Зорилго хүсэл нэгт “ЗОСЫН ХҮЛЭГ” гал уяанаас...

2015 оны Монгол Улсын шилдэг салбар холбоо Хэнтий аймгийн Батноров сумаас энэ удаагийн “Манайхан” булангаа бэлтгэлээ. Дөрвөн түмэн адуут морьтны соёлын өлгий нутгийн уяачид таван гал уяанд хуваагдан хурдан хурц хүлгүүдийнхээ уяа сойлгыг тааруулдаг. Бид энэ удаа тун удахгүй таван жилийн ойгоо тэмдэглэх гэж буй “Зосын хүлэг” гал уяаны хамт олныг онцоллоо. 2014 оны 12 дугаар сард дөрвөн хүний бүрэлдэхүүнтэйгээр анх байгуулагдсан тус гал өдгөө 30 гаруй гишүүнтэй өнөр өтгөн хамт олон болж, өнөө жил төрийн бус байгууллагаар бүртгүүлэн тамга тэмдгээр баталгаажуулжээ. 
Эрдэнэчандмань хайрханы бэлийг эмжин мяралзах Зосын голоороо нэрийдсэн хамт олны амжилт жил ирэх тусам нэмэгдэж, одоогийн байдлаар аймаг, сумын чанартай уралдаан наадмаас 80 гаруй айраг, түрүү хүртээд байгаа гэнэ. Ийн айраг, түрүү нь халгиж, амжилт бүтээл нь цалгисан “Зосын хүлэг” гал уяанаас одоогоор орон нутгийн дээд цолтон дөрөв, сумын Алдарт уяач ес төрөн гарсны зэрэгцээ А.Алтаншагай Улсын Аварга адуучнаар тодорч, Б.Арсланбаатар “Алтан унага”-ны эзэн болсныг дуулгах нь зүйтэй биз ээ. 
Түүнчлэн “Зосын хүлэг”-чүүд нийгмийн хариуцлагаа ухамсарлаж уяачдынхаа эрх ашгийг хамгаалах сайн үйлсийн аяныг санаачлан эхлүүлснээс гадна ирэх онд сумынхаа МСУХ-той хамтран аймгийнхаа анхны уяачдын алдрын танхим бүхий өргөөг байгуулахаар төлөвлөөд байгаа гэнэ лээ. Ингээд эрхэм уншигч та бүхэндээ “Зосын хүлэг” гал уяаны хамт олныг танилцуулъя.
“Зосын хүлэг” гал 
1. Сандагдоржийн Батсуурь /ААУ/
2. Сандагдоржийн Батжаргал /ААУ/
3. Дугарын Саранчимэг 
/ААУ/
4. Дугарын Наранчимэг /ААУ, Улсын сайн малчин/
5. Сэмбийн Ганбаатар /САУ/
6. Саранчимэгийн Чулуунбаатар /САУ/
7. Саранчимэгийн Эрдэнэчулуун /САУ/
8. Наранчимэгийн Баярцэнгэл /САУ/
9. Жамсранжавын Бат-Эрдэнэ /САУ/
10. Доржпүрэвийн Загдсүрэн /САУ
11. Бадиагийн Бат-Эрдэнэ /САУ/
12. Лхагвасүрэнгийн Нямдаваа /САУ/
13. Амбаадагдангийн Алтаншагай /САУ, Монгол Улсын Аварга адуучин/
14. Батсуурийн Арсланбаатар /Монгол Улсын “Алтан унага”-ны эзэн/
15. Сопрингийн Нямсүрэн /Аймгийн заан/
16. Наранчимэгийн Баяржавхлан 
17. Наранчимэгийн Баяржаргал
18. Бат-Эрдэнийн Буд-Од
19. Бат-Эрдэнийн Жанчивням
20. Лхагвасүрэнгийн Энх-Амгалан /2015 оны Шилдэг уяач/
21. Лхагвасүрэнгийн Дугарсүрэн
22. Батхадын Ууганбилэг
23. Буянтогтохын Баярнэмэх
24. Эрдэнэцогтын Мөнх-Эрдэнэ
25. Батбаярын Болд-Эрдэнэ
26. Энхбаярын Гантулга
27. Гэрэлчулууны Даваажав
28. Нямсүрэнгийн Тэгшжаргал
29. Чүлтэмийн Дорж
30. Эрдэнэсайханы Ганбат
31. Баатарцогтын Дархаа
32. Алтанхуягийн Борчулуун
33. Сумъяагийн Өлзийбаатар
34. Ичинноровын Баттөгс
35. Балжирын Батболд

"Тод магнай" сэтгүүл. Дугаар 104. 2018 он