Нийслэлийн Алдарт уяач Ш.Үнэнбат: Улсын наадамд анх удаа морь айрагдуулж байна

-АХ-ын 98 жилийн ойн баяр наадамд даага айрагдуулсан танд бая хүргэе. Андуураагүй бол улсын наадмын анхны айраг байх.

-Баярлалаа. АХ-ын ойн баяр буюу улсын наадамд анх удаа морь айрагдуулж байна. Хонгор халзан даага маань АХ-ын 98 жилийн ой, төрийн наадамд айргийн дөрөвт хурдалсанд баяртай байна.Түүнээс өмнө Засгийн газрын тогтоолт бүсийн уралдаанд Элбэг хээр азаргаа түрүүлгэж байсан.

-Элбэг хээр чинь аль бүсийн уралдаанд түрүүлж байлаа

-Дорноговь аймагт болсон зүүн бүсийн уралдаанд түрүүлсэн. Өвөрхангай аймгийн бүсийн уралдаанд бол нэлээд хэд түрүүлж, айрагдсан адуу.

-АХ-ын 98 жилийн ойд хэдэн насны морь мордуулсан бэ?

- Уг нь нас болгонд уясан. Гэвч хасагдсаар ганц даага мордуулж, айрагдууллаа. Долоо, найман адуу мордуулж чадсангүй.

-“Хотгойдын хурд” уралдааныг зорьсон байна лээ. Тэнд мордуулж чадсан уу?

- Хонгор халзан даагатайгаа очоод аман хүзүүдүүдсэн.

Б.Хастөр