​Ц.Дэлгэрдалайн Халтар халзан​

Монголын хурдан морины түүхэнд алдраа мөнхөлсөн Асгат нутгийн бас нэгэн хурдан буян бол Баянхонгор аймгийн Богд сумын уугуул, аймгийн Алдарт уяач Ц.Дэлгэрдалайн халтар халзан морь. Аймгийн Алдарт уяач Ноогийн Өлзийхутагийн унаган халзан морь дааган цагаас нь эхэлж уягдсан бөгөөд тэр жилээ аймгийнхаа наадамд 20 гаргаж давхижээ. Дараа жил нь ч мөн айрагдсангүй. Гэхдээ унаган эзэн нь хоёр талын хурдны удамтай, юм дуулгана хэмээн итгэлтэй байсан гэдэг. Үнэхээр ч халзан морь хязаалангаасаа эхэлж хурдлан хонгор нутгийн хүүгийн хараанд өртсөн билээ.

Удам, угшил

Эцэг: Аймгийн Алдарт уяач Н.Өлзийбаярын Ембүү хонгор

Эх: Ж.Ноогийн саарал азарганы удмын ягаан гүү

Амжилтын товчоон:

2004 онд даага:

- Сүхбаатар аймгийн баяр наадамд 20 гаргаж давхисан

2005 онд шүдлэн:

- Сүхбаатар аймгийн баяр наадамд 20 гаргаж давхисан

2006 онд хязаалан:

- Халзан сумын Цагаан шандны хөндийд болсон уралдаанд түрүү

- Сүхбаатар сумын Буян овооны тахилгад түрүү

- Баруун-Урт суманд болсон 100,000 төгрөгийн бооцоот уралдаанд аман хүзүү

- АХ-ын 85 жилийн ой, үндэсний их баяр цэнгэл наадамд 51

- Манлай уяач Б.Далайн нэрэмжит уралдаанд айргийн дөрөв

2007 онд соёолон:

- Хан хөхий галын нэрэмжит уралдаанд айргийн гурав

- Багануур дүүргийн наадамд түрүү

- АХ-ын 86 жилийн ой, үндэсний их баяр цэнгэл наадамд 11

2008 онд хавчиг:

- Өнжсөн

2009 онд долоотой:

- “Дүнжингаравын хурд” хаврын бүсийн уралдаанд айргийн гурав

- Сэлэнгэ аймагт болсон хаврын уралдаанд айргийн дөрөв

- АХ-ын 88 жилийн ой, үндэсний их баяр цэнгэл наадамд долоо

- Ламын гэгээн Лувсанданзанжанцаны мэлмий гийсний 370 жилийн ойд түрүү

- Монголд авто замын салбар үүсч хөгжсөний 80 жилийн ойд түрүү

- Д.Даваахүү Тод манлайн мялаалга уралдаанд аман хүзүү

2010 онд наймтай:

- АХ-ын 89 жилийн ой, үндэсний их баяр цэнгэл наадамд арав гаргаж давхисан

- Шигшмэл морьдын “Их хурд-5” уралдааны үеэр бэртэл авч дахин уралдаагүй.

Тод магнай сэтгүүлийн №102 дугаараас...