Хөвсгөлийн шилдэг хүлгүүд тодорлоо

Наранхүү
2015 оны 6-р сарын 04 -нд

Хөвсгөл аймгийн "Дэлтэй Цэнхэр" МСУХ нь аймгийн ИТХ-ын тэргүүлэгчдийн 2015 оны 01-р сарын 22-ны өдрийн 02 тоот тогтоолоор батлагдсан “Шилдэг хүлэг-2015” бага гурван насны хурдан морины уралдааныг амжилттай зохион байгууллаа. Энэхүү уралдаан нь холбооны тэргүүн Ц.Даваасүрэнгийн санаачилгаар 2006 онд анх удаа хүүхдийн баярт зориулсан хурдан дааганы уралдаан нэртэйгээр зохион байгуулагдаж байсан бөгөөд  2010 оноос аймгийн ИТХ-ын тогтоолоор аймгийн бүсийн уралдааны зэрэглэлтэй болж бага гурван насны морьд уралдахаар болсон билээ. Өнөө жилийн уралдааныг зохион байгуулах болон бай шагналын санг бүрдүүлэхэд "Дэлтэй Цэнхэр" МСУХ-ны тэргүүн УИХ-ын гишүүн Ц.Даваасүрэн, нарийн бичгийн дарга, АИТХ-ын дарга Т.Болдбаатар, тэргүүлэгч С.Гүншир, Л.Ганбат, Н.Нацагдорж, Б.Галбадрах нар болон "Могойн гол" ХХК, "Хөвсгөл Дулаан" ТӨҮГ-ын удирдлагууд дэмжин оролцсоныг тэмдэглэж нийт уяачид, хурдан морь сонирхогчдын өмнөөс талархал илэрхийлье. Ингээд уралдааны цувааг толилуулья
Хязаалан-64
1. Тосонцэнгэл сумын 4-р багийн харьяат залуу уяач Туваансүрэнгийн Жанчивдоржийн Балар хүрэн. Хөвсгөл аймгийн Тосонцэнгэл сумын уяач Мэндбаярын Хуягбаатарын унаган адуу бөгөөд 2014 оны "Шилдэг хүлэг" наадамд аман хүзүүнд хурдалж байсан бол энэ жил ийнхүү тод магнай торгон жолоо өргүүллээ.Уралдаанч  хүү Бямбабат.
2. Улаанбаатар хотоос ирж уралдсан зохиолч Цагдаагийн Нүүдлийн хурдан хар үрээ аман хүзүүнд хурдалжээ.Хар үрээг Амарбаяр хүү унаж хурдлуулсан байна.
3. Тариалан сумын уяач Батцогтын Суман буурал. Буурал үрээ энэхүү наадамд дааган цагаасаа уралдаж нэг түрүүлж, хоёр дахь удаагаа айрагдаад байгаа хүлэг юм.Суман буурлыг Т.Мөнх-Эрдэнэ унажээ.
4. Мөрөн сумын харьяат, аймгийн Алдарт уяач Маналжавын хурдан алаг.Алаг үрээ МУ-ын Тод манлай уяач  Д.Ононгийн унаган адуу бөгөөд Батзориг хүү унаж хурдлуулжээ.
5. Мөрөн сумын уяач Отгонбаатарын хүрэн.Хүрэн үрээг Лхагвадорж хүү унасан байна.
6. Цэцэрлэг сумын уяач  Б.Ерөөнугын шарга үрээ
7. Цагаан-Уул сумын уяач Д.Мөнх-Эрдэнийн Дөрвөн цагаан. 2013 онд даагандаа 6-д хурдалж, “Ирээдүйн Түмэн Эх” уралдаанд айрагдаж байсан энэхүү хурдан хүлгийг  З.Нямсүрэн хүү унажээ.
8. Тариалан сумын уяач П.Бат-Эрдэнийн “Дөл хүрэн”. Хүрэн үрээ шүдлэн насандаа энэхүү уралдаанд түрүүлж байсан бол энэ жил гарсан цагаасаа өнгөлсөөр  хараахан айрагдаж чадалгүй наймд хурдаллаа. Дөл хүрэнг  Мягмардорж хүү унажээ.
9. Галт сумын уяач Д.Пүрэвдоржийн халиун. Шүдлэн насандаа айрагдаж байсан халиун үрээг  Н.Мөнхтөр унасан байна.
10. Тариалан сумын уяач Г.Эрдэнэбаатарын хар. Хар үрээний унаач нь  С.Чингүүнжав юм.
Шүдлэн-46
