Аймгийн Алдарт уяач Х.Батжаргал: Хуушаан угшил манай адууны гол цөм болдог
Дорноговь аймгийн Иххэт сумын уугуул, аймгийн Алдарт уяач Х.Батжаргалтай хийсэн ярилцлагыг хүргэж байна.
-Уулзсан уяачдын маань ихэнх нь удам дамжсан эрхмүүд байна. Батжаргал Алдартыг уяачийн их замд хөтөлсөн нь хэн бэ?
-Миний хойд эцэг юм даа. Би ах л гэдэг юм. Тэр хүн 1970 онд Хуушаан угшилтай халзан азарга худалдаж авсан. Соёолон азарга авчирч, би түүнийг нь хөтөлж очоод өвөөгөөр уяулж, анх аман хүзүүдүүлж байлаа. Би зургаан настайгаасаа эхэлж морь унасан хүн. Багын моринд дуртай нэгэн явлаа. Тэр зангаа тавиагүй. Энэ насаараа адуунд дурласан хүн дээ. 1980 онд цэргээс халагдаж ирээд бие даан морь уяж, хязаалан түрүүлгэж байлаа. Тэрнээс хойш 1990 он хүртэл айхтар айрагдаагүй ээ. Гэхдээ эрхбиш арвын дотор бол давхиж л байсан. Хүнд нэг тийм үе байдаг юм билээ. Зарим нэг нь тийм үеийг нь давж чадахгүй шантардаг дуулдсан. Би харин тэгээгүй ээ. Хүүхэд морь мэнд сайхан наадлаа гээд л бэлгэшээж явсан. Түүний маань хэрэг ч гарч 1990 оноос морьд маань дажгүй давхисан. Ах нь айхтар том наадамд морь айрагдуулж чадаагүй хүн. 1999 оны Боржигоны хурдад 420 морь мордоход хонгор морио 16-д давхиулж байлаа. Миний хонгор морь хурдан адуу л даа. Сумынхаа наадамд хоёр түрүүлж, Их говийн зоригтнуудын ойд тавлан Бор-Өндөрийн ойд дөрвөөр давхисан. Богино наадамд гурван ч удаа айрагдсан адуу. Миний халзан азарга арав айрагдсан. Ах нь том наадамд тэр болгон явж чаддаггүй юм. Явснаас Өвгөн ноёны наадамд 51, аймгийн 70 жилийн ойд 41-ээр морьдоо давхиулсан. Улс руу бол явж байгаагүй ээ. Манайхны цагаан өвсний морь энд тэнд олон уралдаж чадахгүй юм билээ.
-Хонгор морь таны унаган адуу юу?
-Миний хонгор морины эх тал нь намын үүрийн дарга байсан Найдан гэдэг хүний адууных. Тэр хүний адууны зэгэл хонгор гүүнээс гарсан унага байгаа юм. Эцэг нь манай өөрийн адууны азарга.
-Таны адууны гол цөм болсон Хуушаан угшлынхаа талаар дэлгэрүүлээч?
-Хуушаан гэж манай сумын нэрт уяач. Ер нь бол Адилаатай ганц өрсөлддөг уяач л даа. Хуушаан адуу зээрд халзан, хээр голдуу зүстэй. Нэгэн үе их хурдалж байсан адуу. -Нэрт уяач Адилбиш агсны хүргэн нь юм байна. Их уяачийн хурдан хонгоруудын удам угшлаас мөн бий биз?
-Надад хонгор байдас, үрээ бэлгэнд өгч байсан. Охиндоо ч гэсэн хоёр, гурван гүү өгсөн. Ний нуугүй хэлэхэд өвгөний өгсөн адуунаас манайхны дээдчүүлийн Хуушаан адуу илүүтэй давхидаг. Сүүлийн үед бол миний авмал адуу илүү давхиж байна. Гэхдээ мэдээж тэр хүний адууны цус орсон байгаа. Эр хүн чинь өөрийнхөө талыг илүүтэй боддог. Тэгээд өөрийнхөө адууг жаахан өөд нь татчихсан юм байгаа биз дээ. /инээв/
-Таныг энэ айлын хүргэн болоход Адилбиш уяач хэд орчим насны хүн байсан бэ? Найр наадамд ханьсан явж байв уу?
-Би 1981 онд энэ айлын хүргэн болсон. Өвгөн 1984 оны хоёрдугаар сард сар шинийн өмнөхөн өөд болсон юм. 1981 онд өвгөн улсын наадамд явчихсан байсан учраас хамт уяж чадаагүй. Харин 1982,1983 онуудад нэг уяатай байсан. Бие нь нэлээд дордчихсон байсан учраас өөрөө гардан уядаггүй байлаа. Тэр үед хурдан халиун азаргатай байлаа. Халиун азарга нь мань мэтийг хажиглаад хүргэхгүй. Тэгсэн хэр нь өвгөн ганц зандрахад тушаал билээ. Тэр халиун азаргаа сүүлд Айрагийн Намжилсүрэнд өгсөн дөө. Намжилсүрэн ч /агсан/ сайн уяж, төл шарга азаргаар нь сайхан наадсан. Зөвхөн Дорноговь гэлтгүй хотын том уяачид ч гэсэн Адилаа угшилтай адуугаар наадаж байна. Хонгоруудын цустай адуу Даваахүү Тод манлайд ч гэсэн байдаг дуулдана лээ.
-Адилбиш агсан адуугаа цусанд оруулж хурдыг нь хадгалдаг байсан юм билээ. Харин та?
-Өвгөний барьж байсан тэр бодлого зөв байхаа. Гэхдээ би сүүлийн үед адууныхаа цусыг нэлээд сольж байгаа. Өөрийнхөө адууг үгүйсгэж байгаа юм биш, амьтан ах дүүс бүгд л цус сольж байхад бас хойргошоод байж боломгүй байна. Их хурдын түрүү Жинст хонгорын төлийн төл хүрэн азаргыг ноднин хавар Дархан сумын харьяат аймгийн Алдарт уяач Содномдаш гэдэг хүнээс авсан. Буяндэлгэр гэдэг хүний найз нь юм гэнэ лээ. Тэр утгаараа Буяндэлгэр Алдартаас зохих ёсны үнэ өртгийг нь өгөөд авсан гэсэн. Тэгэхээр нь би өөрийнхөө халзан азарганы төл хавчиг хүрэн азаргаар сольсон юм. Яваандаа юм дуулгах байх гээд горьдож л байгаа.
-Иххэтийнхэн бусад сумдаа бодвол адууны наймаа чамгүй хийдэг бололтой. Танай адуунаас гадагш гарч уралдаж байгаа ямар ямар хүлгэд байна?
- Ноднин дүүдээ нэг даага өгсөн. Хотын ойролцоо болсон наадмуудад гурав айрагдаад, улсын наадамд 50-д орсон гэж байна лээ. Бичиг баримтыг нь ч үзүүлсэн. Манай адуунаас анх хойшоо гарч уралдаж байгаа нь тэр. Уг нь ийш тийшээ бишгүй л гарсан. Явдаггүй юм уу, бүү мэд. Дуулдсан юмгүй л байна. Тэрнээс биш манай энэ хавийнхны очсон адуу их хурдалж байгаа дуулддаг юм. Манай дүүгийн адууны хонгор морь хүртэл ноднин Баян-Өлгийд болсон бүсийн наадамд түрүүлж байна лээ. Онцлог нь манай дүүгийн нэр гардаггүй юм билээ. Амгаланбаатарын хонгор морь гэж зарлагдаад л байна лээ. Амгаланбаатар гэж манай дүүгийн хүргэн л дээ. Адуу малыг нь авч яваа сайн залуу байгаа юм.
-Батжаргал Алдартын дурсамжит наадмуудаар яриагаа үргэлжлүүлье?
-2011 онд Айраг сумын сургуулийн 80 жилийн ой болж дөрвөн аймгийн 20 гаруй сумдынхан ирэхэд азарга, их морь түрүүлгэж, даага аман хүзүүдүүлсэн. Түрүүлдэг халзан азарга, хонгор морь, аман хүзүүддэг хүрэн даага цөм миний унаган адуунууд. Унаган адуу олноороо түрүүлж айрагдах үнэхээр сайхан юм билээ.
-Ингэхэд та чинь хэдэн оны Алдарт вэ?
-Өнгөрсөн цагаан сараар авсан. Сум орон нутгийн наадамд их морь 11, азарга 10 удаа айрагдуулсан байна гэнэ лээ. Айраг түрүү олонтой айхтар уяач биш ч гэлээ моринд дуртай, насаараа морь уясан гээд хүндэтгээд өгсөн юм байгаа биз дээ, бурхан өршөөг.
-Алдартыг залгамжлан уяа эвлүүлж байгаа залуус бий л биз дээ?
-Би дөрвөн хүү, нэг охинтой. Хоёр хүү хөдөө мал малладаг. Өнөрбаясгалан гэдэг хүү маань ноднин шүдлэн үрээ айрагдуулсан. Алсдаа сайхан давхиулах биз ээ.
-Ярилцсанд баярлалаа. Хүлгийн хийморь өргөж урамтай сайхан наадацгааж яваарай.
"Тод магнай" сэтгүүл Дорноговь аймгийн тусгай дугаар
0 Сэтгэгдэл
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
- 4-р сарын 15 -нд Уяач Ц.Батсайхан: Гэсэрваань гуай тарган ирэн дээр…
- 3-р сарын 27 -нд Богд хан уулын аймаг байгуулагдсаны 100 жилийн ой,…
- 3-р сарын 27 -нд МУ-ын Тод манлай уяач Б.Далай: Уяачийн амжилтанд г…
- 2024 оны 3-р сарын 19 -нд Архангай аймгийн 100 жилийн ой, хангайн бүсийн ура…
- 2024 оны 3-р сарын 19 -нд 2023 оны ММСУХ-ны чансаа өндөр уяачид
- 2024 оны 3-р сарын 05 -нд 2023 ОНЫ 21 АЙМГИЙН ШИЛДЭГ УЯАЧ, УРАЛДААНЧ ХҮҮХДҮҮ…
- 2024 оны 3-р сарын 05 -нд Аймгийн Алдарт уяач Ш.Мөнхбаатар:Ах дүү дөрвүүл аа…
- 2024 оны 3-р сарын 05 -нд 2023 ОНЫ ММСУХ-НЫ 21 АЙМГИЙН ШИЛДЭГ САЛБАР ХОЛБОО,…
- 2024 оны 3-р сарын 05 -нд Архангай аймгийн 100 жилийн ой, хангайн бүсийн ура…
- 2024 оны 2-р сарын 27 -нд Манлай уяач Ч.Сугар: Алаг морийг харсан хүн болгон…
- 2024 оны 2-р сарын 27 -нд 2022 оны чансаа өндөр сонгомол дээд насны хүлгүүд
- 2024 оны 2-р сарын 26 -нд Н.Билэгтсайхан 66 оноогоор 2022 оны чансаа өндөр у…
- 2024 оны 2-р сарын 26 -нд Хэнтий аймгийн 100 жилийн ой, зүүн бүсийн уралдаан…
- 2024 оны 2-р сарын 26 -нд МОНГОЛ УЛСЫН 2022 ОНЫ ӨНДӨР ЧАНСААТАЙ ИХ НАСНЫ МОР…
- 2024 оны 2-р сарын 26 -нд О.Батбилэг 73 оноогоор 2022 оны чансаа өндөр уяачд…
- 2024 оны 2-р сарын 26 -нд МУ-ын Алдарт уяач Г.Болдбаатар:Наадмын маргаашнаас…
- 2024 оны 2-р сарын 22 -нд 2022 оны чансаа өндөр азарганууд
- 2024 оны 2-р сарын 22 -нд 2022 оны МУ-ын шилдэг уяач, уралдаанч хүүхдүүд
- 2024 оны 2-р сарын 21 -нд ММСУХ-ны 2022 оны шилдгүүд шагналаа авлаа
