МОНГОЛ УЛСЫН АЛТАН АЗАРГАНУУД

Адуун сүргийнхээ үүлдэр угсааг сайжруулж, хурдны чиглэлээр өсгөн үржүүлсэн адуучин, малчин өрхийн хөдөлмөр бүтээлийг үнэлэн алдаршуулах зорилго бүхий АЛТАН АЗАРГА, МӨНГӨН ГҮҮ, МОЛОР УНАГА шагналыг 2016 оноос олгож эхэлсэн билээ. Энэхүү шагналыг гурван жилийн давтамжтай зохион байгуулагддаг шигшмэл хурдан морьдын “Их хурд” уралдааны үеэр гардуулдаг уламжлалтай. Өнгөрсөн долоон жилийн хугацаанд тодроод буй АЛТАН АЗАРГА-нуудыг энэ удаа уншигч танд танилцуулъя.

2016 онд

1.Дорноговь аймгийн Сайншанд уугуул Монгол Улсын Тод Манлай Уяач Гончигжавын Алтангэрэлийн ИХ ХҮРЭН

2.Төв аймгийн Сэргэлэн сумын уугуул Монгол Улсын Манлай Уяач Рэнцэнгийн Ганхуягийн БУУРАЛ

3.Сүхбаатар аймгийн Халзан сумын уугуул, аймгийн Алдарт Уяач Цэвэгсүрэнгийн Эрдэнэдалайн БУНДУУТ ХАЛТАР

4.Төв аймгийн Сэргэлэн сумын уугуул Монгол Улсын Тод Манлай Уяач Дамбадаржаагийн Ононгийн БОР

5.Завхан аймгийн Эрдэнэхайрхан сумын уугуул Монгол Улсын Тод Манлай Уяач Намжилцэрэнгийн Даш-Өлзийн Зээрд халзан

6.Хэнтий аймгийн Мөрөн сумын уугуул А.Мэндбаярын Грим халтар

2019 онд:

1.Дундговь аймгийн Хулд сумын харьяат, МУ-ын Манлай уяач Б.Баярсайханы ХҮРЭН. Найман төл нь улс, бүсийн уралдаанд найм түрүүлж, 16 айрагдсан.

2.Сүхбаатар аймгийн Халзан сумын харьяат, МУ-ын Манлай уяач У.Эрдэнэбилэгийн ХАЛИУН. Зургаан төл нь улс, бүсийн наадамд дөрөв түрүүлж, дөрөв айрагдсан. Төлийн төл 10 адуу улс, бүсийн чанартай уралдаанд түрүүлж айрагдсан.

3.Говь-Алтай аймгийн Баян-Уул сумын уугуул, Тод манлай уяач Д.Цэрэнжигмэдийн Асгат саарал. Долоон төл нь улс, бүсийн уралдаанд гурав түрүүлж, таван айрагдсан. 

4.Төв аймгийн Баянцогт сумын уугуул, Тод манлай уяач С.Ганхуягийн Станбул дуудлагатай Англи Кабардин ХЭЭР. 17 төл нь улс, бүсийн уралдаанд 12 түрүүлж, 23 айрагдсан.

5.Төв аймгийн Лүн сумын уугуул, Тод манлай уяач Б.Билэгдэмбэрэлийн Резви дуудлагатай Англи Кабардин ХАЛТАР. Есөн төл нь улс, бүсийн чанартай уралдаанд зургаа түрүүлж, 30 айрагдсан.

2022 онд:

1.Төв аймгийн Сэргэлэн сумын уугуул МУ-ын Манлай уяач Дорнойн Сундуй агсны Хэнтий аймгийн Буянт сумын гаралтай Их хүрэн азарга. Хүрэн азарганы таван  төл нь улсын баяр наадам, бүсийн уралдаанаас нэг түрүү, дөрвөн айраг хүртэж, төлийн төл 18 хурдан хүлэг нь 20 гаруй айраг, түрүүний эзэд болжээ. 

2.Дорнод аймгийн Цагаан-Овоо сумын уугуул, Тод манлай уяач Түвдэнжаажидын Батзоригийн Янзага дуудлагатай Араб бор азарга. Бор азарганы 12 төл нь улсын баяр наадам болоод бүсийн уралдаанаас зургаан түрүү, 12 айраг хүртжээ.

3.Төв аймгийн Лүн сумын уугуул,Тод манлай уяач Банзрагчийн Билэгдэмбэрэлийн Аргос дуудлагатай  зээрд халзан  азарга. Зээрд  халзан азарганы есөн төл улсын баяр наадам болоод бүсийн уралдаанаас долоон түрүү, 30 айраг хүртжээ.

4.Төв аймгийн Алтанбулаг сумын уугуул, Гансүхийн Хадбаатарын Сагур дуудлагатай Англи зээрд халзан азарга. Түүний найман төл улс, бүсийн уралдаанаас дөрвөн түрүү, 13 айраг хүртжээ.

5.Баянхонгор аймгийн Баянбулаг сумын уугуул, МУ-ын Манлай уяач Чинбатын Махбалын Глафакс дуудлагатай Англи халзан азарганы долоон  төл улс, бүсийн уралдаанаас таван түрүү, 10 айраг хүртжээ.

2023 оны байдлаар Монгол Улсад 16 азарга АЛТАН АЗАРГА өргөмжлөлийг хүртээд байна. 

Б.Хастөр