“НҮҮРЭНТЭЙН ХУРД-2011” ЗҮҮН БҮСИЙН ХАВРЫН УРАЛДААН
ММСУХолбооны санал санаачлагын дагуу засгийн газрын шийдвэр гарч хаврын зүүн бүсийн уралдааныг Багануур-Бага Хэнтийн МСУХолбооны тулгын чулуугаа төвхнүүлсэн түүхт 10-н жилийн ойн нэрэмжит болгон Их зохиолч Д.Нацагдоржийн унасан Гүн галуутай, Нүүрэнтэйн цэлгэр талын шинэхэн хот Багануур дүүрэгт “Нүүрэнтэйн их хурд-2011” нэртэйгээр 3-р сарын 05-ны өдөр амжилттай зохион байгууллаа.
Багануур-Бага Хэнтийн бүсийн МСУХолбоо нь 2001 оны 03 сарын 18-нд буюу эр цэргийн баярын өдөр Төв аймгийн Баяндэлгэр, Мөнгөн морьт, Архуст, Баянжаргалан, Хэнтий аймгийн Цэнхэр-мандал, Жаргалтхаан, Дэлгэрхаан, Өмнөдэлгэр зэрэг найман сумдын уяачид, унаач хүүхдүүдийн эрх ашгийг хамгаалах, хурдан хүлгүүдийнхээ удам угшлыг сайжруулах зорилготойгоор байгуулагдаж байсан түүхтэй.10 дахь жилдээ яргуй дэлгэрүүлж буй уг холбоо байгуулагдсан цагаасаа эхлэн “Нүүрэнтэйн их хурд” хаврын уралдааныг зохион байгуулж байгаа бөгөөд эрдэм төгс уяачид, халхын довтой хурдан хүлгүүдийн хуран чуулдаг уралдааны нэг болсон нь зохион байгуулалтын чанар чансаа, далайцыг илтгэж байна.
Холбоо цэнхэр нуур, Хэрлэнгийн хөвөөгөөр багшрах халхын цуутай олон хүлгүүдийн өлгий Нүүрэнтэйн хөндийд болсон энэ уралдаанд төрийн сайд,том уяачдаас эхлээд эгэл жирийн уяачид, халхын хавтгайд түүх болон яригддаг олон хурдан хүлгүүд ирсэн байсан нь их зохиолчийн “Шувуун саарал”-ын авшиг гэлтэй. Туулай жилийн өнгөн дээр Нүүрэнтэйн хөндий туурайн тамга, хүүхдийн гийнгоогоор хөг нэмэн нэгэн өдөр дэрвэлзлээ.
Уралдааны өглөө тэнгэр хангай хялмаалсан цасаар мялааж байсан ч цаг агаар жиндээмгүй дулаахан байлаа. Зохион байгуулагчид унаач хүүхдүүд, хурдан морьдын аюулгүй байдалд ихээхэн анхаарал хандуулж уралдааны замыг сайхан зассан нь уяачдын амнаас талархлын үг унагаад авна билээ.
ШИНЭХЭН ТОД МАНЛАЙ Д.МӨНХБАТ
ЯСНЫ УЯАЧ ГЭДГЭЭ НОТОЛЛОО
“Нүүрэнтэйн их хурд-2011” хаврын зүүн бүсийн их насны уралдаанд газар газрын 260 алтан туурт тоосоо өргөхөөр гарааны зурхайгаас будлиангүй бүрэн эргэсэн. Энэ уралдаанд хэдийгээр эрлийз морь уралдуулахгүй гэж байсан ч нас насанд хэд хэдэн эрлийз адуу тоон дотор үсэг цохьж яваа юм шиг содон харагдаж байсныг нуух юун. Ингээд Нүүрэнтэйн дэнжийг бөхөлзүүлэн, үзэгч олныг хуйлруулан их нас барианд ороход Сүхбаатар аймгийн Мөнххаан сумын уяач Алтансүхийн саарал түрүү магнай торгон жолоогоо өргүүллээ. Саарал морь цагаан сарын дараа буюу шинийн найманд болсон “Мөнххаан-2011” Сүхбаатар аймгийн баруун бүсийн уралдаанд түрүүлсэн бөгөөд дахан дор эр, даарин дор хүлэг гэдгийг л батлан, халхын довтой хүлгүүдийг дийлж уралдлаа.
