Амжилтаа ахиулсан аргамаг хүрэн

Ардын Хувьсгалын 93 жилийн ой, төрийн их баяр наадамд амжилтаа ахиулан алдар цолоо дуудуулсан аргамаг хурдан хүлэг бол Ховд аймгийн Буянт сумын уугуул, Эрдэнэ-Очирын Тамирын хүрэн халзан азарга юм. Өнгөрсөн жил наймаар давхиж байсан халзан азарга өнөө жил айргийн гуравт хурдлан уясан эзний магнайг тэнийлгэж, унасан хүүхдийн урмыг сэргээлээ. АХ-ын 88 жилийн ойн баяр наадамд Ардчилал хүрэн даагаа түрүүлгэж байсан хийморилог эрхмийг хурдан хүлгийн удам угшил, амжилтын товчоог сийрүүлэн хүргэвээс: 
Угшил гарвал: Сүхбаатар аймгийн Асгат сумын уугуул, сумын Алдарт уяач Юрагийн Наранбаатарын унаган адуу. Халзан азарганы эцэг хар азарга нь Сүхбаатар, Асгат сумдын наадамд олонтаа айрагдаж түрүүлсэн Ядамжавын халиуны угшилтай. Харин эх хүрэн гүү нь Наран сумын уугуул Цэрэнжавын адууны угшилтай.
Амжилтын товчоон:
2010 онд шүдлэндээ:
Дорнод аймгийн баяр наадамд айргийн дөрөв
2011 онд хязааландаа:
Дорнод аймаг байгуулагдсаны 80 жилийн ойд айргийн дөрөв
Хөлөнбуйр сумын баяр наадамд түрүү
2012 онд соёолондоо:
Сүхбаатар аймгийн Сүхбаатар сумын баяр наадамд түрүү
АХ-ын 91 жилийн ой төрийн их баяр наадамд 40
2013 онд хавчигтаа:
Хэнтий аймгийн хаврын бүсийн “Сэцэн ханы хурд” уралдаанд айргийн дөрөв
“Дүнжингаравын хурд-2013” хаврын бүсийн уралдаанд арав
АХ-ын 92 жилийн ой төрийн их баяр наадамд найм
Шигшмэл морьдын “Их хурд-6” уралдаанд арав
2014 онд
АХ-ын 93 жилийн ой, төрийн их баяр наадамд айргийн гурав
А.Тэлмэн