Ц.Буянбаатарын хүрэн халзан

АХ-ын 100, 101 жилийн ой, Үндэсний их баяр цэнгэл наадмын хурдан азарганы уралдаанд шандас шалгасан 202 хүлгээс аравт хурдалсан Архангай аймгийн Төвшрүүлэх сумын  уугуул Цагаанбандийн Буянбаатарын хүрэн халзан азаргыг эрхэм уншигч та бүхэнд танилцуулъя.

УДАМ, УГШИЛ:

Эцэг: Тод манлай уяач Г.Алтангэрэлийн Дунд хүрэн азарганы төл Тод хүрэн азарга. Хүрэн азарга 2014 онд улсын наадамд аравт давхиад, давхар уяагаар зүүн бүсийн уралдаанд айргийн гуравт хурдалж байсан. 

Эх: Дундговь аймгийн Говь-Угтаал сумын харьяат Шийхэрбаатарын Баясгалангийн хүрэн гүү. Дээгүүрээ Хандгай хүрэн, Соёмбо хүрний удамтай.

АМЖИЛТЫН ТОВЧООН:

2019 онд хязаалан:

Дорнод аймгийн Матад сумын баяр наадамд айргийн гурав

 2020 онд соёолон:

Өнжсөн

2021 онд хавчиг:

Хурдан байсан ч наадам цуцлагдсан тул уралдаагүй

2022 онд долоотой:

АХ-ын 100,101 жилийн ой, Үндэсний их баяр цэнгэл наадамд 10

“Их хурд-9” уралдаанд наймд тус тус хурдалжээ. 

Б.Хастөр