Арын сайхан хангайн хурдан морины шилдгүүд тодорлоо

Архангай аймгийн МСУХ-ны оны шилдгийг шалгаруулах ёслолын ажиллагаа энэ сарын 22-нд ёслол төгөлдөр боллоо. Энэ шинэ жилийн цэнгүүнд тус аймгийн МСУХ-ны удирдлагууд болон 17 сумын уяачид уригдан хүрэлцэн иржээ. Тэд уламжлал ёсоороо оны шилдгүүдээ тодруулсан юм.
Оны шилдгийн шилдэг уяачаар Эрдэнэмандал сумын аймгийн Алдарт уяач О.Алаг-уул.
Оны шилдэг 9 уяачаар:
1. Өндөр-Улаан сумын уяач Отгонбаатар
2. Цэнхэр сумын аймгийн Алдарт уяач Баярсайхан
3. Эрдэнэмандал сумын уяач Даваадорж
4. Өгийнуур сумын уяач Соёл-Эрдэнэ
5. Батцэнгэл сумын уяач Доржзодов
6. Жаргалант сумын уяач Буянбаяр
7. Тариат сумын уяач Ганбаяр
8. Булган сумын уяач Бямбадорж
9. Эрдэнэмандал сумын уяач Хатанбаатар нар тус тус эрэмбэлэгдлээ. Мөн оны шилдэг залуу уяачаар Өндөр-Улаан сумын уяач Барбаатар шалгарсан юм. Харин оны шилдэг салбар хороогоор Ихтамир сумын “Тамирын хурд” МСУХ, бүтээлч салбар холбоогоор Батцэнгэл сумын МСУХ шалгарсан. Бүтээлч салбар холбоо номинацийг тус аймгийн МСУХ анх удаагаа шалгаруулж байгаа аж.
Түүнчлэн Эрдэнэмандал сумын Мөнгөнхөлөгийн Ганхөлөг оны шилдгийн шилдэг унаач шагналын эзэн болов. М.Ганхөлөг нь Архангай аймгийн 90 жилийн ой, хангайн бүсийн наадмын түрүү, “Монгол морь- Дэлхийн дээд амжилт Гиннесийн уралдааны төвийн бүсийн аман хүзүү, Өвөрхангай аймагт зохиогдсон “Монгол түмний их шүтээн” даншиг наадмын аман хүзүүд хурдалсан аймгийн Алдарт уяач О.Алаг-Уулын хар морины унаач хүүхэд аж.
Оны шилдэг унаачаар:
1. Лигдэн /Өндөр-Улаан/
2. Наранхүү /Цэнхэр/
3. Жаргалхүү /Эрдэнэмандал/
4. Эрдэнэжаргал /Өгийнуур/
5. Доржзундуй /Батцэнгэл/
6. Түвшинбат /Жаргалант/
7. Нанжид /Тариат/
8. Энхбаяр /Булган/
9. Рэгвийжалам /Эрдэнэмандал/
10. Гансүх /Өндөр-Улаан/ нар тодорлоо.
Арын сайхан хангайн хийморилог уяачдын шинэ жилийн цэнгүүний үеэр шагналын хур тасрахгүй л байлаа. Тухайлбал, Архангай аймгийн МСУХ гурван хүнд Хүндэт өргөмжлөлөө гардуулсан. Тэд аймгийн МСУХ-ны тэргүүлэгч Жүгдэргарав, ахмад уяач Жаргал, Үүрцайх нар байв. Түүнчлэн тус аймгийн сумдын оны шилдэг уяачид тодорч, аймгийн МСУХ-ны тэргүүлэгчид шагналыг гардуулсан юм. Архангай аймгийн уяачдын шинэ жил хоёр дахь жилдээ зохион байгуулагдаж байгаа бөгөөд энэ жилийн цэнгүүнд хүрэлцэн ирсэн уяачид, морины зүтгэлтнүүд сэтгэл хангалуун байгаа нь тэдний ярианаас илт байлаа.

У.Энхмаа