Уралдаанч Б.Төрболд: Замынхаа талдаа ороход айрагт багтах нь дээ гэдгээ мэдсэн

Сэтгүүлч
12-р сарын 30 -нд

Тулгар төрийн 2229, Их Монгол Улс байгуулагдсаны 814, Үндэсний эрх чөлөө, тусгаар тогтнолоо сэргээн мандуулсны 109, Ардын хувьсгалын 99 жилийн ой, Үндэсний их баяр наадамд Орхон аймгийн Баян-Өндөр уугуул З.Тэмүүжингийн хул даагыг 9 настай, 455 дугаартай уралдаанч Б.Төрболд унаж түрүү магнайд хурдлуулсан юм.

-Миний дүү сайхан наадаж байна уу? 
-Сайхаан. Та сайхан наадаж байна уу? 
-Өөрийгөө манай уншигчдад танилцуулна уу? 
-Би энэ жил 9 настай. Орхон аймгийн Жаргалант сумын дунд сургуульд сурдаг.
-Хэд дэх жилдээ морь унаж байгаа вэ? 
-Зургаа дахь жилдээ морь унаж байна. Анх өөрийнхөө адууг унаж сурч байлаа. Манай аавыг С.Баярсайхан гэдэг. Аймгийн цолтой уяач бий.
-Тийм үү. Тэгвэл аав, хүү хоёр хаагуур, хаагуур наадаж байв?
-Өнгөрсөн зургаан жилийн хугацаанд Эрдэнэтдээ л нааддаг байлаа. Миний хувьд айхтар амжилт байхгүй ээ. Ихэвчлэн дундуур л орж байсан. 
-Тэгвэл улсын наадмын түрүү анхны амжилт байх нь ээ. 
-Тийм ээ. Орхон аймгийн Баян-Өндөр сумын уугуул З.Тэмүүжингийн хул даагыг унаж улсын наадмын анхны түрүүгээ авлаа. Гоё байна. 


-Улсын наадам ямар санагдав. 
-Улсын наадам дажгүй. Зохион байгуулалтын хувьд Эрдэнэтийн уралдаантай адил ч, зам нь өөр. 
-Уралдааны өмнө түрүүлнэ гэдэгтээ итгэлтэй байв уу? 
-Замынхаа талдаа ороход айрагт багтах нь дээ гэдгээ мэдсэн. 
-Маргааш ямар нас унах гэж байна. 
-Маргааш хязаалан, шүдлэн унана. 
-Ингэхэд Төрөө маань ирээдүйд ямар мэргэжилтэй болно гэж боддог вэ?

-Том болоод цагдаа болно оо. Яг л энэ хамгаалалтанд гарчихсан байгаа ах нар шиг. 
-Санасан бүхэн нь сэтгэгчилэн бүтэж байг ээ. Маргаашийн уралдаанд нь амжилт хүсье. 

П.Ундраа

1 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.