Тод манлай уяач Лхагвын Цандэлэг

1967 онд Завхан аймгийн Улиастай суманд төрж, ОХУ-ын Эрхүү хотод инженер, эдийн засгийн дээд сургуулийг дүүргэсэн. "Шим" группийн захирал, Монголын үр тариа эрхлэгчдийн газар тариалангийн холбооны Ерөнхийлөгч Л.Цандэлэг 1998 оноос хурдан морь уяж эхэлсэн бөгөөд Төв аймгийн Жаргалант сумаас авсан халиун морь нь 2000 оны өвөл Түргэний голд болсон анхны бооцоот уралдаанд түрүүлж урам зоригийг нь сэргээж байжээ. Түүний дараа 2000 оны Улсын баяр наадамд Дүү зээрд азарга нь түрүүлж, 2007 оны төрийн наадамд хүрэн хязаалан айргийн дөрөвт хурдалсан байдаг бол  шигшмэл морьдын “Их хурд-ll” уралдаанд Хандгай хүрэн азарга наймд, “Их хурд-lV” уралдаанд Соёмбо хүрэн азарга нь айргийн дөрөвт давхиж байсан юм. Мөн 2004 оны хаврын бүсийн “Дүнжингаравын хурд” уралдаанд хээр морь аман хүзүү, 2005 оны Өндөр гэгээн Занабазарын 370 жилийн ой, төвийн бүсийн уралдаанд  Соёмбо хүрэн соёолон аман хүзүү, 2006 оны Эрдэнэт хотын 30 жилийн ой, төвийн бүсийн уралдаанд Соёмбо хүрэн азарга аман хүзүү, хүрэн шүдлэн айргийн гурав, “Хөдөө арлын их баяр цэнгэл” уралдаанд Соёмбо хүрэн азарга түрүү, “Тамирын хурд” төвийн бүсийн уралдаанд Соёмбо хүрэн азарга түрүү, 2007 оны “Хотгойдын хурд” төвийн бүсийн уралдаанд  сартай хүрэн даага айргийн тав, хүрэн хязаалан айргийн гурав, Соёмбо хүрэн азарга түрүү, 2008 оны “Их мандал” говийн бүсийн хаврын уралдаанд Соёмбо хүрэн азарга айргийн гурав, 2009 оны “Сэлэнгэ-2009” хангайн бүсийн хаврын уралдаанд Соёмбо хүрэн азарга айргийн гурав, “Очирваанийн хурд-2009” баруун бүсийн уралдаанд хонгор халзан шүдлэн аман хүзүү, сартай зээрд хязаалан айргийн дөрөв, Соёмбо хүрэн азарга түрүү, 2010 оны “Хотгойдын хурд” хангайн бүсийн уралдаанд сартай зээрд соёолон аман хүзүү, 2013 онд Төв аймгийн 90 жилийн ой, төвийн бүсийн уралдаанд эрлийз дээд насанд сартай зээрд азарга айргийн тав, 2015 оны Сүхбаатар аймгийн баяр наадам, зүүн бүсийн хурд уралдааны  эрлийз бага насны ангилалд хээр даага аман хүзүү, 2016 оны хаврын бүсийн “Дүнжингаравын хурд” уралдаанд бор азарга айргийн дөрөвт  тус тус хурдалсан амжилтуудыг үзүүлээд байна. Түүний Соёмбо хүрэн азарга бүсийн дөрвөн том уралдаанд түрүүлж дээд амжилтыг тогтоосон нэгэн цагийн цуут хүлэг гэдгийг хурдан морь сонирхогчид андахгүй бизээ. Түүний морин спортод гаргасан амжилтыг үндэслэн 2006 онд Улсын Алдарт, 2008 онд Манлай уяач, 2011 онд Тод манлай уяач цолоор тус, тус шагнажээ.

А.Тэлмэн