- 2024 оны 2-р сарын 21 -нд Архангай аймгийн 100 жилийн ой, хангайн бүсийн ура…
- 2024 оны 2-р сарын 20 -нд Уяач Б.Батжаргал: Сүүлд цоохор даага даяндуулсан
- 2024 оны 2-р сарын 19 -нд Богд хан уулын аймаг байгуулагдсаны 100 жилийн ой,…
- 2024 оны 2-р сарын 14 -нд Цолоо ахиулсан уяачид
- 2024 оны 2-р сарын 07 -нд Нийслэлийн Алдарт уяач цолоор 28 хүн шагнагджээ
- 2024 оны 2-р сарын 07 -нд Дөрвөн Тод, дөрвөн Манлай, 18 Алдарт уяач цол авах…
- 2024 оны 2-р сарын 07 -нд Сумын Алдарт уяач Н.ДУГАРЖАВ: БИ ДӨРӨВДҮГЭЭР АНГИА…
- 2024 оны 2-р сарын 05 -нд Богд хан уулын аймаг байгуулагдсаны 100 жилийн ой,…
- 2024 оны 2-р сарын 05 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 27 -нд Сумын Алдарт уяач Д.Батбаяр: Би Биндэрт анх адуу т…
- 2024 оны 1-р сарын 26 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 25 -нд Архангай аймгийн 100 жилийн ой, хангайн бүсийн ура…
- 2024 оны 1-р сарын 24 -нд СУМЫН АЛДАРТ УЯАЧ А.Цэрэндорж: ЗААМАРТ ДАЛАЙ ЛАМЫГ…
- 2024 оны 1-р сарын 22 -нд Завхан аймгийн 100 жилийн ой, баруун бүсийн уралда…
- 2024 оны 1-р сарын 21 -нд Аймгийн Алдарт уяач Б.Баттөр: Таван жилийн дотор с…
- 2024 оны 1-р сарын 18 -нд Богд хан уулын аймаг байгуулагдсаны 100 жилийн ой,…
- 2024 оны 1-р сарын 15 -нд Аймгийн Алдарт уяач Ц.Жамсран: Өөрийн тамгатай уна…
- 2024 оны 1-р сарын 15 -нд Богд хан уулын аймаг байгуулагдсаны 100 жилийн ой,…
- 2024 оны 1-р сарын 11 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 10 -нд Аймгийн Алдарт уяач М.Мөнхбаяр: Адууны төлөө уйгаг…
- 2024 оны 1-р сарын 10 -нд Завхан аймгийн 100 жилийн ой, баруун бүсийн уралда…
- 2024 оны 1-р сарын 08 -нд Сумын Алдарт уяач Ц.ГЭРЭЛБААТАР: Сайн адууны удам …
- 2024 оны 1-р сарын 08 -нд Завхан аймгийн 100 жилийн ой, баруун бүсийн урал…
- 2024 оны 1-р сарын 03 -нд Хамгийн шимт тэжээлийг мэдэх үү?
- 2024 оны 1-р сарын 02 -нд М.Энхтайван: Хүн хэдий чинээ сэтгэлээ өгнө, адуу т…
- 2023 оны 12-р сарын 27 -нд Хэнтий аймгийн 100 жилийн ой, зүүн бүсийн уралдаан…
- 2023 оны 12-р сарын 25 -нд Баахан хэрэг тарих Баяндэлгэрийн буурал
- 2023 оны 12-р сарын 23 -нд Нийслэлийн Алдарт Уяач цолны болзол хангасан уяачд…
- 2023 оны 12-р сарын 22 -нд Аймгийн Алдарт уяач Г.Энхбаатар: Аавынхаа уяаны ар…
- 2023 оны 12-р сарын 17 -нд Хэнтий аймгийн 100 жилийн ой, зүүн бүсийн уралдаан…
- 2023 оны 10-р сарын 29 -нд Сумын Алдарт уяач Л.Батноров: Азарганы түрүүгээр а…
Сэтгэгдэл бичигдээгүй байна