Уралдаанч Н.Билгүүнманлай: Барианд ороход ийм олон хүн байна гэж төсөөлөөгүй

Сэтгүүлч
Лхагва, 13:16 минут

Үндэсний их баяр наадам, Их Монгол улс байгуулсаны 813 жилийн ой, Ардын хувьсгалын 98 жилийн ойн баяр наадмаар одтой наадсан хийморилог эрчүүдийн нэг бол хонгор нутгийн уяач Н.Баттөмөр байлаа. Энэ удаад түүний хар морийг 881 дугаартай Наранцэцэгийн Билгүүнманлай хүү унаж, айргийн дөрвөөр хурдлуулан уясан эзэн, хурсан олныг баярлуулсан юм.

- Баяр наадмынхаа сэтгэгдлээс манай уншигчидтай хуваалцана уу?

-Баярлалаа. Сая их морь унаж айргийн дөрвөөр орлоо. Баяртай байна. Улсад анх удаа уралдаад анхны айргаа авч байна.

- Улсын баяр наадам ямар санагдаж байна?

-Наадмын тухай яриа сонсож, хурдан морины уралдааныг зурагтаар л харж байлаа. Их гоё юм аа.  Барианд ороход ийм олон хүн байна гэж төсөөлөөгүй шүү.

- Энэ удаад хэдэн нас унаж байгаа юм бэ?

-Өчигдөр шүдлэн, хязаалан 30, 40-өөр орсон байх аа.

- Хэд дэх жилдээ морь унаж байна вэ?

-Зургаа дахь жилдээ морь унаж байна.

- Аймаг, бүсийн наадмуудад оролцож байв уу?

-Бүсийн наадмуудад зөндөө орсон. Айраг түрүү ч олныг авсан.

- Ах дүүсээс нь морь унадаг уу? Хэрвээ унадаг бол хэн нь илүүрхэж байна даа?

-Морь унана аа. Дүү маань Хэнтийд морь унадаг юм. Ямартаа ч зургаа, долоогоор давхиуллаа л гэдэг юм.

- Цалингаа аваад юунд зарцуулах вэ?

-Цалингаа аваад ээж рүүгээ явуулна аа.

- Аль сургуулийн хэддүгээр ангид сурдаг юм бэ?

-Өлзийт хорооллын 59-р сургуулийн зургадугаар ангид орно.

- Ярилцсанд баярлалаа. Дүүдээ сурлага, хөдөлмөрийн өндөр амжилтыг хүсэн ерөөе.

П.Ундраа

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна