Баянхонгорын бүсэд эхний 10-т хурдалсан соёолонгууд

Баянхонгор аймгийн 80 жилийн ой, хангайн бүсийн уралдаанд 60 гаруй соёолон уралджээ. Ингээд эхний 10-т хурдалсан соёолонгуудыг танилцуулъя.

1.Завхан аймгийн Сонгино сумын харьяат Ганболдын Амарсанаагийн зээрд. Унаган хүлгийнх нь уяа сойлгыг Тод манлай уяач Дашдоржийн Мөнхбат тааруулсан бол Энхбаатарын Аригун хүү унаж хурдлуулжээ.

2.Архангай аймгийн Эрдэнэбулган сумын уугуул, МУ-ын Манлай уяач Гончигжавын Мөнхсайханы хүрэн халзан. Бүсийн уралдаанд нэг айрагдсан халзан соёолонгийн уяа сойлгыг Батсайханы Дорж уяач тааруулдаг бөгөөд хангайн бүсэд Нэргүйн Эрдэнэжаргал хүү унаж хурдлуулжээ.

3.Өвөрхангай аймгийн Уянга сумын уугуул, аймгийн Алдар уяач Давааноровын Ганбаатарын хээр. Унаган хүлгийнх нь уяа сойлгыг МУ-ын Манлай уяач Ганбаатарын Буянтогтох тааруулдаг бол Буянтогтохын Тэнгис унаж айрагдуулжээ.

4.Баянхонгор аймгийн Бөмбөгөр сумын харьяат аймгийн Алдарт уяач Рэгсүрэнгийн Цогтбаярын халтар.МУ-ын Манлай уяач Баасангийн Цэдэвийн унаган халтар соёолонгийн уяа сойлгыг аймгийн Алдарт уяач Батнасангийн Батдорж тааруулж, Баттогтохын Батзаяа унаж хурдлуулсан байна.

5.Баянхонгор аймгийн Баянговь сумын харьяат, аймгийн Алдарт уяач Бямбаагийн Баярсайханы Наадам хээр. Говьсүмбэр аймгийн Шивээговь сумын харьяат, МУ-ын Алдарт уяач Г.Адъяасүрэнгийн унаган  хээр соёолонгийн уяа сойлгыг Түмэнбаатарын Азбаяр уяач тааруулж, Эрдэнэбатын Эрдэнэчулуун хүү унаж хурдлуулсан юм.

6.Төв аймгийн Лүн сумын уугуул Батжаргалын Батцэнгэлийн зээрд. МУ-ын Алдарт уяач Нямын Баттөмөрийн хонгор азарганы ууган төл Саран хэмээх энэ зээрд үрээний уяа сойлгыг аймгийн Алдарт уяач Галсангийн Болдбаатар тааруулж, Хишигбаатарын Өсөхбаяр хүү унаж хурдлуулжээ.

7.Баянхонгор аймгийн Бууцагаан сумын харьяат Амарсанаагийн Наранбаатарын Мэл халзан. МУ-ын Манлай уяач Баасангийн Цэдэвийн унаган халзан соёолон аймгийн наадамд нэг түрүүлж, бүсийн уралдаанд хоёр айрагдсан бөгөөд А.Наранбаатар өөрөө уяа сойлгыг нь тааруулдаг юм. Хангайн бүсэд Ариунсанаагийн Төрболд хүү унаж хурдлуулжээ.

8.Хөвсгөл аймгийн Их-Уул сумын уугуул, аймгийн Алдарт уяач Дэнзэнгийн Энхтөрийн хонгор. Хөвсгөл аймгийн Тариалан сумын гаралтай хонгор соёолонгийн уяа сойлгыг аймгийн Алдарт уяач Бямбадоржийн Пүрэвдорж тааруулж, Мөнхбаатарын Мөнхжин унаж хурдлуулжээ.

9.Баянхонгор аймгийн Хүрээмарал сумын уугуул, аймгийн Алдарт уяач Алтангэрэлийн Батбаатарын хүрэн халзан. Унаган халзангийнх нь уяа сойлгыг Тод манлай уяач Түвдэнгийн Батцоож тааруулдаг бөгөөд Гомбын Азжаргал унаж хурдлуулжээ.

10.Ховд аймгийн Буянт сумын уугуул Ширчинжавын Энхнямын хээр. Унаган хээрийнх нь уяа сойлгыг Нямдоржийн Чулуунтогтох уяач тааруулж,Энхтүвшингийн Аюур унаж хурдлуулжээ.

Б.Хастөр