1. Хөвсгөл аймгийн Мөрөн сумын уяач Ц.Баттогтохын хүрэн халзан. Тариалан сумын харьяат, аймгийн Алдарт уяач Д.Бадрахын унаган адуу бөгөөд даагандаа энэхүү уралдаанд айргийн тавд хурдалж байсан юм. Түрүү хүлгийг Дөлгөөн хүү унажээ.
2. Галт сумын уяач Б.Мягмардоржийн хээр.Уралдаанч 12 настай Бумбаяр.
3. Тосонцэнгэл сумын залуу уяач, "Тосон хурд" МСУХ-ны нарийн бичгийн дарга Дашнямын Бат-Оргилын хүрэн. Хүрэн үрээг 10 настай х.Мөнх-Оргил хүү унаж хурдлуулжээ.
4. Тариалан сумын уяач Батцогтын “Дархан халзан”. Даагандаа энэхүү уламжлат уралдаанд айргийн гуравт хурдалж байсан  энэ үрээг  14 настай Мөнх-Эрдэнэ унажээ.
5. Галт сумын уяач Н.Пүрэвдоржийн хүрэн. Хүрэн шүдлэнг  13 настай Амгаланбаатар унаж хурдлуулжээ.
6. Мөрөн сумын уяач Д.Батбаярын хээр. Хээр үрээг  Батбилэгт унажээ.
7. Тосонцэнгэл сумын уяач Д.Гэндэнсүрэнгийн халтар. Халтар үрээг Б.Мөнгөншагай унаж хурдлуулсан байна.
8. Улаанбаатар хотын харьяат Ц.Нүүдэлийн хүрэн. Уралдаанч Эрхэмбаатар
9. Улаанбаатар хотын харьяат уяач Ц.Нүүдэлийн цавьдар. Уралдаанч Амарбаяр
10.  Мөрөн сумын уяач Ц.Чимидбавуугийн “ Жавхлант шарга” Уралдаанч 10 настай Лхагвадорж.
Даага-46
1. Галт сумын уяач Б.Нямренчингийн “Шувуун саарал”. Саарал даага Завхан аймгийн Тэлмэн суманд болсон Завханы баруун бүсийн наадамд айрагдаж байсан бөгөөд  13 настай Мягмарсүрэн хүү унасан байна. 
2. Тариалан сумын уяач Г.Батцогтын  “Бүжин хүрэн”. Хүрэн үрээг 14 настай Т.Мөнх-Эрдэнэ унажээ.
3. Мөрөн сумын уугуул уяач Т.Хүчитбаатарын цавьдар .Цавьдар даагийг  14 настай Отгондалай хүү унаж хурдлуулжээ.
4. Цагаан-Уул сумын харьяат, аймгийн Алдарт уяач , аймгийн заан П.Батчулууны хүрэн халзан. Халзан даагыг 11 настай Гал-Эрдэнэ хүү унажээ. 
5. Галт сумын уяач Г.Чулуунбатын хүрэн цоохор. Уралдаанч 14 настай М.Мөнхтөр
6. Тосонцэнгэл сумын залуу уяач Ц.Очирпүрэвийн Бөмбөг хээр. Уралдаанч 10 настай Бямба-Очир.
7. Рашаант сумын уяач Ц.Амарсанаагийн “Наран хонгор” . Уралдаанч 13 настай Батзориг.
8. Тариалан сумын уяач П.Бат-Эрдэнийн “Тэргүүн хул”. Уралдаанч 13 настай Сүхбат.
9. Төмөрбулаг сумын уяач Д.Хоролмаагийн  хүрэн. Уралдаанч 14 настай Энхбаяр.
10. Тосонцэнгэл сумын уяач Х.Батбаатарын хонгор. Уралдаанч 10 настай Эрмүүн.
Жич. Тус уралдааныг зохион байгуулагчид, МСУХ-ны тэргүүлэгчдийн хурлаар  “эрлийз адууг уралдуулахгүй” гэсэн шийдвэрийг гаргаад байсан тул хурдан дааганы уралдаанд түрүүлж айрагдсан 4 дааганы амжилтыг зохион байгуулах комиссын шийдвэр, наадамчин олны хүсэлтээр цуцалсан бол шүдлэн насанд түрүүлсэн саарал халзан үрээгээ аймгийн Алдарт уяач  С.Гүншир өөрийн хүсэлтээр амжилтаас нь татгалзлаа. Энэ нь ММСУХ-ны шийдвэрийг хүндэтгэсэн уяач хүний ёс зүйг эрхэмлэсэн явдал боллоо гэж нийт уяачид, морь сонирхогчид талархан хүлээн авч байсныг тэмдэглэе. 

Т.Наранхүү

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна