Хангайн бүсэд “Туушин” ХК-ийн захирал Н.Зоригтын хул морь түрүүллээ

Орхон аймагт болж буй хангайн бүсийн уралдааны их насны морьд барианд ороод байна. Газар газрын шандаст 248 хурдан хүлэг бүртгүүлснээс  долоо нь уралдааны замд гаралгүй хасагдаж /тав нь уралдаанч хүүхдийн хамгаалалтын хувцас дутуу, хоёр нь сэрвээний өндөр давсан гэсэн шалтгаанаар/ 241 морь гарааны зурхайгаас эргэсэн юм. Ингээд эхний аравт хурдалсан хүлгүүдийг танилцуулъя.
Их нас-241
1. Говь-Алтай аймгийн Шарга сумын уугуул, “Туушин” ХК-ийн захирал Н.Зоригтын хул
/2011 онд соёолондоо:
АХ-ын 90 жилийн ой улсын наадамд  22
“Говьшанхын хурд-4”  говийн бүсийн уралдаанд 13
Багануурын хорих 427-р ангийн ойд түрүү
2012 онд хавчиг морь:
Төв аймгийн Архуст сумын баяр наадамд зургаа
2013 онд долоон настай морь:
АХ-ын 92 жилийн ойд цээжинд явж байгаад сууж архнаар орсон
Төв аймгийн 90 жилийн ой, төвийн бүсийн уралдаанд 13
2014 онд наймтай морь:
Төв аймгийн Архуст сумын 55 жилийн ойн баяр наадамд түрүү
АХ-ын 93 жилийн ой улсын наадамд ес /
2. Хөвсгөл аймгийн Галт сумын харьяат, аймгийн Алдарт уяач  Н.Нацагдоржийн Ягаан халзан
3.Архангай аймгийн Төвшрүүлэх сумын уугуул  МУ-ын Алдарт уяач Ө.Пүрэвбаатарын загал /АХ-ын 95 жилийн ойд  наймаар хурдалж, шигшмэл морьдын “Их хурд-7” уралдаанд айргийн гуравт давхисан/
4.Хөвсгөл аймгийн харьяат Батсайханы хул 
5.Хөвсгөл  аймгийн харьяат Л.Тэгшбаярын хүрэн
6. Дархан-Уул аймгийн харьяат С. Энхтөрийн хээр
7.Завхан аймгийн Цэцэн-Уул сумын харьяат Н. Мөнхбаясгалангийн зээрд /АХ-ын 95 жилийн ойд айргийн тавд хурдалсан/
8. Дундговь аймгийн  Луус сумын уугуул МУ-ын Алдарт уяач С.Шинэбаатарын ???
9.Завхан аймгийн харьяат Балдан-Очирын хүрэн
10. Өвөрхангай аймгийн харьяат С.Чулуунхүүгийн буурал тус тус хурдалжээ.
Одоо  даага мордох гэж байна. Бид тун удахгүй мэдээллийг хүргэх болно.
Мэдээллийг: “Тод магнай” сэтгүүлийн сэтгүүлч Б.Эрдэнэсүрэн