"Дүнжингаравын хурд-2016" уралдаанд эхний аравт хурдалсан хурдан соёолонгууд

“Дүнжингаравын хурд-2016” хаврын бүсийн уралдааны хурдан соёолонгийн уралдаанд шандаст 258 хүлэг бүртгүүлснээс 10 үрээ үүлдэрлэг байдлаар хасагдаж, 248 нь гарааны зурхайгаас нэгэн зэрэг эргэжээ. Соёолонгийн уралдааны даамлаар “Эрдэнэт хүлэг” МСУХ-ны нарийн бичгийн дарга Д.Баясгалан, дэд даамлаар “Эрдэнэт хүлэг” МСУХ-ны дэд тэргүүн Г.Баярцогт нар ажилласан бөгөөд уралдааны явцад дөрвөн хүүхэд мориноос унасан гэсэн мэдээллийг өгсөн юм. Ингээд соёолонгийн уралдаанд эхний аравт хурдалсан хүлгүүдийг танилцуулъя.
1.Говь-Алтай аймгийн Шарга сумын уугуул, МУ-ын Тод манлай уяач Хадбаасангийн Бат-Эрдэнийн сартай хүрэн. Уралдаанч 11 настай Гүндэгмаагийн Отгонбаяр.
2.Төв аймгийн Алтанбулаг сумын уугуул, аймгийн Алдарт уяач Самдангийн Дамбажавын хээр. Уралдаанч 10 настай Чинбатын Доржпүрэв.
3.Төв аймгийн Алтанбулаг сумын уугуул, аймгийн Алдарт уяач Самдангийн Дамбажавын зээрд халзан. Уралдаанч 11 настай Жаргалын Дашзэвгэ.
4.Хөвсгөл аймгийн Цэцэрлэг сумын уугуул, уяач Лхагвын Мөнхбаатарын Оч бор. Уралдаанч 15 настай Чогдонгийн Бямбажав.
5.Төв аймгийн Жаргалант сумын уугуул, аймгийн Алдарт уяач Баттөмөрийн Гантөмөрийн хонгор халзан. уралдаанч есөн настай Дашдамбын Анхбаяр.
6.Сүхбаатар аймгийн Халзан сумын уугуул, уяач Шагдарсүрэнгийн Эрдэнэбилэгийн хүрэн. Уралдаанч 14 настай Цэрэндондовийн Отгонбаатар.
7. Дорнод аймгийн Халхгол сумын уугуул, уяач Базаррагчаагийн Сэр-Одын бор. Уралдаанч 14 настай Батдоржийн Бат-Эрдэнэ.
8. Төв аймгийн Лүн сумын уугуул, МУ-ын Тод манлай уяач Банзрагчийн Билэгдэмбэрэлийн цавьдар. Уралдаанч 12 настай Болортолийн Эрхэмшагай.
9. Өмнөговь аймгийн Цогцэций сумын уугуул, аймгийн Алдарт уяач  Хүүгийн Түмэнбаярын сартай зээрд. Уралдаанч 14 настай Оргилбулагын Равнайсүрэн.
10. Төв аймгийн Борнуур сумын уугуул, аймгийн Алдарт уяач Мөнхтөрийн Сайнзаяагийн бор цоохор. Уралдаагч 11 настай Сайнзаяагийн  Сүхбат хүү унаж хурдлуулжээ  
А.Мягмарсүрэн