Улсын начин Л.Цэрэнтогтох түрүүллээ

Говь-Алтай аймгийн Хантайшир дэвжээний тавдугаар сарын барилдаан боллоо. Энэ удаагийн барилдааныг Төгрөг сумын харьяат улсын начин Сурмаажавын Буянтын нэрэмжит болгон зохиов.
Барилдаанд улсын гарди Н.Ганбаатар, Ж.Бат-Эрдэнэ, улсын заан Б.Соронзонболд, улсын начин Л.Гантулга, С.Багахүү, Л.Цэрэнтогтох нараар манлайлуулсан хүчит 64 бөх зодоглон барилдлаа.
Дунд шөвөгт Цээл сумын харьяат, улсын гарди Жанцангийн Бат-Эрдэнэ, Эрдэнэ сумын харьяат, улсын заан Баттулгын Соронзонболд, Бигэр сумын харьяат, улсын начин Саруултуяагийн Багахүү, Халиун сумын харьяат, аймгийн заан Даваадоржийн Буянт нар шалгарсан бол их шөвөгт Цээл сумын харьяат, улсын начин  Лхагвасүрэнгийн Гантулга, Жаргалан сумын харьяат, аймгийн хурц арслан Шоовдойхүүгийн Шинэбаяр нар үлдэв.
Нэгэн цагт монгол наадмын дэвжээг хурц эрэмгий барилдаан, угсраа олон мэхээр шуугиулж асан, улсын начин С.Буянтын нэрэмжит барилдаанд Цогт сумын харьяат улсын начин Лувсандоржийн Цэрэнтогтох түрүүлж, Чандмань сумын харьяат улсын гарди Нямдоржийн Ганбаатар үзүүрлэлээ.
Оноолтыг 4-ийн даваанаас.
Дөрвийн даваа
1. Н.Ганбаатар у.г - Д.Буянт а.з
2. Ж.Бат-Эрдэнэ у.г - Ш.Шинэбаяр а.х.а
3. Б.Соронзонболд у.з - Л.Цэрэнтогтох у.н
4. Л.Гантулга у.н - С.Багахүү у.н
Тавын даваа
1. Н.Ганбаатар у.г - Ш.Шинэбаяр а.х.а
2. Л.Гантулга у.н - Л.Цэрэнтогтох у.н
Зургаагийн даваа
1. Н.Ганбаатар у.г- Л.Цэрэнтогтох у.н
МУИС-ийн оюутан Т.Түмэндэмбэрэл