Баруун жигүүр яллаа
“Хамаг Монгол” студи санаачлан МҮБХ-той хамтран зохион байгуулсан начин цолтнуудын багийн халз барилдаан амжилттай сайхан боллоо. Барилдаан эхлэхийн өмнө “Аварга “ биеийн лицей сургуулийн хөвгүүд монгол бөхийн уламжлалт гараа дэвээ, шавааг харуулсан үзүүлэх тоглолтыг үзүүлсэн агаад энэ үзүүлбэр бөх сонирхогчдын анхаарлыг гойд татаж байлаа. Мөн уртын дууч Б.Мөнхбаатар уртын сайхан дуугаар өргөөний жаврыг үргээж барилдаан эхэллээ.
НЭГДҮГЭЭР ТОЙРОГ
Хамгийн эхний давааг баруун жигүүрийн ахлагч улсын начин Ч.Баянмөнх авлаа. Тэрээр у.н Ду.Батбаяртай оноолт таарсан агаад гар ачихад сөрж хонгодоод давхар зүүн талдаа мордоод давснаар багийнхаа болоод энэ өдрийн, энэ барилдааны анхны давааг авлаа. Үүний араас у.н Б.Сангисүрэн у.н Б.Амарзаяаг түрж хөөгөөд холоос зүтгэж мордсон боловч хэт цөмөрч гишгээд өөрөө уначихав.
Улсын наадмын хоёрын даваанд учраа тааран барилдаж байсан у.н Р.Пүрэвдагва Ж.Чулуунбат нар учраа таарч Ж.Чулуунбат толгой уургалж гуд татаад улмаар тумбарайдсан барьцнаас тохойлдуулахаар татахад Пүрэвдагва начин сөрж зүүн тавхайлдаад татчихав. Ц.Одбаяр А.Батмөнх нарын онжавуудын барилдаан нэг удаа хайнцаж ахин барилдахад Өмнөговийн өнгө болсон начин тойруулж шахаж татаад давав. Сүүлийн хоёр барилдаанд у.ө.и.н Э.Энхбат у.н Л.Цэрэнтогтохтой, у.н Б.Пүрэвсайхан у.н Т.Баасанхүүтэй барилдав. Цэрэнтогтох начин барьц сонгоод хавирахад өсөх идэр начин дагаж муриад давсан бол идэрхэн хоёр начны барилдаан тун өрсөлдөөнтэй боллоо. Өмнө нь гурван ч удаа таарахад давсан Б.Пүрэвсайхан энэ удаа мөн л шуудагнаас илүүрхэж дайрахад уран барилдаант начин тун ч сайхан хамгаалж барьцыг задлаж хүнд байдлаас гарав. Улмаар өөрөө барьцны давуу талыг олж шахаж эргүүлээд үзэгчдийг шуугиулсан боловч мэх дутуудаж хариуд нь Б.Пүрэвсайхан начин баруун суганд нь сэжиж өргөөд чимээтэйхэн тавьж багийнхаа энэ тойргийн хоёр дахь давааг авчирлаа.
Эхний тойрогт зүүн жигүүр 4:2-оор илүүрхэв.
ХОЁРДУГААР ТОЙРОГ
Энэ тойрогт Б.Пүрэвсайхан начин өсөх идэр Э.Энхбатыг шуудагдаж мөргөж хөөгөөд, Л.Цэрэнтогтох Ду.Батбаярыг зүүн талдаа гар ачаад, Б.Амарзаяа Ч.Баянмөнхийг баруун хутгаад дутуудахад дайрч баруун мордоод, Ц.Одбаяр Б.Сангисүрэнг давуулахад сөрж баруун талдаа даацтай хутгаад, Р.Пүрэвдагва А.Батмөнхийг таллаад баруун хонгодоод тус тус давав. Энэ давааны хамгийн тэмцэлтэй барилдаан у.н Ж.Чулуунбат Т.Баасанхүү нарынх байсан бөгөөд Т.Баасанхүүг мордоод дайрахад Ж.Чулуунбат сайхан тогтож баруун талдаа даацтай тонгорсон ч өөрөө барьцаа алдаж улмаар Т.Баасанхүү сэжиж баруун мордоод давлаа.
Энэ тойрог мөн л 4:2-оор зүүн ялав.
ГУРАВДУГААР ТОЙРОГ
Тойрог эхэлмэгц Ж.Чулуунбат Э.Энхбатыг дайраад хонгодчихов. Баатархүүгийн Пүрэвсайхан Батбаяр начныг мөргөж хөөх дархан мэхээрээ давлаа. Гэхдээ ах начин Батбаяр залуу начныг дөрвөн хөллүүлж багагүй сандраасныг хэлэх нь зүй. Б.Амарзаяа гар татаж хавирдаг мэхээрээ Л.Цэрэнтогтохыг шороодуулахад Ц.Одбаяр гар таллаж тахимддаг дархан мэхээр Ч.Баянмөнхийг газардуулав. Батмөнхийн Сангисүрэн Пүрэвдагвыг шуудагдаж шахаж хөөгөөд баруун талдаа тун даацтай хавирч давсан бөгөөд сургуулийнхаа дүү нарын үзүүлсэн гараа дэвээг хийж үзэгч олны цөсийг хөөргөж өөрийн багийн гишүүдийн урам зоригийг сэргээв. Арал ойролцоо хоёр начин энэ тойрогт таарч Т.Баасанхүү сэжиж хавираад тэр чигт нь түрээд давлаа.
Даваа унаа энэ тойрогт 3:3 болж тэнцэв.
ДӨРӨВДҮГЭЭР ТОЙРОГ
Э.Энхбат А.Батмөнх учраа таарч Энхбат хөмрөөд тун дөхүүлсэн ч Батмөнх зүүн мураид давсан бол Р.Пүрэвдагва “Өндөр” Баянмөнхийг тун хараатай барьцгүй хавсрав. Л.Цэрэнтогтох Ц.Одбаярыг баруун талдаа даацтай мордоод, Ж.Чулуунбат Ду.Батбаярыг шуудагнаас тойруулж татаад орхив. Баатархүүгийн Пүрэвсайхан Баатарын Амарзаяаг шуудагнаас мөргөж хөөгөөд буцааж уран гоё зайлаад орхилоо. Энэ барилдаан 2008 оны намар бөхийн өргөөнд болсон ХААИС-ийн нэрэмжит барилдааны үзүүр түрүүнд тухайн үеийн а.а Н.Батзаяа у.х Т.Мөнгөнцоожийг орхиж байсан мэхтэй тун ойролцоо мэх болов. Мөн Т.Баасанхүү начин Б.Сангисүрэнгийн зүүн хөлд дайрч ороход Б.Сангисүрэн тумбарайдаад буцааж түлхээд төвөггүй даваа авлаа. Ингэснээр баруун талын баг 5 даваа авч нийт даваа унааны харьцаа 12:12 боллоо.
ТАВДУГААР ТОЙРОГ
Тавдугаар тойрогт Ду.Батбаяр А.Батмөнхийг зайлж мушгиад, Ц.Одбаяр Б.Пүрэвсайханыг шахаж дотуур хашаад, Ж.Чулуунбат Б.Амарзаяаг баруун хонгодоод, Т.Баасанхүү Ч.Баянмөнхийг суганд сэжиж түрээд, Л.Цэрэнтогтох Р.Пүрэвдагвыг шуудагдаж мөргөөд тус тус давав. Мөн Э.Энхбат Б.Сангисүрэн нар учраа таарч Б.Сангисүрэн барьц сонгож Э.Энхбат хөмөрсөн бөгөөд дагуулж шилдэж түлхээд давлаа.
Энэ тойрогт 3:3-аар тэнцэнж мөн нийт харьцаа 15:15 боллоо.
