Аймгийн Алдарт уяач Б.Зуунжил: Сумаасаа анх удаа Засгийн Газрын тогтоолтой бүсийн наадамд морь айрагдуулсан
Хөвсгөл аймгийн Галт сумын Нүхт I багийн харьяат, аймгийн Алдарт уяач Батбаярын Зуунжил нь 1985 оны 12-р сарын 06-нд сумынхаа хүн эмнэлэгт мэндэлжээ. Тэрээр “Дэлтэй цэнхэр” МСУХ-ны “Уяачийн алдар” одон, Галт сумын дээд шагнал “Галтын алдартан” цол тэмдэг, аймгийн Засаг даргын жуух бичгийн эзэн юм.
-Та 2014 оны “Хотгойдын хурд” хангайн бүсийн уралдаанд аз хийморийн бэлгэдэл болсон соёолон аман хүзүүнд хурдлуулж байжээ. Хаанахын удам угшилтай соёолон бэ?
-Миний цоохор азарга чинь Сүхбаатар аймгийн Эрдэнэцагаан сумын Сумъяагийн Амартайваны унаган адуу байгаа юм. Би 2012 онд очиж битүү шүдлэн, бас нэг даага авсан. Даага нь шүдлэндээ сумын наадамд айрагдсан ч хязааланд нь хангай таалчихсан. Шүдлэн нь тэр жилээсээ эхлэн том, жижиг олон наадамд айрагдаж, түрүүлсэн. Тухайлбал, анхны жилээ сумынхаа уяачдын холбооны наадамд зургаагаар давхиад, Шинэ-Идэр суманд болсон МУ-ын Хөдөлмөрийн баатар Тэгшбазарын мэндэлсний 100 жилийн ойн уралдаанд дөрөвлөсөн. Харин хязаалан үрээ сумандаа аман хүзүүдэж, овоо тахилгын наадамд гуравлаж, нэг аман хүзүүдсэн. 2014 онд соёолон үрээ сумынхаа 90 жилийн ойд аман хүзүүдээд, “Хотгойдын хурд”-д 145 үрээ уралдахад аман хүзүүгээр хурдалсан. Энэ нь намайг төдийгүй, Галтын нийт ард түмнийг баярлуулсан сайхан амжилтыг үзүүлсэн юм. Сумаасаа анх удаа Засгийн газрын тогтоолтой бүсийн наадамд морь айрагдуулж, Галтынхаа уяачдаас хамгийн азтайгаар үндсэндээ тодорсон гэсэн үг шүү дээ. Ганцхан би ч биш, манай сумын морь сонирхдог бүх хүн баярласан.
-Бүсийн уралдаанаас хойш яаж давхисан бэ?
-2015 онд Завханд уралдаад, хөлийн асуудалтай болсон. Түүнээс хойш төдийлөн амжилт гаргаж чадахгүй л байна. Энэ жил есөн настай азарга.
-Хангайн бүс рүү Галтаас олон уяач явсан уу?
-Аймгийн Алдарт уяач Баасандоржийн шарга, сумын Алдарт уяач Отгонсэлэнгийн Сүхийн буурал тус тус мордсон. 40 гаргаад ирсэн байх аа.
-Соёолонгоо айрагдчихна гэж бодож байв уу?
-Соёолон мордохоос өмнө харсан л даа. Тэр жил улсад айрагдсан Булганы Хутаг-Өндөрийн Жадамбын Бат-Эрдэнийн үрээ, улсын наадмын тархинд явсан Доржсүрэн Манлайн үрээ ирсэн байлаа. Эднийг тархилах байх. Минийх 10,20 дотор гарч ирээд урагшилбал айраг амсаж мэдэх л юм гэсэн бодол төрж байсан. Тэгсэн Нисэхийн ард гарч ирэхэд нь хүнээс асуусан “Эхний 30-д харагдахгүй байна” гэнэ. Үүнийг нь сонсоод “За тав ч худлаа юм байна даа. Ядаж 10 дотор багтчихдаг юм болов уу, яадаг бол” гэж горьдоод байгаа юм. Уг нь нэг гараад ирвэл суудаггүй адуу л даа. Хойноос зүтгэж уралддаг.
-Хэдэн жил морь уяад ийм амжилтыг гаргаж байгаа билээ?
-2006 оноос морь уяж эхлээд, найм дахь жилийнхээ наадамд ийнхүү амжилттай наадсан даа.
-Анх ямар удмын адуугаар уяаны ажлаа эхлүүлж байв?