Харин аман хүзүүнд “Босоо хүлэг” галын уяач Амгаланбаатарын хүрэн хурдалсан. Энэ хүрэн морь Сүхбаатар аймгийн Мөнххаан сумын уяач Очирдэрэмийн унаган адуу. “Мөнххаан- 2011” Сүхбаатар аймгийн баруун бүсийн уралдаанд долоод хурдлаад байхад нь Тод манлай уяач Д.Мөнхбат 14 саяар худалдан авч байсан бөгөөд “би морь шинжиж, уяхдаа энэ зэргийн уяач шүү” гэдгээ наадамчин олондоо таниулж,Тод манлай цолыг гуйж биш гуядаж авсан ясны уяач гэдгээ баталлаа.
Айргийн гурваар Өмнөговь аймгийн Цогтцэций сумын уугуул, “Монгол 999” компанийн захирал, МУ-ын алдарт уяач Д.Бат-Эрдэнийн “Дүнжингарав -2011” уралдаанд айргийн гуравт хурдалсан хүрэн орлоо. Хүрэн морь Сүхбаатар аймгийн Мөнххаан сумын аймгийн Алдарт уяач Бураа хэмээх Ш.Пүрэвжавын унаган адуу бөгөөд МУ-ын Тод манлай уяач Д.Даваахүү уяа сойлгыг нь тааруулсан билээ. Түүний ар дээр Төв аймгийн Баянцагаан сумын уугуул “Улаанбаатар госпитал” ХХК-ын захирал М.Энхбатын шарга хурдаллаа. Шарга морь Сүхбаатар аймгийн Баяндэлгэр сумын Ганхуягийн унаган адуу бөгөөд өнгөрсөн жил аймгийнхаа наадамд айргийн гуравт хурдалж байсан.
Харин алтан туурт ажнай хүлгүүдийн айргийн торгон ирэн дээр туулай жилийн уралдаануудад тун амжилттай наадаж байгаа Сүхбаатар аймгийн Түмэнцогт сумын уугуул, МУ-ын алдарт уяач С.Төмөр-Очирын бор давхилаа. Бор морь “Мөнххаан-2011” Сүхбаатар аймгийн баруун бүсийн уралдаанд аман хүзүүдэж, хэдхэн хоногийн өмнө “Дүнжингарав -2011” уралдаанд айргийн тавд хурдалсан бөгөөд энэ уралдаанд ч буурь заан айрагдлаа.
Г.БАТХҮҮ ИРЭХ ЖИЛ ТОД МАНЛАЙ БОЛОХ НЬ ТОДОРХОЙ БОЛЛОО
Энэ наадмын сүргийн манлай азарганы уралдаанд 180 ажнай тоосоо өргөсний дотор улс, бүс, Их хурдын айраг түрүү хүртсэн алдарт хүлгүүд мордсон ширүүхэн уралдаан болсон.
Азарганы уралдааны түрүү магнай, торгон жолоогоор Төв аймгийн Сэргэлэн сумын уяач Б.Сүхбаатарын хээр тодорлоо. Хээр азарга нь Сүхбаатар аймгийн Түвшинширээ сумын аймгийн Алдарт уяач Пүрэвдоржийн унаган адуу бөгөөд өнгөрсөн жил “Дүнжингаравын хурд-2010” хаврын бүсийн уралдаанд соёолон үрээ айргийн тавд хурдалж, улсын наадамд хүүхэдгүй 9-т давхиж, давхар уяагаар “Хотгойдын хурд-2010” уралдаанд түрүүлсэн. Мөн Манлай уяач Б.Мөнхтөрийн Алдарт уяач цолны мялаалга наадамд гуравт хурдалж байсан ба хэдхэн хоногийн өмнө “Дүнжингаравын хурд-2011” уралдаанд айргийн гуравт хурдалснаар энэ цагт тодорч байгаа хурдан ажнай гэдгээ батлан харууллаа.Үндсэндээ засгийн газрын тушаалтай бүсийн уралдаанд 2 түрүүлж, 2 айрагдаад байгаа хурдан буян юм.
