ДӨРВӨН ТҮРҮҮ, ХОЁР АЙРГИЙН ЭЗЭН САРТАЙ ЗЭЭРД

Хүлэг, эзэн, хүүхэд гурвын хийморь цогцолж байж сая түрүү, айраг хүртдэг хэмээдэг. Гэхдээ энэхүү сартай зээрд азарганд тэр үг үл хамаарна. Учир нь сүүлийн гурван жилийн хугацаанд улс, бүсийн наадмаас дөрвөн түрүү, хоёр айраг хүртсэн Дорнодын Цагаан-Овоогийн гаралтай сартай зээрд азарга дөрвөн ч эзний нүүр үзэж байгаа ч амжилтын буухиа тасраагүй л байна. Өөрөөр хэлбэл, Г.Ганчулуун Алдартын унаган зээрд азарга уяач, унаач нь солигдлоо гээд хурд нь саардаггүй аргагүй хурдан хүлэг. Өнөө жил АХ-ын 96 жилийн ой, Үндэсний их баяр цэнгэл наадмын эрлийз дээд насны ангилалд айргийн дөрөвт хурдлахдаа Говь-Алтай аймгийн Халиун сумын уугуул Гантөмөрийн Чинзоригийн нэр цоллогдсон. Ингээд уралдсан болгондоо түрүүлж, айрагдан хурсан олноо цэнгүүлдэг хурдан зээрдийн удам угшил, амжилтын товчооныг танилцуулъя.
АМЖИЛТЫН ТОВЧООН
2013 онд даага:
Дорнод аймгийн Баяндун сумын сургуулийн ойд түрүү
Дорнод аймгийн нэгдүгээр арван жилийн дунд сургуулийн ойд түрүү
Цагаан-Овоо сумын баяр наадам түрүү
Дашбалбар сумын Хөх уулын тахилгат түрүү
2014 онд шүдлэн:
Сүхбаатар аймгийн Аварга хүлэг шалгаруулах “Жавхлант шаргын хурд” уралдаанд түрүү
Дорнод аймгийн Цагаан-Овоо суманд болсон хаврын бүсийн уралдаанд түрүү
2015 онд хязаалан:
Сэлэнгэ аймгийн Цагааннуур суманд болсон  Засгийн газрын тогтоолт хаврын бүсийн уралдаанд түрүү /соёолонд уралдаад/
2016 онд соёолон:
Шигшмэл морьдын “Их хурд-7” уралдааны хамгийн хурдан хүлэг ангилалд 11
Орхон аймгийн 40 жилийн ой, Хангайн бүсийн уралдаанд түрүү
2017 онд хавчиг азарга:
“Дүнжингаравын хурд- 2017” хаврын бүсийн уралдаанд түрүү
“Дэлтэй цэнхэрийн хурд-2017” хангайн бүсийн хаврын уралдаанд аман хүзүү
АХ-ын 96 жилийн ой, үндэсний их баяр цэнгэл наадамд айргийн дөрөв
Сүхбаатар аймагт болсон зүүн бүсийн уралдаанд түрүү
УДАМ, УГШИЛ:
Дорнод аймгийн Цагаан овоо сумын харьяат , аймгийн Алдарт уяач Гүнсэнгийн Ганчулууны унаган адуу.
Эцэг: Амор дуудлагат Англи хээр азарга
Эх: Дорнод аймгийн Булган сумын харьяат Нанжийн Гансүхийн  унаган хүрэн гүү