-Би ч сонирхлоороо л морь уяж эхэлсэн хүн. Анх чинь өөрийн унаган адууг уяж, хоёр жил хэртэй амжилт гаргаагүй. Дараа жилээс нь аймгийн Алдарт уяач Баасандорж гэж хүнийг дагаж морь уяж эхэлсэн. Одоо сумын төвд амьдардаг хүн л дээ. Бас Галт сумын уяачдын холбооны тэргүүн Д.Пүрэвдорж байна. Энэ хоёр намайг өдий хүртэл тусалж дэмжиж ирсэн улс. Эднийхээ хишиг буянаар өдий дайтай болж уяач гэгдэж явна. Тэгээд багштай болсных, тэр жил бор морио дааганд нь сумын наадамд аман хүзүүнд давхиулж амжилтын гараа эхэлсэн. Шүдлэн түрүүлж, хязаалан айрагдсан. Хязаалан жилээ буюу 2010 оны “Хотгойдын хурд”-аар 30-д давхиж байлаа. Дараа жил нь 2011 онд соёолон Галт суманд болсон анхны аймгийн бүсийн наадамд түрүүлсэн. Харин 2012 онд хавчиг морь өнжөөд 2013 оноос хойш бага жижиг наадамд олон айрагдаж түрүүллээ. Наймтай нэлээн зайнаас уяж, олон наадамд тавьж үндсэн давхилаа олсон. Морь өнжөөхөд наадамд уралдуулахгүй ч үндсэн ажлыг нь хийж хөнгөлөөд өнжөөх нь зүйтэй юм билээ.
-Одоо бор морь хэдтэй юм бэ?
-Миний бор морь энэ жил 12 настай. Одоо уяхгүй байгаа. Намайг уяач болгож олон жил чамлах юмгүй сайхан давхилаа, хөөрхий минь. Амралтандаа гарахад болно оо.
-Танайханд өөр уяач бий юу?
-Манай удамд морь уядаг хүн байгаагүй ээ. Харин намайг моринд орсон чинь дүү нар, найз нөхөд дагаж уяж эхэлсэн. Сумын Алдарт уяач Ганбат, уяач Д.Батсайхан, Батмягмар, Батлхагва нарын найз нөхөд, дүү нар хамт морь уяж явна.
-Танайхан гал уяаны системээр ажилладаг уу?
-Морь уяхаараа л нэгдэнэ ээ.
-Морь уясан энэ он жилүүдэд алдаа мадаг гаргаж байв уу. Залуу уяачдад сургамжтай юм даа, тийм ээ?
-Тэр энэ гэхгүй алдаа гаргах тохиолдол бий. Ихэвчлэн хоолны алдаа гаргах гээд байх нь элбэг байдаг юм шиг ээ. Би Өвөрхангайд болсон Өндөр гэгээний даншигт очоод хоолны алдаа гаргасан. Гаргаагүй бол айрагдахгүй юм гэхэд 10 дотор уралдчих байсан болов уу. МУ-ын Манлай уяач Г.Батчулуун “Алдаа гаргадаггүй уяач гэж байдаггүй юм аа. Харин гаргасан алдаагаа давтахгүй байх нь чухал” гэж ярихыг сонссон. Үнэн шүү. Алдаж болох ч давтаж болохгүй юм даа.
-Ингэхэд та багадаа хурдан морь унадаг байв уу?
-Унаж байгаагүй ээ.
-Таны нэрийг гаргасан өөр ямар хурдан хүлгүүд байна вэ?
-Сүхбаатарын Мөнххаанаас Бураа Пүрэвжав агсны хүргэн Сайханбилэг гэж хүнээс ирсэн сартай хүрэн морь байна. 2015 онд Мөнххааны уяачдын холбооны тэргүүн Долгорсүрэнгийн Бат-Эрдэнэ “Найдвартай хурдан” гэж авч өгсөн адуу. Надад ирээд Төмөрбулаг суманд болсон аймгийн хойд бүсийн уралдаанд айрагдсан. Бас “Хөвсгөл хурд 2015” аймгийн анхдугаар шигшмэл хурдад наймаар давхиж байлаа. Түүнчлэн 2015 онд Өвөрхангай аймагт болсон төвийн бүсийн уралдаан, Өндөр гэгээний мэндэлсний 380 жилийн ойд очиж 18-аар давхиулсан. Түүнээс хойш Засгийн газрын тогтоолт бүсийн уралдаанд яваагүй ээ. Үүнээс гадна миний нэг цавьдар азарга байна. Манай сумын уяачдын холбооны шийдвэрт уламжлалт дааганы уралдаан гэж болдог юм. Хоёр дахь дааганы уралдаанд түрүүлж, хул шүдлэн 2013 онд суманд айрагдсан. Энэ жил нэг даага Сүхбаатараас авчирсан нь “Дэлтэй цэнхэрийн хурд” уралдаанд айрагдсан.
-Зүүн талаас авч байна уу?
-Өөрийн унаган адуугаар уралдах зорилготой. Гэхдээ одоохондоо зүүн талаас авч байна. Бас шинэ цагийн адуу үржүүлсэн улсаас ч авна аа.
