ТОД МАГНАЙ ПОДКАСТ-55: МУ-ЫН МАНЛАЙ УЯАЧ Г.СОДНОМ

Өдрийн мэнд. Сайн санаанаас үүдэлтэй зөв бүхэн нь өөдлөн дэвжиж өрнөн батжих болтугай.
Ирэх долоо хоногийн зочноор энэ нүдэнд дулаахан, үг үйлдэл нь нэг /надад тэгж санагддаг юм/ эрхэм оролцоно.
Арваад жилийн өмнө Хүйн долоон худагт "Од" галын уяан дээр Г.Содном гуайтай анх удаа уулзаж байлаа. Нар салхинд гандсан саарал дээл, түүнээс дутахгүй элэгдсэн дугуй хүрээт нарны цайвар малгай өмсчихөөд морины хөлсийг нударгаараа буулгаж байсан түүнийг заагаад Буяндэлгэр ах /улсын Алдарт уяач/
"Хэнтий аймгийн харьяат улсын Алдарт уяач миний найз төрийнхөө наадамд уралдахаар ирээд байгаа юм" гэж билээ. Тэр үед ярилцлага авч амжаагүй.Түүнээс хэдэн жилийн дараа Хэнтий аймгийн тусгай дугаарын бэлтгэлээр явж байхдаа хоёр дахиа уулзаж дэлгэр сайхан ярилцсан.
Завтай сан бол яриад суумаар, асуугаад л баймаар хүн байдаг шүү дээ. Тэр үед яг тийм дутуу мэдрэмжтэй үлдсэн юм. Тэгээд сая зүүн бүсийн уралдаанаар таараад ийнхүү хөөрөлдлөө.
Хөдөөгийн хөх уяачдын төлөөлөл болсон тэрээр "Усан засал, усаар уяхуй"-н тухайд тун сонирхолтой яриа өрнүүлсэн шүү.

Аппликейшн татаж авах холбоос :