АХ-ын 99 жилийн ойд монгол морьд уралдана

Сэтгүүлч
2020 оны 6-р сарын 10 -нд

Наадмын сураг хүлээн догдолж суугаа эрхэм уяачид, хурдан морины зүтгэлтнүүд та бүхэндээ чихэнд чимэгтэй мэдээ дуулгах болсондоо баяртай байна. Энэ долоо хоногийн эхээр Үндэсний их баяр наадмыг зохион байгуулах салбар хороо хуралдаж, АХ-ын 99 жилийн ой үндэсний их баяр цэнгэл наадмын товыг  хэлэлцэн баталжээ.

Дэлхий нийтийг хамарсан COVID-19 тахалтай холбогдуулан баяр наадмыг аль болох цомхон хүрээнд зохион байгуулах үүрэг чиглэлийн дагуу АХ-ын 99 жилийн ойгоор монгол зургаан насны морьд уралдахаар болсон бөгөөд өмнөх жилүүдийн жишгээр уралдах морьдыг сэрвээний өндөр болон үүлдэрлэг байдлыг харгалзан үзэх гэнэ.

Мөн түрүүлж, айрагдсан морьдын цолыг төв цэнгэлдэх хүрээлэнд бус Хүйн долоон худгийн торгон ногоон дэнжнээ дуудах аж.

Харин 7-р сарын 13-нд уралддаг эрлийз ангиллын гурван насны морьдын уралдааныг өнөө жилийн тухайд зохион байгуулахгүй бөгөөд аймгийн баяр наадам улсын наадамтай нэг өдөр зохион байгуулагдах зохицуулалт хийгджээ.

Баяр наадам зохион байгуулахтай холбоотой мэдээллийг бид цаг тухайд нь хүргэж байх болно.

Б.Билгүүн

36 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.