-Уяачийн хувьд оролцсон хамгийн баяр бахдалт наадам хэзээ байсан бол оо?
-Тэр бол мэдээж 2014 оны “Хотгойдын хурд” наадам юм. Ямар ч байсан адууны төлөө 10-аад жил зүтгэсний үр дүн гарлаа. Эр хүн болж төрсний хэрэг бүтлээ л гэж бодогддог юм билээ. Үнэндээ Засгийн газрын тогтоолт бүсийн уралдаанд морь айрагдуулна гэдэг Галтын уяачдын мөрөөдөл, зорилго. Тэр зорилгыг биелүүлж амжилт гаргасандаа үнэхээр их баярладаг.
-Хүүхдүүд морь унадаг уу?
-Манайх гурван охинтой. Том нь зургаа, бага нь арай сар хүрээгүй байна.
-Бидний яриа энд хүрээд өндөрлөж байна. Ярилцсанд баярлалаа.
-Баярлалаа. Та бүхний ажил үйлсэд өндөр амжилт хүсье.
Б.Хастөр
3 Сэтгэгдэл
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
- Өчигдөр, 17:46 минут Богд хан уулын аймаг байгуулагдсаны 100 жилийн ой,…
- Өчигдөр, 11:21 минут МУ-ын Тод манлай уяач Б.Далай: Уяачийн амжилтанд г…
- 3-р сарын 19 -нд Архангай аймгийн 100 жилийн ой, хангайн бүсийн ура…
- 3-р сарын 19 -нд 2023 оны ММСУХ-ны чансаа өндөр уяачид
- 3-р сарын 05 -нд 2023 ОНЫ 21 АЙМГИЙН ШИЛДЭГ УЯАЧ, УРАЛДААНЧ ХҮҮХДҮҮ…
- 3-р сарын 05 -нд Аймгийн Алдарт уяач Ш.Мөнхбаатар:Ах дүү дөрвүүл аа…
- 3-р сарын 05 -нд 2023 ОНЫ ММСУХ-НЫ 21 АЙМГИЙН ШИЛДЭГ САЛБАР ХОЛБОО,…
- 3-р сарын 05 -нд Архангай аймгийн 100 жилийн ой, хангайн бүсийн ура…
- 2-р сарын 27 -нд Манлай уяач Ч.Сугар: Алаг морийг харсан хүн болгон…
- 2-р сарын 27 -нд 2022 оны чансаа өндөр сонгомол дээд насны хүлгүүд
- 2-р сарын 26 -нд Н.Билэгтсайхан 66 оноогоор 2022 оны чансаа өндөр у…
- 2-р сарын 26 -нд Хэнтий аймгийн 100 жилийн ой, зүүн бүсийн уралдаан…
- 2-р сарын 26 -нд МОНГОЛ УЛСЫН 2022 ОНЫ ӨНДӨР ЧАНСААТАЙ ИХ НАСНЫ МОР…
- 2-р сарын 26 -нд О.Батбилэг 73 оноогоор 2022 оны чансаа өндөр уяачд…
- 2-р сарын 26 -нд МУ-ын Алдарт уяач Г.Болдбаатар:Наадмын маргаашнаас…
- 2024 оны 2-р сарын 22 -нд 2022 оны чансаа өндөр азарганууд
- 2024 оны 2-р сарын 22 -нд 2022 оны МУ-ын шилдэг уяач, уралдаанч хүүхдүүд
- 2024 оны 2-р сарын 21 -нд ММСУХ-ны 2022 оны шилдгүүд шагналаа авлаа
- 2024 оны 2-р сарын 21 -нд Архангай аймгийн 100 жилийн ой, хангайн бүсийн ура…
- 2024 оны 2-р сарын 20 -нд Уяач Б.Батжаргал: Сүүлд цоохор даага даяндуулсан
- 2024 оны 2-р сарын 19 -нд Богд хан уулын аймаг байгуулагдсаны 100 жилийн ой,…
- 2024 оны 2-р сарын 14 -нд Цолоо ахиулсан уяачид
- 2024 оны 2-р сарын 07 -нд Нийслэлийн Алдарт уяач цолоор 28 хүн шагнагджээ
- 2024 оны 2-р сарын 07 -нд Дөрвөн Тод, дөрвөн Манлай, 18 Алдарт уяач цол авах…
- 2024 оны 2-р сарын 07 -нд Сумын Алдарт уяач Н.ДУГАРЖАВ: БИ ДӨРӨВДҮГЭЭР АНГИА…
- 2024 оны 2-р сарын 05 -нд Богд хан уулын аймаг байгуулагдсаны 100 жилийн ой,…
- 2024 оны 2-р сарын 05 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 27 -нд Сумын Алдарт уяач Д.Батбаяр: Би Биндэрт анх адуу т…
- 2024 оны 1-р сарын 26 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 25 -нд Архангай аймгийн 100 жилийн ой, хангайн бүсийн ура…