Харин аман хүзүүнд Өвөрхангай аймгийн Хужирт сумын уугуул УИХ-ын дэд дарга, МУ-ын Манлай уяач Г.Батхүүгийн соёмбо зээрд орсон. Зээрд азарга туулай жилийн шинийн гурванд Хүй мандлын торгон дэвжээнээ болсон өндөр бооцоот “Хийморь бадраах” уралдаанд түрүүлж, давхар уяагаар “Дүнжингаравын хурд- 2011” уралдаанд аман хүзүүнд хурдалсан билээ. Ийнхүү Монгол улсын Тод манлай уяач цолны болзол хангахад ганц хоёрхон айраг дутуу байсан Манлай уяач Г.Батхүү Соёмбо зээрдийнхээ буянаар ирэх жил хурдан морины дээд цолтонг нэгээр нэмэх нь тодорхой болж байна.
Хөдөөний хөрслөг бор уяачдын нэг, Сүхбаатар аймгийн Түмэнцогт сумын уугуул МУ-ын Алдарт уяач С.Төмөр-Очир аргагүй л тэнгэрлэг байна. Түүний 2007 онд даагандаа төрийн их баяр наадам айргийн гуравт хурдалж, түүний дараа болсон “Боржигон-2007” төвийн бүсийн уралдаанд аман хүзүүдэн, Говь-шанхын хурд говийн бүсийн уралдаанд мөн айргийн гурваар орж, шүдлэндээ улсын наадам болон Алтан овооны наадамд тус тус айргийн гуравт, хязааландаа Дорнод аймагт болсон зүүн бүсийн уралдаанд аман хүзүүлж, “Дүнжингарав-2011” уралдаанд айргийн дөрөвт хурдалсан Ембүү хээр азарга нь халхын довтой хурдан хүлэг гэдгээ батлан, Нүүрэнтэйн хөндийд айргийн гурваар хурдаллаа. Алдарт уяач маань одоогоор Манлайн болзол хангаад байгаа бөгөөд энэ байдлаараа Тод манлай цолонд хүрэхийг байг гэхийн газаргүй юм.
Энэ уралдааны айргийн дөрвөөр Ход аймгийн Булган сумын уугуул, Сэлэнгэ аймгийн Жавхлант сумын харьяат МУ-ын Алдарт уяач Н.Баатарын хүрэн орж, түүний ар дээр өнгөрсөн жил төрийнхөө их баяр наадамд халтар морио аман хүзүүнд хурдлуулсан Говь-Алтай аймгийн Шарга сумын уугуул “Туушин” ХХК-ны захирал Н.Зоригтын хар давхилаа. Хар азарга өнөө жил хавчиг соёолон азарга бөгөөд өнгөрсөн жил улсын наадамд 23-т ирээд, Багануур дүүргийн 30-н жилийн ойд аман хүзүүнд хурдалж байсан хурдан буян. Архустай сумын залуу уяач Жамъяансүрэн уяа сойлгыг нь тааруулсан билээ.
Н.ИЖИЛБАЯРЫН ЭГЭЛГҮЙ ХАР
Нүүрэнтэйн хөндийд хийморь далласан 162 соёолон тоосоо өргөснөөс Өвөрхангай аймгийн Өлзийт сумын уугуул “Сангийн далай” ХХК-ны захирал Н.Ижилбаярын хар үрээ түрүүлэн ирж,түмэн олноо баясгалаа. Хар үрээ өнгөрсөн жил Говь-Алтай аймгийн 70-н жилийн ой баруун бүсийн даншигт аман хүзүүдэж өнөө жил “Дүнжингаравын хурд- 2011” хаврын бүсийн уралдаанд долоод хурдлаад байсан хурдан ажнай. Харин соёолонгийн аман хүзүүгээр Төв айм?г Баяндэлгэр сумын Дашзэвэгийн “Дүнжингаравын хурд-2011” уралдаанд наймд хурдалсан хүрэн халзан тодорсон. Айргийн гурваар Дорнод аймгийн Цагаан овоо сумын уугуул аймгийн Алдарт уяач Т.Батзоригийн саарал хурдалж түүний ар дээр Төв аймгийн Баянцогт сумын уугуул, Сэлэнгэ аймгийн Орхонтуул сумын харьяат, 2010 оны шилдэг залуу уяач С.Ганзоригийн уясан Төв аймгийн Батсүмбэр сумын уяач Б.Баатарцогтын зээрд давхилаа.Харин энэ уралдааны айргийн тавд Төв аймгийн Алтанбулаг сумын уяач Батхүүгийн уясан Дундговь аймгийн Эрдэнэдалай сумын уяач Б.Өнөрбаянгийн халиун орсон юм. Б.Өнөрбаян сүүлийн үед тогтмол амжилттай наадаж байгаа шилдэг залуу уяачдын нэг билээ.
Ийнхүү хурд далласан Нүүрэнтэйн хурд үзэж харах зүйлтэй, өргөн дэлгэр, зохион байгуулалт сайтай жишиг уралдаан болон өндөрлөсөн юм.
“Тод магнай” сэтгүүл 2011 оны 3 дугаар
0 Сэтгэгдэл
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
- 4-р сарын 15 -нд Уяач Ц.Батсайхан: Гэсэрваань гуай тарган ирэн дээр…
- 3-р сарын 27 -нд Богд хан уулын аймаг байгуулагдсаны 100 жилийн ой,…
- 3-р сарын 27 -нд МУ-ын Тод манлай уяач Б.Далай: Уяачийн амжилтанд г…
- 2024 оны 3-р сарын 19 -нд Архангай аймгийн 100 жилийн ой, хангайн бүсийн ура…
- 2024 оны 3-р сарын 19 -нд 2023 оны ММСУХ-ны чансаа өндөр уяачид
- 2024 оны 3-р сарын 05 -нд 2023 ОНЫ 21 АЙМГИЙН ШИЛДЭГ УЯАЧ, УРАЛДААНЧ ХҮҮХДҮҮ…
- 2024 оны 3-р сарын 05 -нд Аймгийн Алдарт уяач Ш.Мөнхбаатар:Ах дүү дөрвүүл аа…
- 2024 оны 3-р сарын 05 -нд 2023 ОНЫ ММСУХ-НЫ 21 АЙМГИЙН ШИЛДЭГ САЛБАР ХОЛБОО,…
- 2024 оны 3-р сарын 05 -нд Архангай аймгийн 100 жилийн ой, хангайн бүсийн ура…
- 2024 оны 2-р сарын 27 -нд Манлай уяач Ч.Сугар: Алаг морийг харсан хүн болгон…
- 2024 оны 2-р сарын 27 -нд 2022 оны чансаа өндөр сонгомол дээд насны хүлгүүд
- 2024 оны 2-р сарын 26 -нд Н.Билэгтсайхан 66 оноогоор 2022 оны чансаа өндөр у…
- 2024 оны 2-р сарын 26 -нд Хэнтий аймгийн 100 жилийн ой, зүүн бүсийн уралдаан…
- 2024 оны 2-р сарын 26 -нд МОНГОЛ УЛСЫН 2022 ОНЫ ӨНДӨР ЧАНСААТАЙ ИХ НАСНЫ МОР…
- 2024 оны 2-р сарын 26 -нд О.Батбилэг 73 оноогоор 2022 оны чансаа өндөр уяачд…
- 2024 оны 2-р сарын 26 -нд МУ-ын Алдарт уяач Г.Болдбаатар:Наадмын маргаашнаас…
- 2024 оны 2-р сарын 22 -нд 2022 оны чансаа өндөр азарганууд
- 2024 оны 2-р сарын 22 -нд 2022 оны МУ-ын шилдэг уяач, уралдаанч хүүхдүүд
- 2024 оны 2-р сарын 21 -нд ММСУХ-ны 2022 оны шилдгүүд шагналаа авлаа
- 2024 оны 2-р сарын 21 -нд Архангай аймгийн 100 жилийн ой, хангайн бүсийн ура…
- 2024 оны 2-р сарын 20 -нд Уяач Б.Батжаргал: Сүүлд цоохор даага даяндуулсан
- 2024 оны 2-р сарын 19 -нд Богд хан уулын аймаг байгуулагдсаны 100 жилийн ой,…
- 2024 оны 2-р сарын 14 -нд Цолоо ахиулсан уяачид
- 2024 оны 2-р сарын 07 -нд Нийслэлийн Алдарт уяач цолоор 28 хүн шагнагджээ
- 2024 оны 2-р сарын 07 -нд Дөрвөн Тод, дөрвөн Манлай, 18 Алдарт уяач цол авах…
- 2024 оны 2-р сарын 07 -нд Сумын Алдарт уяач Н.ДУГАРЖАВ: БИ ДӨРӨВДҮГЭЭР АНГИА…
- 2024 оны 2-р сарын 05 -нд Богд хан уулын аймаг байгуулагдсаны 100 жилийн ой,…
- 2024 оны 2-р сарын 05 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 27 -нд Сумын Алдарт уяач Д.Батбаяр: Би Биндэрт анх адуу т…
- 2024 оны 1-р сарын 26 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 25 -нд Архангай аймгийн 100 жилийн ой, хангайн бүсийн ура…
- 2024 оны 1-р сарын 24 -нд СУМЫН АЛДАРТ УЯАЧ А.Цэрэндорж: ЗААМАРТ ДАЛАЙ ЛАМЫГ…
- 2024 оны 1-р сарын 22 -нд Завхан аймгийн 100 жилийн ой, баруун бүсийн уралда…
- 2024 оны 1-р сарын 21 -нд Аймгийн Алдарт уяач Б.Баттөр: Таван жилийн дотор с…
- 2024 оны 1-р сарын 18 -нд Богд хан уулын аймаг байгуулагдсаны 100 жилийн ой,…
- 2024 оны 1-р сарын 15 -нд Аймгийн Алдарт уяач Ц.Жамсран: Өөрийн тамгатай уна…
- 2024 оны 1-р сарын 15 -нд Богд хан уулын аймаг байгуулагдсаны 100 жилийн ой,…
- 2024 оны 1-р сарын 11 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 10 -нд Аймгийн Алдарт уяач М.Мөнхбаяр: Адууны төлөө уйгаг…
- 2024 оны 1-р сарын 10 -нд Завхан аймгийн 100 жилийн ой, баруун бүсийн уралда…
- 2024 оны 1-р сарын 08 -нд Сумын Алдарт уяач Ц.ГЭРЭЛБААТАР: Сайн адууны удам …
- 2024 оны 1-р сарын 08 -нд Завхан аймгийн 100 жилийн ой, баруун бүсийн урал…
- 2024 оны 1-р сарын 03 -нд Хамгийн шимт тэжээлийг мэдэх үү?
- 2024 оны 1-р сарын 02 -нд М.Энхтайван: Хүн хэдий чинээ сэтгэлээ өгнө, адуу т…
- 2023 оны 12-р сарын 27 -нд Хэнтий аймгийн 100 жилийн ой, зүүн бүсийн уралдаан…
- 2023 оны 12-р сарын 25 -нд Баахан хэрэг тарих Баяндэлгэрийн буурал
- 2023 оны 12-р сарын 23 -нд Нийслэлийн Алдарт Уяач цолны болзол хангасан уяачд…
- 2023 оны 12-р сарын 22 -нд Аймгийн Алдарт уяач Г.Энхбаатар: Аавынхаа уяаны ар…
- 2023 оны 12-р сарын 17 -нд Хэнтий аймгийн 100 жилийн ой, зүүн бүсийн уралдаан…
- 2023 оны 10-р сарын 29 -нд Сумын Алдарт уяач Л.Батноров: Азарганы түрүүгээр а…
Сэтгэгдэл бичигдээгүй байна