ЗУРГААДУГААР ТОЙРОГ
Хамгийн сүүлийн тойрогт хэн ялах нь шийдэгдэхээр болов. Энэ тойрогт Б.Сангисүрэн Ду.Батбаярыг мордоод, Ц.Одбаяр Ж.Чулуунбатыг шахаж татаад угсруулж баруун этээд, Т.Баасанхүү Л.Цэрэнтогтохыг сууж сэжиж дунгуйлдаад, Ч.Баянмөнх Э.Энхбатыг барьц сонгож өргөөд тус тус давлаа. Мөн хоёр Пүрэвийн барилдаан үзэгчдийг шуугиулсаар Р.Пүрэвдагвыг хутгахад Б.Пүрэвсайхан сэжиж өргөөд тэр чигт нь голлож хөөгөөд давснаар барууны багийн 18 дахь давааг авав. Онжавуудын барилдаанд А.Батмөнх баруун талдаа тун лав хутгаад тэр чигт нь даалгаж хийснээр хожлын давааг авч баруун талын баг 19:17-ийн харьцаатай ялалт байгууллаа. Барилдаан эхлэхийн өмнө дийлэнх үзэгчид зүүн талын багийг илт илүүрхэнэ гэж байсан бол барууны начингууд басах аргагүй хүмүүс гэдгээ харуулу зүүн жигүүрийн начингуудыг дэмжигчидтэй нь хамт “яллаа”.
Бөхийн өргөө дүүрэн үзэгчтэй байсан нь үзэгчид өөр төрлийн барилдааныг хүсч хүлээж байдгийг энэхүү барилдаан харуулж байлаа. Мөн энд нэгэн зүйлийг сануулахад барилдаан эхлэхийн урьд үзүүлсэн Аварга дээд сургуулийн сурагчдын сайхан үзүүлбэрийг барилдаан дууссаны дараа зарим цахим сайт болоод цахим сүлжээгээр элдэв буруугаар бичиж, буруу ойлголт тарааж буй нь туйлын буруу юм. Монгол бөхийнхөө уламжлалт гараа дэвээг сэргээх үйлсийг дэмждэггүй юм аа гэхэд доромжлохгүй байх нь зүйтэй болов уу.
МУИС-ийн оюутан Т.Түмэндэмбэрэл
0 Сэтгэгдэл
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
- 4-р сарын 15 -нд Уяач Ц.Батсайхан: Гэсэрваань гуай тарган ирэн дээр…
- 2024 оны 3-р сарын 27 -нд Богд хан уулын аймаг байгуулагдсаны 100 жилийн ой,…
- 2024 оны 3-р сарын 27 -нд МУ-ын Тод манлай уяач Б.Далай: Уяачийн амжилтанд г…
- 2024 оны 3-р сарын 19 -нд Архангай аймгийн 100 жилийн ой, хангайн бүсийн ура…
- 2024 оны 3-р сарын 19 -нд 2023 оны ММСУХ-ны чансаа өндөр уяачид
- 2024 оны 3-р сарын 05 -нд 2023 ОНЫ 21 АЙМГИЙН ШИЛДЭГ УЯАЧ, УРАЛДААНЧ ХҮҮХДҮҮ…
- 2024 оны 3-р сарын 05 -нд Аймгийн Алдарт уяач Ш.Мөнхбаатар:Ах дүү дөрвүүл аа…
- 2024 оны 3-р сарын 05 -нд 2023 ОНЫ ММСУХ-НЫ 21 АЙМГИЙН ШИЛДЭГ САЛБАР ХОЛБОО,…
- 2024 оны 3-р сарын 05 -нд Архангай аймгийн 100 жилийн ой, хангайн бүсийн ура…
- 2024 оны 2-р сарын 27 -нд Манлай уяач Ч.Сугар: Алаг морийг харсан хүн болгон…
- 2024 оны 2-р сарын 27 -нд 2022 оны чансаа өндөр сонгомол дээд насны хүлгүүд
- 2024 оны 2-р сарын 26 -нд Н.Билэгтсайхан 66 оноогоор 2022 оны чансаа өндөр у…
- 2024 оны 2-р сарын 26 -нд Хэнтий аймгийн 100 жилийн ой, зүүн бүсийн уралдаан…
- 2024 оны 2-р сарын 26 -нд МОНГОЛ УЛСЫН 2022 ОНЫ ӨНДӨР ЧАНСААТАЙ ИХ НАСНЫ МОР…
- 2024 оны 2-р сарын 26 -нд О.Батбилэг 73 оноогоор 2022 оны чансаа өндөр уяачд…
- 2024 оны 2-р сарын 26 -нд МУ-ын Алдарт уяач Г.Болдбаатар:Наадмын маргаашнаас…
- 2024 оны 2-р сарын 22 -нд 2022 оны чансаа өндөр азарганууд
- 2024 оны 2-р сарын 22 -нд 2022 оны МУ-ын шилдэг уяач, уралдаанч хүүхдүүд
- 2024 оны 2-р сарын 21 -нд ММСУХ-ны 2022 оны шилдгүүд шагналаа авлаа
- 2024 оны 2-р сарын 21 -нд Архангай аймгийн 100 жилийн ой, хангайн бүсийн ура…
- 2024 оны 2-р сарын 20 -нд Уяач Б.Батжаргал: Сүүлд цоохор даага даяндуулсан
- 2024 оны 2-р сарын 19 -нд Богд хан уулын аймаг байгуулагдсаны 100 жилийн ой,…
- 2024 оны 2-р сарын 14 -нд Цолоо ахиулсан уяачид
- 2024 оны 2-р сарын 07 -нд Нийслэлийн Алдарт уяач цолоор 28 хүн шагнагджээ
- 2024 оны 2-р сарын 07 -нд Дөрвөн Тод, дөрвөн Манлай, 18 Алдарт уяач цол авах…
- 2024 оны 2-р сарын 07 -нд Сумын Алдарт уяач Н.ДУГАРЖАВ: БИ ДӨРӨВДҮГЭЭР АНГИА…
- 2024 оны 2-р сарын 05 -нд Богд хан уулын аймаг байгуулагдсаны 100 жилийн ой,…
- 2024 оны 2-р сарын 05 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 27 -нд Сумын Алдарт уяач Д.Батбаяр: Би Биндэрт анх адуу т…
- 2024 оны 1-р сарын 26 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 25 -нд Архангай аймгийн 100 жилийн ой, хангайн бүсийн ура…
- 2024 оны 1-р сарын 24 -нд СУМЫН АЛДАРТ УЯАЧ А.Цэрэндорж: ЗААМАРТ ДАЛАЙ ЛАМЫГ…
- 2024 оны 1-р сарын 22 -нд Завхан аймгийн 100 жилийн ой, баруун бүсийн уралда…
- 2024 оны 1-р сарын 21 -нд Аймгийн Алдарт уяач Б.Баттөр: Таван жилийн дотор с…
- 2024 оны 1-р сарын 18 -нд Богд хан уулын аймаг байгуулагдсаны 100 жилийн ой,…
- 2024 оны 1-р сарын 15 -нд Аймгийн Алдарт уяач Ц.Жамсран: Өөрийн тамгатай уна…
- 2024 оны 1-р сарын 15 -нд Богд хан уулын аймаг байгуулагдсаны 100 жилийн ой,…
- 2024 оны 1-р сарын 11 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 10 -нд Аймгийн Алдарт уяач М.Мөнхбаяр: Адууны төлөө уйгаг…
- 2024 оны 1-р сарын 10 -нд Завхан аймгийн 100 жилийн ой, баруун бүсийн уралда…
- 2024 оны 1-р сарын 08 -нд Сумын Алдарт уяач Ц.ГЭРЭЛБААТАР: Сайн адууны удам …
- 2024 оны 1-р сарын 08 -нд Завхан аймгийн 100 жилийн ой, баруун бүсийн урал…
- 2024 оны 1-р сарын 03 -нд Хамгийн шимт тэжээлийг мэдэх үү?
- 2024 оны 1-р сарын 02 -нд М.Энхтайван: Хүн хэдий чинээ сэтгэлээ өгнө, адуу т…
- 2023 оны 12-р сарын 27 -нд Хэнтий аймгийн 100 жилийн ой, зүүн бүсийн уралдаан…
- 2023 оны 12-р сарын 25 -нд Баахан хэрэг тарих Баяндэлгэрийн буурал
- 2023 оны 12-р сарын 23 -нд Нийслэлийн Алдарт Уяач цолны болзол хангасан уяачд…
- 2023 оны 12-р сарын 22 -нд Аймгийн Алдарт уяач Г.Энхбаатар: Аавынхаа уяаны ар…
- 2023 оны 12-р сарын 17 -нд Хэнтий аймгийн 100 жилийн ой, зүүн бүсийн уралдаан…
- 2023 оны 10-р сарын 29 -нд Сумын Алдарт уяач Л.Батноров: Азарганы түрүүгээр а…
Сэтгэгдэл бичигдээгүй байна