Г.Дашзэвэгийн сарт хээр

Сэтгүүлч
Баасан, 12:24 минут

Өнгөрсөн жил эрлийз дунд насны ангилалд түрүүлж байсан Төв аймгийн Баяндэлгэр сумын уугуул, аймгийн Алдарт уяач Гантөмөрийн Дашзэвэгийн Сарт хээр өнөө жил хараахан айрагдаж чадалгүй зургаад хурдалсан. Өнгөрсөн жил давхар уяагаар Данзанравжаагийн мэлмий гийсний 215 жилийн ой, говийн бүсийн уралдаанд түрүүлсэн Сарт хээрийн амжилтыг дахин нэг сануулъя.

УДАМ, УГШИЛ:

Эцэг:  С.Сандагдоржийн Avensis хэмээх цэвэр цусны англи азарга (Avensis-ийн эцэг Entrepreneur хэмээх азарга нь 2000 Guineas тэргүүтэй гурван том уралдаанд түрүүлж байсан шилдэг адуу юм. Entrepreneur нь Умардын бүжигчин (Northern Dancer)-ий алдартай төлүүдийн нэг болох дэлхийн шилдэг азарга Сейдлерс Уилс (Sadler’s Welss)-н төл).

Эх: Гурав дахь үеийн унаган халтар гүү (Г.Батбаярын Хүүхдийн халтар, саарал азарга, Д.Санжаасүрэнгийн халтар азарга гээд Баяндэлгэр сумын гурван сайн азарганы төл)

АМЖИЛТЫН ТОВЧООН:

2017 онд хязаалан:

“Ирээдүйн түмэн эх” уралдаанд айргийн тав

Төв аймгийн Баяндэлгэр суманд болсон “Хэрлэнгийн хурд” уралдаанд аман хүзүү

Сэлэнгэ аймгийн Жавхлант сумын 40 жилийн ойд эрлийз дунд насанд түрүү

Сэлэнгэ аймагт хойд бүсийн уралдаанд зургаа 

2018 онд хязаалан:

“Монгол жокей” клубын нэрэмжит уралдаанд түрүү 

АХ-ын 97 жилийн ой, Үндэсний их баяр цэнгэл наадамд түрүү

Данзанравжаагийн мэлмий гийсний 215 жилийн ой, говийн бүсийн уралдаанд түрүү

2019 онд соёолон:

АХ-ын 98 жилийн ой, Үндэсний их баяр цэнгэл наадамд зургаа

Б.Хастөр

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна