Баруун бүсийн уралдааны түрүү, айргийн дааганууд

Галдан бошигт хааны мэлмий гийсний 370 жилийн ой, баруун бүсийн даншиг наадмын дааганы уралдаанд 110 хурдан хүлэг шандас шалгаж уралдсанаас:
1. Сүхбаатар аймгийн Онгон сумын уугуул, нийслэлийн Алдарт уяач Базарширийн Доржпүрэвийн Буган хээр. Хээр даагыг 128 дугаартай, 13 настай Сүхбаатар аймгийн Онгон сумын Э.Мягмардорж хүү унаж түрүүлгэжээ.
2. Говь-Алтай аймгийн Халиун сумын уугуул, МУ-ын Алдарт уяач Туваанжавын Гантөмөрийн халиун. Халиун даагыг 131 дугаартай, 13 настай Дорноговь аймгийн Сайншанд сумын М.Чинбат хүү унаж аман хүзүүдүүлсэн байна.
3. Ховд аймгийн Дөргөн сумын уугуул Нямдаваагийн Батбаярын алаг. Алаг даагыг 309 дугаартай, 12 настай Улаанбаатар хотын Сүхбаатар дүүргийн О.Содхүү хүү унаж айргийн гурваар давхиулжээ.
4. Говь-Алтай аймгийн Шарга сумын уугуул, аймгийн Алдарт уяач Д.Бямбаабаатарын хул. Хул даагыг 230 дугаартай, 13 настай Говь-Алтай аймгийн хоёрдугаар сургуулийн Б.Давааням хүү унаж айргийн дөрөвт хурдлуулсан байна.
5. Говь-Алтай аймгийн Дарви сумын уугуул, сумын Алдарт уяач Ч.Тэргүүнбаярын шар хээр. Шар хээр даагыг 127 дугаартай, 10 настай Говь-Алтай аймгийн Есөнбулаг сумын сургуулийн Т.Баянмөнх хүү унаж айргийн таваар хурдлуулжээ.
6. Говь-Алтай аймгийн Бигэр сумын уугуул Жонойсүрэнгийн Мөнхтөрийн хээр. Хээр даагыг 24 дугаартай, 9 настай Улаанбаатар хотын Өлзийт хорооллын М.Бат-Эрдэнэ хүү унаж зургуулуулжээ.
7. Ховд аймгийн Булган сумын уугуул сумын Алдарт уяач Б.Баасандоржийн ягаан. Ягаан даагыг 201 дугаартай, 13 настай Ховд аймгийн Булган сумын хоёрдугаар сургуулийн Х.Тэмүүлэн хүү унаж долоод хурдалсан байна.
8. Говь-Алтай аймгийн Шарга сумын уугуул аймгийн Алдарт уяач Б.Бямбаабаатарын хүрэн. Хүрэн даагыг 231 дугаартай, 10 настай Говь-Алтай аймгийн хоёрдугаар сургуулийн Г.Гантөмөр хүү унаж наймаар давхиулжээ.
9. Говь-Алтай аймгийн Чандмань сумын уугуул Ж.Энхболдын бундан хээр. Бундан хээр даагыг 321 дугаартай, 11 настай Улаанбаатар хотын Налайх дүүргийн Б.Билгүүнтулга хүү унаж есөд хурдлуулжээ.
10. Ховд аймгийн Дарви сумын уугуул, нийслэлийн Алдарт уяач Ү.Атарсайханы шарга. Шарга даагыг 25 дугаартай, 15 настай Улаанбаатар хотын 80 дугаар сургуулийн сурагч Х.Мөнгөнхүлэг хүү унаж тус тус хурдлуулсан байна.
А.Тэлмэн