“Сонгино хурд” МСУХ-ны 2014 оны шилдгүүд тодорчээ

Завхан аймгийн Сонгино сумын “Сонгино хурд” МСУХ-ны тэргүүлэгчид, гишүүд, уяачид шинэ жилийн цэнгүүнээ “Уяачдын хийморийн өргөө”-ндөө  2014 оны 12 дугаар сарын 30-ны өдөр зохион байгуулж, морин жилд гаргасан амжилт бүтээлээ дүгнэн шилдгүүдээ шалгаруулж өргөмжилсний зэрэгцээ 2015 онд хийж хэрэгжүүлэх ажлаа төлөвлөн нэгэн өдрийг дуу хуураар дүүрэн өнгөрүүллээ. 70 орчим уяач, морины зүтгэлтнүүд оролцсон бөгөөд Оны шилдэг галаар аймгийн Алдарт уяач Д.Рагчаа ахлагчтай “Мөнхийн хүлэгч” гал, Шилдэг уяачаар “Шар нуруу уулын шандаст хурдан хүлгүүд” галын уяач Ж.Даваанямбуу, Шилдэг уралдаанчаар “Айргийн шандас” галын Д.Самбууням  гурав дахь удаагаа, “Шар нуруу уулын шандаст хурдан хүлгүүд” галын Б.Загарзүсэм нар тус тус шалгарлаа.
Түүнчлэн аймгийн "Очирваанийн хурд" МСУХ-ны анхны шинэ жилд холбооны тэргүүн, аймгийн Алдарт уяач Ч.Пүрэвхүү тэргүүлэгчдийнхээ хамт оролцон "Шилдэг бүтээлч холбоо"-гоор шалгарсныг уяачдадаа баяртайгаар уламжилсан. Мөн аймгийн салбар холбооны батламжийг гардан авсан байна.

"Сонгино хурд" МСУХ-ны ажлын алба