Говийн аймгуудын наадам

Говьсүмбэр аймгийн наадамд 256 бөх зодоглосон байна. Улсын цолтой 30 гаруй, аймгийн арслан цолтой 50 орчим бөх зодоглосон энэ наадамд Говьсүмбэр аймгийн Сүмбэр сумын харьяат, “Аварга” биеийн тамирын дээд сургуулийн оюутан, аймгийн заан Бат-Очирын Гончигтавхай урамтай сайхан барилдан түрүүлж “аймгийн арслан” цолд хүрсэн байна. Үзүүрт түрүү бөхийн дотны найз, улсын залуу харцага Энхтөгсийн Оюунболд хүрэв. Их шөвөгт улсын арслан Дагвадоржийн Азжаргал, Сэлэнгэ аймгийн заан Багадаваагийн Одсүрэн нар хүрлээ.
Харин дунд шөвөгт Өвөрхангай аймгийн Тарагт сумын харьяат, улсын начин Батмөнхийн Сангисүрэн, Дундговь аймгийн Эрдэнэдалай сумын заан Доржпаламын Энхболд, Адаацаг сумын заан Жамбалсамбуугийн Ганзориг, Завхан аймгийн Цагаанчулуут сумын заан Эрдэнээгийн Доржсүрэн нар шалгарч сумын заанууд “аймгийн начин” цолд хүрсэн байна.
Түрүү бөхийн хувьд 4-ийн даваанд а.а Г.Ганням, 5-ын даваанд тунасан а.а Э.Ванданцэрэн, 6-ийн даваанд тунасан с.з Д.Энхболд нартай тун дайчин сайхан барилдаан үзүүлж ард олноо цэнгүүлсэн байна.
Оноолтыг тавын даваанаас.
Тавын даваа
1. Д.Азжаргал у.а – Б.Амарзаяа у.н
2. Д.Баасандорж у.з – Ж.Ганзориг с.з
3. Т.Санчир у.з – Э.Оюунболд у.х
4. Ш.Жаргалсайхан у.ө.и.н – Э.Доржсүрэн с.з
5. Л.Гантулга у.н – Д.Энхболд с.з
6. Ш.Тогтохбаяр у.н – Б.Одсүрэн а.з
7. Б.Сангисүрэн у.н- Т.Пүрэвсүрэн а.а
8. Э.Ванданцэрэн а.а – Б.Гончигтавхай а.з
Зургаагийн даваа
1. Д.Азжаргал у.а – Ж.Ганзориг с.з
2. Э.Оюунболд у.х – Э.Доржсүрэн с.з
3. Б.Сангисүрэн у.н – Б.Одсүрэн а.з
4. Б.Гончигтавхай а.з – Д.Энхболд с.з
Долоогийн даваа
1. Д.Азжаргал у.а – Б.Гончигтавхай а.з
2. Э.Оюунболд у.х - Б.Одсүрэн а.з
Наймын даваа
1. Э.Оюунболд у.х – Б.Гончигтавхай а.з

Дундговь аймгийн наадамд мөн 256 бөх зодогложээ.Өнөө жилийн хувьд тун өнгөтэй сайхан барилдсан, шинэхэн цэргийн харцага Эрдэнэбатын Даш 8 даван түрүүлж арслан боллоо. Дондогийн Дэлгэрбат арслан үзүүр булааж эрэмбээ ахиулсан бол их шөвөгт Дэрэнгийн Ганзоригийн Баяржавхлан, Сайнцагааны Батсайханы Бат-Эрдэнэ нар шалгарчээ. Улаанхүү начин хүү Мөнхчулуун, Луусын ах дүү бөхчүүдийн нэг Сугирын Бүргэд нар тав давж аймгийн начин болсон бол Өндөршилийн Хүрэлбаатарын Батбаяр харцага, Цагаандэлгэрийн Бат-Очирын Төмөрбат начин нар тав давж чимэг нэмсэн байна. Мөн Адаацагийн Ариунбуян, өсвөрт тун сайн хүч үзсэн Баянжаргалангийн Болдбаатарын Одсүрэн, Эрдэнэдалайн Элбэгзаяагийн Золбоот нар начны даваанд шороодсон байна.
Оноолтыг тавын даваанаас.
Тавын даваа
1. Г.Баяржавхлан а.х.а – Б.Одсүрэн с.з
2. О.Өлзиймөнх а.а – С.Бүргэд с.з
3. Б.Дамба а.а – Б.Төмөрбат а.н
4. Д.Дэлгэрбат а.н – Ш.Цэрэнбат а.н
5. Б.Бат-Эрдэнэ а.з – Э.Золбоот а.н
6. Ч.Бүрэнзэвсэг а.х – У.Мөнхчулуун с.з
7. Х.Батбаяр а.х – Э.Ариунбуян с.з
8. Э.Даш ц.х – Ж.Баянмөнх а.н
Зургаагийн даваа
1. Г.Баяржавхлан а.х.а – Б.Төмөрбат а.н
2. Д.Дэлгэрбат а.а – С.Бүргэд с.з
3. Б.Бат-Эрдэнэ а.з – Х.Батбаяр а.х
4. Э.Даш ц.х – У.Мөнхчулуун с.з
Долоогийн даваа
1. Г.Баяржавхлан а.х.а – Д.Дэлгэрбат а.а
2. Б.Бат-Эрдэнэ а.з – Э.Даш ц.х
Наймын даваа
1. Д.Дэлгэрбат а.а – Э.Даш ц.х

Т.Түмэндэмбэрэл