- 2024 оны 1-р сарын 24 -нд СУМЫН АЛДАРТ УЯАЧ А.Цэрэндорж: ЗААМАРТ ДАЛАЙ ЛАМЫГ…
- 2024 оны 1-р сарын 22 -нд Завхан аймгийн 100 жилийн ой, баруун бүсийн уралда…
- 2024 оны 1-р сарын 21 -нд Аймгийн Алдарт уяач Б.Баттөр: Таван жилийн дотор с…
- 2024 оны 1-р сарын 18 -нд Богд хан уулын аймаг байгуулагдсаны 100 жилийн ой,…
- 2024 оны 1-р сарын 15 -нд Аймгийн Алдарт уяач Ц.Жамсран: Өөрийн тамгатай уна…
- 2024 оны 1-р сарын 15 -нд Богд хан уулын аймаг байгуулагдсаны 100 жилийн ой,…
- 2024 оны 1-р сарын 11 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 10 -нд Аймгийн Алдарт уяач М.Мөнхбаяр: Адууны төлөө уйгаг…
- 2024 оны 1-р сарын 10 -нд Завхан аймгийн 100 жилийн ой, баруун бүсийн уралда…
- 2024 оны 1-р сарын 08 -нд Сумын Алдарт уяач Ц.ГЭРЭЛБААТАР: Сайн адууны удам …
- 2024 оны 1-р сарын 08 -нд Завхан аймгийн 100 жилийн ой, баруун бүсийн урал…
- 2024 оны 1-р сарын 03 -нд Хамгийн шимт тэжээлийг мэдэх үү?
- 2024 оны 1-р сарын 02 -нд М.Энхтайван: Хүн хэдий чинээ сэтгэлээ өгнө, адуу т…
- 2023 оны 12-р сарын 27 -нд Хэнтий аймгийн 100 жилийн ой, зүүн бүсийн уралдаан…
- 2023 оны 12-р сарын 25 -нд Баахан хэрэг тарих Баяндэлгэрийн буурал
- 2023 оны 12-р сарын 23 -нд Нийслэлийн Алдарт Уяач цолны болзол хангасан уяачд…
- 2023 оны 12-р сарын 22 -нд Аймгийн Алдарт уяач Г.Энхбаатар: Аавынхаа уяаны ар…
- 2023 оны 12-р сарын 17 -нд Хэнтий аймгийн 100 жилийн ой, зүүн бүсийн уралдаан…
- 2023 оны 10-р сарын 29 -нд Сумын Алдарт уяач Л.Батноров: Азарганы түрүүгээр а…
- 2023 оны 10-р сарын 28 -нд Өвгөн ноён М.Пүрэвжавын нэрэмжит уралдаануудын нэг…
66.181.161.113
Цоохор азарга ч үнэн сайн азарга шүүү надад төл азарга нь байгааа
Reply102.91.5.138
БҮГДЭЭРЭЭ САЙН УУ!!!!! Бид олон нийтэд мэдээлэхийг хүсч байна; Та бөөрийг худалдахыг хүсч байна уу? Та санхүүгийн хямралын улмаас бөөрийг зарж борлуулах боломжийг эрэлхийлж байна уу, юу хийхээ мэдэхгүй байна уу? Дараа нь бидэнтэй холбоо бариад DR.PRADHAN.UROLOGIST .LT.COL@GMAIL.COM хаягаар бид танд бөөрнийх нь хэмжээгээр санал болгох болно. Яагаад гэвэл манай эмнэлэгт бөөрний дутагдалд орж, +91424323800802. и
Reply197.210.77.57
Та бүхэнд энэ өдрийн мэнд, та санхүүгийн бэрхшээлийг даван туулж байна уу, бөөрөө 760,000 доллараар зарж, эрүүл чийрэг байх боломжтой. Фортис эмнэлэг бөөрний ноцтой донороос 760,000 доллараар бөөр худалдаж авч байна, тэд хамгийн сайн эмчтэй, хүссэн зүйлээ авч, ядуурлаас ангижрах боломжтой, хэрвээ та бөөрний өвчний улмаас бөөр шилжүүлэн суулгахыг хүсч байвал. бөөр шилжүүлэн суулгахад тусална Хэрэв та бөөр худалдаж авах эсвэл зарахыг хүсч байвал fortis hospital -тай холбоо бариарай Тэд танд хагалгаанд орохын тулд визээ боловсруулж, эмчилгээний дараа шууд өгөх мөнгийг танд төлдөг Мэс засал хийвэл танд үлдэгдэл мөнгийг өгнө сонирхож байгаа бол эмнэлгээр дамжуулан холбоо барьж болно fortis.hospital.in@g mail.com
Reply