"Хангарьд-2016" уралдаанд түрүүлж, айрагдсан хурдан хүлгүүд

А.Тэлмэн
2016 оны 5-р сарын 10 -нд

Нийслэлийн тэргүүн хүлэг шалгаруулах “Хангарьд-2016” уралдаан өнгөрсөн бямба гарагт Хүйн долоон худагт амжилттай зохион байгуулагдсан билээ. Зуны тэргүүн сарын шинийн нэгний бэлгэт сайн өдөр болсон уламжлалт уралдаан хязаалан насаар эхэлж, 93 хурдан үрээ бүртгүүлснээс түрүү магнайд хурдалсан Ховд аймгийн Зэрэг сумын харьяат Дамдингийн Доржбалсүрэнгийн хээр үрээний амжилт тооцогдоогүй. Журамд заасны дагуу уралдааны дараа үүлдэрлэг байдалд дахин хяналт тавьж Д.Доржбалсүрэнгийн Сэлэнгэ угшилтай хээр үрээний амжилтыг тооцолгүй аман хүзүүнд хурдалсан Баян-Өлгий аймгийн Улаанхус сумын харьяат "Онлайн ложистикс" ХХК-ийн захирал, аймгийн Алдарт уяач Хожабэргэний Нурлатын хээрийг түрүүлсэнд тооцсон билээ. Сүхбаатар аймгийн Түвшинширээ сумын харьяат Дамдины Дэчинжалбаагийн унаган хээр үрээ “Жавхлант шаргын хурд-2016” уралдаанд долоод хурдалсан юм. Шүдлэн насны уралдаанд 75 үрээ бүртгүүлж, 58 нь гарааны зурхайгаас эргэсэн нэлээд хэд нь үүлдэрлэг байдлаар хасагдсан. Жишээлбэл түрүүлсэн МУ-ын Манлай уяач Б.Далайн хул үрээ /өнгөрсөн жил баруун бүсийн наадамд айрагдсан/, дөрвөөр давхисан Улаанбаатар хотын Сонгинохайрхан дүүргийн харьяат, МУ-ын Алдарт уяач Өлзийхутагийн Пүрэвбаатарын саарал үрээ тус тус үүлдэрлэг байдалд тэнцэхгүй хэмээн үзсэн байна. “Хангарьд-2016” уралдааны монгол дааганы ангилалд 53, эрлийз дунд насны ангилалд 37, эрлийз дааганд 27 үрээ бүртгүүлсэн бөгөөд хязаалан 10, шүдлэн найм, даага зургаа, эрлийз дунд 10 км тус тус шандас шалгажээ.Ингээд түрүүлж, айрагдсан хүлгүүдийг танилцуулъя.
Хязаалан-93
1.Баян-Өлгий аймгийн Улаанхус сумын уугуул, уяач Х.Нурлатын хээр. Уралдаанч М.Батмөнх
2.Өвөрхангай аймгийн Баруунбаян-Улаан сумын уугуул, уяач Д.Ганбатын хээр. Уралдаанч Э.Түвшинбаяр
3.Өвөрхангай аймгийн Өлзийт сумын уугуул, уяач П.Төмөр-Очирын хонгор халзан. Уралдаанч О.Аравнай
4.Сүхбаатар аймгийн Мөнххаан сумын уугуул, уяач Ц.Энхбатын хүрэн. Уралдаанч Ц.Дэмүүл
5.Төв аймгийн Алтанбулаг сумын уугуул, уяач Г.Гансүхийн зээрд. Уралдаанч Б.Отгонбилэг
Шүдлэн-58
1.Дорноговь аймгийн Иххэт сумын уугуул, уяач Л.Энхбатын хүрэн. Уралдаанч У.Сумьяабазар
2.Дорноговь аймгийн Дэлгэрэх сумын уугуул, уяач Ц.Жадамбаагийн ухаа. Уралдаанч Д.Тэмүүжин
3.Улаанбаатар хотын Багахангай дүүргийн уяач Д.Пүрэвсамбуугийн шарга. Уралдаанч А.Төржаргал
4.Улаанбаатар хотын Хан-Уул дүүргийн уяач Т.Раднаагийн хүрэн. Уралдаанч Б.Нямбаяр
5.Сэлэнгэ аймгийн Хушаат сумын уугуул, уяач Б.Золзаяагийн бор. Уралдаанч Б.Уламбаяр
Даага-53
1.Завхан аймгийн Тосонцэнгэл сумын уугуул, уяач Т.Галбадрахын халиун. Уралдаанч Батцоож
2.Хөвсгөл аймгийн Шинэ-Идэр сумын уугуул, уяач Ц.Чимэдбавуугийн сартай хүрэн. Уралдаанч Б.Өлзийбатп
3.Улаанбаатар хотын Сүхбаатар дүүргийн харьяат, уяач Т.Раднаагийн хонгор. Уралдаанч Нямбаяр
4.Улаанбаатар хотын Сүхбаатар дүүргийн харьяат, уяач Т.Баяртогтохын хүрэн. Уралдаанч С.Түвшинжаргал
5.Дорноговь аймгийн Улаанбадрах сумын уугуул, уяач Д.Баярсайханы хүрэн. Уралдаанч О.Баярцог
Эрлийз дунд-37
1.Завхан аймгийн Эрдэнэхайрхан сумын уугуул, уяач Н.Даш-Өлзийн хамар цагаан зээрд. Уралдаанч Х.Содномдорж
2.Өвөрхангай аймгийн Хархорин сумын уугуул, уяач З.Батбаярын халтар. Уралдаанч Тэмүүжин
3.Дархан-Уул аймгийн уяач Ж.Мөнхтөрийн хонгор халзан. Уралдаанч Мөнхзолбоо
4.Төв аймгийн Архуст сумын уяач Амгаланбаатарын халтар. Уралдаанч Балжинням
5.Төв аймгийн Баянцогт сумын уугуул, уяач С.Дугарсүрэнгийн халтар. Уралдаанч Н.Болдоо
Эрлийз даага-27
1.Сүхбаатар аймгийн Баяндэлгэр сумын уугуул, уяач Б.Гончиндоржийн хүрэн. Уралдаанч С.Сүхбат
2.Сэлэнгэ аймгийн Зүүнбүрэн сумын уугуул, уяач М.Сүхбаатарын хүрэн халзан. Уралдаанч Нандин-Эрдэнэ
3.Төв аймгийн Арбулаг сумын уугуул, уяач Г.Гансүхийн хээр. Уралдаанч Отгонбаяр
4.Төв аймгийн Цээл сумын уугуул, уяач П.Баяраагийн бор. Уралдаанч Пүрэвбат
5.Сүхбаатар аймгийн Баяндэлгэр сумын уугуул, уяач Б.Баярмагнайгийн буурал. Уралдаанч Б.Өсөхбаяр

Жич: Нас болгоны дэлгэрэнгүй цуваа болон фото зургийг маргааш нийтлэх болно.

А.Мягмарсүрэн

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна