон аймаг цэргийн цолтны барилдаанд Өмнөговь аймгийн арслан С.Идэрсүрэн, Завхан аймгийн арслан Ж.Сүхбат нараар 3 давж байсан бол 12 сард Монголын Үндэсний Бөхийн Холбоо байгуулагдсны 20 жилийн ойд 512 бөх барилдахад у.н У.Балжиннямаар гурав давж Г.Өсөхбаяр аваргад өвдөг шороодож байв. Дараа зуны наадмаар аймагтаа хүч үзэж онжав Дармаагийн Тамиртай тунаж хүч үзэн цолоо баталсан бол зургаагийн даваанд гурван бөхөөс Сайханы Б.Хүрэлчулууныг амлаж давснаар их шөвөгт шалгарсан байна. Шөвгийн дөрөвт өөрийн хамаатны ах Б.Хашбаттай тунаж даваад үзүүр түрүүнд Гурванбулаг сумын харьяат, удамт бөх а.з Д.Амаржаргалтай үлдэн хүч үзэж шударга сайхан барилдан орхисноор аймгийн арслан цол хүртсэн байна. Аймгийнхаа наадамд түрүүлээд шууд хотод ирж улсын наадамд аймгийн арслан цолтой бүртгүүлэн барилдаж хоёр даваад гурвын давааны нугалаанд Дорнод аймгийн арсан Б.Батхуягтай тааран барилдаад өвдөг шорооджээ. 2012 онд аймгийнхаа наадамд дахин хүч үзэж Булган аймгийн уугуул, Дундговь аймгийн начин Чулуундаваагийн Мөнх-Эрдэнээр тав, Тэшиг сумын харьяат аймгийн шинэ начин О.Мөнх-Ирээдүйгээр зургаа даваад дахин нэг Мөнх-Ирээдүй буюу Хангал сумын харьяат, сумын заан Нямсүрэнгийн Мөнх-Ирээдүйд өвдөг шороодож Н.Мөнх-Ирээдүй аймгийн заан болсон байна. 2013 он гараад болсон Талх Чихэр ХХК-ий нэрэмжит аймаг цэргийн цолтны барилдааны 4-ийн даваанд а.а Төрөөгийн Баасанхүүг, 5-ын даваанд Говь-Алтай аймгийн арслан Лувсандоржийн Цэрэнтогтохыг өвдөг шороодуулаад энэ барилдааны түрүү бөх аймгийн хурц арслан А.Алтанхуягт унажээ. Энэ барилдаанд а.а Л.Цэрэнтогтохыг өвдөг шороодуулах үед Дархан-Уул аймгийн арслан С.Ерөөлт дэргэдээ зогсож байсан нэгэн бөхөд “Энэ Амарсайхан нээрээ лайтай юм аа. Цэрэнтогтохыг хаячихлаа. Мэдрэмж гэж байгаа юм шүү” хэмээн уулга алдсан юм. Нэг үед барилдаж буй арслангийн үнэлгээ үнэнээс тийм ч хол зөрөөгүйг гэдгийг өнөө жилийн улсын наадам харууллаа. Амарсайхан арсланд дараалан өвдөг шороодсон хоёр арслан хоёул улсын начин цолд хүрч наадамч олноо баясгасан билээ. Даанч арслан маань өөрөө хавиргаа гэмтээж барилдахад хүндрэлтэй болсон тул улсын наадамд барилдсангүй. Гэсэн ч Орхон аймгийн наадамд барилдаж дөрөв даваад өөрийн дотны найз сумын заан М.Наваантаяыг аймгийн цолд дөрөөлүүлж өгчээ. Энэ намар төдийлөн барилдахгүй байгаа нь бэртэл гэмтэлтэй нь холбоотой болов уу. Нэг л өдөр Амараа арслан Ерөөлт арслангийн хэлснээр “лайтай” барилдаж эхэлнэ дээ. Монгол туургатан ч ахиад болох биз. Хүлээж л сууя.
МУИС-ийн оюутан Т.Түмэндэмбэрэл







0 Сэтгэгдэл
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
-
8-р сарын 21 -нд "Их хурд-10" уралдаанд эхний 10-т хурдалсан их нас…
-
8-р сарын 11 -нд ММСУХ-ны 30 жилийн ой, "Их хурд-10" уралдаанд эхни…
-
8-р сарын 05 -нд Сүүт гүүний унагыг шүтсү...
-
8-р сарын 04 -нд Зүүн бүсийн сонгомол бага ангилалд Ц.Мягмардоржийн…
-
8-р сарын 02 -нд Зүүн бүсийн сонгомол дээд насны ангилалд Х.Нурлаты…
-
8-р сарын 02 -нд Зүүн бүсийн сонгомол дунд насны ангилалд Э.Бямбасү…
-
7-р сарын 30 -нд Говийн бүсэд Д.Ариуннарангийн хээр хязаалан түрүүл…
-
7-р сарын 30 -нд Говийн бүсэд М.Адъяабаатарын хар шүдлэн түрүүлжээ
-
7-р сарын 30 -нд Зүүн бүсэд Э.Бат-Эрдэнийн Солонго зээрд түрүүлжээ
-
7-р сарын 30 -нд Говийн бүсэд Б.Отгонсэлэнгийн хээр морь түрүүлжээ
-
7-р сарын 30 -нд Баруун бүсийн сонгомол дээд насны ангилалд Т.Цэенд…
-
7-р сарын 29 -нд Зүүн бүсэд Г.Пүрэвсүрэнгийн хүрэн халзан даага түр…
-
7-р сарын 29 -нд Зүүн бүсэд С.Хүдэрчулууны зээрд соёолон түрүүлжээ
-
7-р сарын 29 -нд Баруун бүсэд Б.Норовсамбуугийн халтар морь түрүүлл…
-
7-р сарын 29 -нд Говийн бүсэд Б.Баярмагнайн бор соёолон түрүүллээ
-
7-р сарын 29 -нд Баруун бүсэд О.Баатарын хонгор соёолон түрүүллээ
-
7-р сарын 29 -нд Баруун бүсэд Б.Норовсамбуугийн Гоё хээр азарга түр…
-
7-р сарын 29 -нд Говийн бүсэд Б.Тогтохын хүрэн халзан азарга түрүүл…
-
7-р сарын 29 -нд Зүүн бүсэд Б.Саянсанаагийн халиун азарга түрүүллээ
-
2025 оны 7-р сарын 28 -нд Баруун бүсийн сонгомол бага насны ангилалд Л.Нямба…
-
2025 оны 7-р сарын 28 -нд Баруун бүсэд А.Ариунболдын зээрд даага түрүү магна…
-
2025 оны 7-р сарын 28 -нд Баруун бүсийн сонгомол дунд насны ангилалд эхний 1…
-
2025 оны 7-р сарын 28 -нд Баруун бүсэд Б.Дагвабазарын хээр хязаалан түрүүллэ…
-
2025 оны 7-р сарын 28 -нд Зүүн бүсэд Б.Баярхүүгийн зээрд шүдлэн түрүүллээ
-
2025 оны 7-р сарын 28 -нд Баруун бүсэд Батдоржийн Ганбаярын хээр халзан шүдл…
-
2025 оны 7-р сарын 28 -нд Увс аймагт болсон баруун бүсийн уралдаануудад түрү…
-
2025 оны 7-р сарын 28 -нд Баруун бүсийн шүдлэн насны морьд гарааны зурхай ру…
-
2025 оны 7-р сарын 28 -нд Зүүн бүсэд Ж.Батзоригийн хар хязаалан түрүүллээ
-
2025 оны 7-р сарын 28 -нд Дорнод аймагт болсон "Зүүн бүсийн хурд" уралдаануу…
-
2025 оны 7-р сарын 28 -нд Зүүн бүсэд 113 хязаалан бүртгүүлжээ
-
2025 оны 7-р сарын 27 -нд Эрдэмт уяачид, эрэмгий хүлгүүд- Тод манлай уяач Д.…
-
2025 оны 7-р сарын 27 -нд Хангайн бүсэд Б.Гөлөгсайханы бор шүдлэн түрүүллээ
-
2025 оны 7-р сарын 27 -нд Хөдөлмөрийн баатар Б.Далай нутагтаа "Цэнхэр тэнгэ…
-
2025 оны 7-р сарын 27 -нд Хангайн бүсэд 121 соёолон мордож, Н.Мөнхийн бор ха…
-
2025 оны 7-р сарын 27 -нд Хангайн бүсэд 147 хязаалан мордож, Г.Хишигбатын хэ…
-
2025 оны 7-р сарын 26 -нд "Хангайн бүсийн хурд-2025" уралдаанд эхний 10-т ху…
-
2025 оны 7-р сарын 26 -нд Хангайн бүсэд М.Мөнхбатын хул морь түрүүллээ
-
2025 оны 7-р сарын 26 -нд Хангайн бүсэд Н.Мөнхзоригийн хээр азарга түрүүллээ
-
2025 оны 7-р сарын 25 -нд "Хангайн бүсийн хурд-2025" уралдааны сонгомол бага…
-
2025 оны 7-р сарын 25 -нд "Хангайн бүсийн хурд-2025" уралдааны сонгомол дунд…
-
2025 оны 7-р сарын 25 -нд "Хангайн бүсийн хурд-2025" уралдааны сонгомол дээд…
-
2025 оны 7-р сарын 13 -нд Сонгомол бага насанд Ч.Ганцогтын хээр түрүүллээ
-
2025 оны 7-р сарын 13 -нд Сонгомол бага насанд 105 даага бүртгүүлж, 76 мордл…
-
2025 оны 7-р сарын 13 -нд АХ-ын 104 жилийн ойн сонгомол дунд насны ангилалд…
-
2025 оны 7-р сарын 13 -нд Сонгомол дунд насанд Д.Даяндэмидийн Наран зээрд т…
-
2025 оны 7-р сарын 13 -нд Сонгомол дунд ангиллын хурдан хүлгүүд мордлоо
-
2025 оны 7-р сарын 13 -нд Сонгомол дунд насны ангилалд 106 хүлэг бүртгүүлжэ…
-
2025 оны 7-р сарын 13 -нд АХ-ын 104 жилийн ойн сонгомол дээд насны ангилалд …
-
2025 оны 7-р сарын 13 -нд Сонгомол дээд насанд Г.Хүрэлбаатарын хүрэн халзан …
-
2025 оны 7-р сарын 13 -нд Сонгомол дээд ангиллын хүлгүүд гарааны зурхай рууг…
Сэтгэгдэл бичигдээгүй байна