Т.Батзоригийн Толин сарт

Сүүлийн жилүүдэд тогтмол амжилттай наадаж, Дорнод аймгийн Цагаан-Овоо сумын уугуул, аймгийн Алдарт уяач Түвдэнжаажидын Батзоригийн хээр үрээ  Их Монгол Улс байгуулагдсаны 808, Ардын Хувьсгалын 93 жилийн ой үндэсний их баяр наадмын хурдан хязаалангийн уралдаанд магнайдаа тоосгүй түрүүлж, түмэн олноо баясгасан билээ. Толин сартай хээр үрээ Алдартын унаган адуу. Эцэг хүрэн халзан азарга нь шүдлэндээ АХ –ын 88 жилийн ойн баяр наадамд айргийн тавд давхиж байсан хурдан ажнай бол эх хүрэн гүү нь Алдартын унаган буян гэх юм билээ.Хээр үрээ дааган цагаас уягдсан ч хөлний бэртлийн улмаас уралдалгүй өнжсөөр өнөө жил төрийнхөө их баяр цэнгэлд анх удаа тоосоо өргөн, түрүү хүлгээр тодорсон бөгөөд давхар уяагаар Дорнод аймагт болсон зүүн бүсийн уралдаанд мөн түрүүлж амжилтаа бататгасан билээ.
"Тод магнай" сэтгүүл №56