Өвлийн спортын тэмцээн шахуу хуваарьтай үргэлжилж байна

Скай Резорт баазад энэ цанын улиралд өвлийн спорт сонирхогч залуустаа зориулсан олон сонирхолтой тэмцээн уралдаан зохиогдож байна. Гуравдугаар сарын эхний өдрүүдэд “Хүүхдийн спортын V их наадам” амжилттай зохион байгуулагдсан. Хоёрдугаар сарын 27-ны баасан гаригаас эхлэн гурван өдөр үргэлжилсэн энэхүү наадамд гүйлтийн цанын долоон төрлийн зайд хурд, хүчээ сорихоор Дорнод, Хэнтий, Төв, Дархан-Уул, Өвөрхангай, Булган, Хөвсгөл, Завхан, Увс, Орхон аймаг болон Улаанбаатар хотын нийт 16 багийн 13-17 насны 160 гаруй тамирчид өрсөлджээ.
Түүнчлэн гуравдугаар сарын 2-ноос 6-ны хооронд ОХУ болон Монголын биатлоны тамирчдын дунд Монголын Биатлоны Холбооны Ерөнхийлөгчийн нэрэмжит аварга шалгаруулах тэмцээн зохион байгуулагдаж байгаа бол үүний дараа 6-наас 8-ны өдрүүдэд гүйлтийн цанын “Идэрчүүдийн Улсын Аварга” болно. Мөн Скай Резорт компаниас санаачлан зохион байгуулдаг уламжлалт “Sky Resort Open 2015” тэмцээн гуравдугаар сарын 14-ний Бямба гарагт болох юм.
mcs.mn