Манлай уяач Х.Цогтсайхан: Уясан морьд цулбууртай, унасан хүүхэд нь мэнд сайхан уралдлаа

-Азарга айрагдуулсанд баяр хүргэе. Өнөө жилийн баяр наадмын талаарх сэтгэгдлээсээ хуваалцаач.

-Байгаль цаг уурын хувьд дэлхий дэлэгнэж таатай сайхан байлаа. Бид ярьдаг шүү дээ.Нар хур тэгширсэн сайхан зун боллоо гэж. Зургадугаар сарын сүүлээс хур бороо ихээр орж Монгол орон даяар сайхан зун болсон. Уралдсан морьд  ч тарга хүч сайтай хурдтай байлаа.

-Манлай хэдэн насны морь мордуулсан бэ. Хээр азарганаас бусад нь ямар амжилт үзүүлэв?

-Их насны морь 30 гаргаж давхилаа. Хязаалан үрээ маань 29 дээр ирэв үү дээ. Ямартаа ч уясан морьд цулбууртай, унасан хүүхэд нь мэнд сайхан уралдлаа.

-Ийм наадам л хамгийн сайханд тооцогддог биз дээ.

-Тэгэлгүй яахав. Морь, хүүхэд мэнд, зам цагаан наадах шиг сайхан цэнгэл хаа байхав.

-Аль бүсийн уралдааныг онцолсон бэ?

-Говьсүмбэр аймагт болсон “Боржигон” төвийн бүсийн уралдаанд очсон. Азарга 15, халзан морь маань 11, хонгор халзан морь 16-аар давхисан.

Б.Хастөр