Говийн бүсийн сонгомол ангилалд түрүүлж, айрагдсан хүлгүүд

Сэтгүүлч
2022 оны 7-р сарын 29 -нд

Дундговь аймгийн 80 жилийн ой  “Их мандал 6” говийн бүсийн уралдаан сонгомол ангиллын морьдын уралдаанаар өчигдөр эхэлсэн. Тус ангилалд түрүүлж, айрагдсан хүлгүүдийг танилцуулъя.

Сонгомол дээд нас

1. Говь-Алтай аймгийн Дарви сумын уяач Содномрэнцэнгийн Мөнхнасангийн бор. Уяа сойлгыг аймгийн Алдарт уяач Мөнхөөдэйн Гантөгс. Тод манлай уяач Сумъяасүрэнгийн Ганхуягийн унаган адуу.

2. Хөвсгөл аймгийн Бүрэнтогтох сумын уугуул, аймгийн Алдарт уяач Дугарсүрэнгийн Отгонлхагвын Солонго хүрэн. Манлай уяач Баярсайханы Лхагва-Очир уясан. Төв аймгийн Алтанбулаг сумын харьяат аймгийн Алдарт уяач  Батмөнхийн Шагдаржавын унаган адуу.

3. Өвөрхангай аймгийн Хужирт сумын уугуул  Батхүүгийн Ганбатын хонгор. Улсын Алдарт уяач Цэндээхүүгийн Батболд уясан. Өөрийн унаган адуу.

4. Төв аймгийн Баян сумын уугуул, МУ-ын Манлай уяач Баасансүрэнгийн Нямжавын өсгий цагаан зээрд. Унаган адуу. Тод манлай уяач Түмэндэлгэрийн Ихбаяр уясан.

5. Дундговь аймгийн Луус сумын уяач Чүлтэмийн Цогтбаярын хүрэн. МУ-ын Манлай уяач Хоохорын Бадамсүрэнгийн унаган адуу. Луус сумын харьяат аймгийн Алдарт уяач Эрдэнээгийн Улаанхүү уясан.

Сонгомол дунд нас
1. Дундговь аймгийн Эрдэнэдалай сумын уяач Баянмөнхийн Бямбадоржийн хонгор. Тод манлай уяач Дашцэрэнгийн Одгэрэл уясан.

2. Дундговь аймгийн Эрдэнэдалай сумын харьяат аймгийн Алдарт уяач  Чулууны Ганцогтын хээр. Нийслэлийн Алдарт уяач  Ганхуягийн Алтансүх уясан.

3. Говьсүмбэр аймгийн Сүмбэр сумын уяач Хатанбаатарын Манлайбаатарын зээрд. Улсын Алдарт уяач Гомбосүрэнгийн Адьяасүрэнгийн унаган адуу.

4. Дундговь аймгийн Хулд сумын уугуул МУ-ын Алдарт уяач Сосорын Мөнхбатын хул. Өөрийн унаган адуу. Манлай уяач Баярсайханы Лхагва-Очир уясан.

5. Дундговь аймгийн Луус сумын уяач Даваанямын Дагийранзын хээр. Луус сумын харьяат, аймгийн Алдарт уяач  Эрдэнээгийн Улаанхүү уясан. Луус сумын уугуул Сайнхүүгийн Батбаярын унаган адуу.

Сонгомол бага нас
1.Дорноговь аймгийн Өргөн сумын уяач Гончигийн Амгаланбаатарын бор халзан. Улсад айрагдсан. МУ-ын Алдарт уяач Дэмчигцоодолын Эрболд уясан.

2. Булган аймгийн Гурванбулаг сумын уугуул Баатарсүхийн Дөлгөөний хүрэн. Д.Хишигжаргал Тод манлайн Цолмон халзангийн төрсөн дүү. Улс болон Өвөрхангайд айрагдсан. Тод манлай уяач Түмэндэлгэрийн Ихбаяр уясан.

3. Дундговь аймгийн Луус сумын уяач Чүлтэмийн Цогтбаярын халиун. Тод манлай уяач Сумъяасүрэнгийн Ганхуягийн унаган адуу. Луус сумын харьяат аймгийн Алдарт уяач  Эрдэнээгийн Улаанхүү уясан.

4. Хөвсгөл аймгийн Цэцэрлэг сумын уяач Батболдын Чингүүний Баяр хүрэн. Өөрийн унаган адуу. Манлай уяач Баярсайханы Лхагва-Очир уясан.

5. Говь-Алтай аймгийн Дэлгэр сумын уяач Цулын Даваасүрэнгийн зээрд. Өөрийн унаган. Аймгийн Алдарт уяач Моломын Цээноров уясан.

Б. Ганпүрэв


0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна