“Очирваанийн хурд” МСУХ дахин удирдлага зохион байгуулалтын шинэчлэл хийжээ

Өнгөрсөн жил удирдлага, зохион байгуулалтын шинэчлэл хийсэн Завхан аймгийн “Очирваанийн хурд” МСУХ дахин өөрчлөлт хийсэн байна. Энэ сарын 1-нд Улаанбаатар хотноо зохион байгуулагдсан Завхан аймгийн уяачдын V бага хуралд сумдын холбоодын тэргүүнүүд болон аймгийн МСУХ-ны тэргүүлэгчдийн төлөөлөл ирж оролцжээ. Мөн энэхүү хуралд Улаанбаатар хотод байдаг тус нутгийн уугуул Тод манлай, Манлай цолтой уяачид оролцон өөрсдийн санаа бодлыг хуваалцсан байна. Хурлаас “Очирваанийн хурд” МСУХ-ны тэргүүнээр Баянхайрхан сумын уугуул Ц.Түвшин, харин гүйцэтгэх захирлаар Сантмаргаз сумын уугуул Доржсамбуугийн Цэрэннадмид, нарийн бичгийн даргаар Гэрэлийн Ойдов, Аръяабалын Амартүвшин нарыг сонгох шийдвэр гарсан бөгөөд тус нутгаас төрөн гарсан таван Тод манлай, хоёр Манлай уяачийг хүндэт тэргүүлэгчээр сонгохоор болжээ.
Мөн энэ үеэр ирэх тавдугаар сард болох ММСУХ-ны VII их хурлын төлөөлөгчдийг сонгох хийгээд аймгийн бүсийн уралдаануудын зохион байгуулалтын талаар авч хэлэлцсэн аж.
У.Энхмаа