Сэлэнгэ аймгийн шилдгүүд тодорлоо

Он солигдох торгон мөчид шилдгүүд тодорсоор л байна. Арванхоёрдугаар сарын 18-нд Сэлэнгийн хийморилог уяачид энэ жилийн ололт амжилтаа дүгнэн, ирэх жилийнхээ төлөвлөгөөгөө гаргажээ. Сэлэнгэ аймгийн сумдын төлөөлөл 80 гаруй  уяачид оролцсон шинэ жилийн цэнгүүний үеэр “Буган халиун ажнай” МСУХ-ны удирдах зөвлөлийн 12-р сарын 13-ны өдрийн хурлаар шийдвэрлэсэн шилдгүүдээ зарласан юм.
2013 оны шилдгийн шилдэг уяач
-Мандал сумын уугуул С.Бат-Очир. Аймгийн баяр наадмаас 1 түрүү, хоёр айраг. Аймгийн бүсийн наадмаас хоёр түрүү, нэг айраг авсан.
Шилдэг уяач:
-Хушаат сумын харьяат  О.Бат-Очир. “Монгол морь-3000” уралдаанд айргийн гурав хангайн бүсэд. Аймгийн баяр наадмаас нэг түрүү, нэг айраг.
-Сүхбаатар сумын харьяат, аймгийн Алдарт уяач Г.Энхтайван. Аймгийн баяр наадмаас хоёр түрүү, хоёр айраг, аймгийн бүсийн наадмаас нэг айраг хүртсэн.
Шилдэг салбар холбоод: Мандал сумын “Мандал хүлэг” МСУХ
Шилдэг холбоо: Хушаат сумын “Хушаатын хурд” МСУХ, Цагааннуур сумын  “Цагааннуур-Буган халиун” МСУХ
Шилдэг унаач хүүхэд:
Мандал сумын харьяат С.Бат-Очирын хурдан морь унаач Ган-Эрдэнэ. Улс бүсийн наадмаас нэг айраг. Аймаг, аймгийн бүсийн наадмаас гурван түрүү, гурван айраг авсан амжилтаараа тэргүүлжээ.
Хушаат сумын харьяат О.Бат-Очирын хурдан морь унаач О.Эрдэнэбат. Улс бүсийн наадмаас нэг айраг. Аймаг, аймгийн бүсийн наадмаас нэг түрүү, хоёр айраг.
Сүхбаатар сумын харьяат, аймгийн Алдарт уяач Г.Энхтайваны хурдан морь унаач Б.Эрдэнэсүрэн. Аймаг, аймгийн бүсийн баяр наадмаас хоёр түрүү, гурван айраг.
Зүүнбүрэн сумын харьяат Ж.Алтанхүүгийн хурдан морь унаач Ж.Цэнгүүнбаяр. Аймаг, аймгийн бүсийн баяр наадмаас хоёр түрүү, нэг айраг.
Хушаат сумын харьяат Д.Ариунболдын хурдан морь унаач Бөхболд. Аймаг, аймгийн бүсийн баяр наадмаас дөрвөн түрүү,хоёр айраг . 
Алтанбулаг сумын харьяат Хишигбуянжаргалын хурдан морь унаач Э.Баатарбилэг. Аймаг, аймгийн бүсийн баяр наадмаас нэг түрүү, гурван айраг авсан амжилтаар тус тус шалгарчээ.

“Буган халиун ажнай” МСУХ-ны нарийн бичгийн дарга Б.Мөнхтөр