Баруун бүсэд Б.Норовсамбуугийн халтар морь түрүүллээ

Увс аймаг үүсэн байгуулагдсаны түүхт 100 жилийн ойд зориулсан баруун бүсийн уралдааны хоёр дахь өдөр уяачийн эрдмийг шалгадаг, наадмын хэмжигдэхүүн болсон их насны морьдын уралдаанаар отголлоо. Их насанд шандас шалгасан 121  хүлгээс:

1. Увс аймгийн Зүүнговь сумын уугуул МУ-ын Алдарт уяач Бадарчийн Норовсамбуугийн халтар. Тод манлай уяач  Төмөрбаатарын Галбадрахын унаган. Тод манлай уяач Мягмарсүрэнгийн Алтан-Очир уясан. Улсад шүдлэн түрүүлж, хязаалан Ховд баруун бүсэд түрүүлсэн. Өнгөрсөн жил улсад 7-д орсон. Эцэг нь шүдлэндээ улсад айрагдаж байсан Эрдэнэдалайн Эрдэнэбилэгийн унаган хүрэн азарга.

2. Төв аймгийн Баян сумын уугуул МУ-ын Манлай уяач Баасанцэрэнгийн Нямжавын зээрд. Бандгай тодын унаган. Т.Ихбаяр Тод манлайн шавь Баттулгын Галбадрах уясан.

3. Ховд аймгийн Зэрэг сумын МУ-ын Алдарт уяач Бөхчулууны Баатарбилэгийн Дураараа халтар. Өөрийн унаган. Орон нутагтаа олон түрүүлсэн хурдан хүлэг.

4. Увс аймгийн Зүүнхангай сумын харьяат аймгийн Алдарт уяач Балжиннямын Зулбаярын хүрэн халзан. Даага улсад айрагдаж, Алтан овоонд мөн айрагдсан. Увс, Завхнаар олон сумын ойд түрүүлж айрагдсан. Улсын алдарт уяач Рагчаагийн Мөнхтөрийн унаган бөгөөд улс бүсэд айрагдсан Эрдэнэ зээрдийн төл. Монгол их насны морь айрагдаж олныг огшоолоо. Сүхбаатар аймгийн Халзан сумын уяач Балдандоржийн Мөнгөнсүх уясан.

5. Увс аймгийн Тэс сумын уяач Чимэд-Очирын Ганболдын зээрд. Төв аймгийн Угтаалцайдам сумын Гончигийн Баттулгын унаган. Өнгөрсөн жил аймагтаа аман хүзүүдэж энэ жил аймгийн төвийн бүс болон Малчин сумын ойд түрүүлсэн.

6. Хөвсгөл аймгийн Баянзүрх сумын ААУ Баатарын Мөнхтөрийн хүрэн. Өөрийн унаган. Өнгөрсөн жил аймагтаа түрүүлсэн.

7. Увс аймгийн Өлгий сумын уяач Дөрвөдийн Ванчинхүүгийн цагаан. Улсын алдарт уяач Эрдэнэбатын Баянзулын унаган. 2022 оны баруун бүс Ханжаргалантын хурдад айрагдсан. Соёолон аймагтаа түрүүлсэн.

8. Увс аймгийн Улаангом сумын уяач Цээнээсүрэнгийн Пүрэв-Очирын хээр халзан. Партизан хорооны Батболдын унаган. Соёолон аймагтаа түрүүлж, Бөхмөрөн, Ховд, Давст сумдын ойд айрагдсан.

9. Ховд аймгийн Чандмань сумын уяач Гантогтохын Эрдэнэбаатарын чингис хүрэн. Ховд аймагт сүүлийн 3 жил дараалан түрүүлсэн. Улсын алдарт уяач Цэрэнбатын Чимэдбавуугийн унаган.

10. Увс аймгийн Цагаанхайрхан сумын уяач Маамуугийн Баянмөнхийн шагай хул. Соёолон аймагтаа айрагдаж байсан. Сумынхаа 100 жилд түрүүлсэн.

11. Төв аймгийн Сэргэлэн сумын уяач Мөнхсайханы Олонбаярын хул халзан. Чимэд-Очирын Давааням уясан. Булган аймгийн Сэлэнгэ сумын ААУ Доржийн Цээлхасүрэнгийн унаган.

12. Увс аймгийн Өндөрхангай сумын уяач Санжаагийн Болдын хээр халзан. Барсүрэнгийн Отгонбаяр уясан.

13. Увс аймгийн Тэс сумын уяач Гүржавын Галсангийн хээр. Аймагтаа айрагдаж, Давст сумын ойд айрагдсан. Хэнтийн Баян-Овоо унаган.

14. Төв аймгийн Батсүмбэр сумын ААУ Батаагийн Бөхбатын хээр.

15. Увс аймгийн Наранбулаг сумын уяач Одсүрэнгийн Жаргалсайханы хүрэн халзан. Булган аймагт 2 айрагдсан.

16. Увс аймгийн Цагаанхайрхан сумын уяач Рэнцэндүгэрийн Ганбаатарын гоё хонгор. Орон нутагтаа олон түрүүлж айрагдсан. Сүхбаатар аймгийн Баяндэлгэр сумын Тэрбишийн Лхамсүрэнгийн унаган.

17. Завхан аймгийн Дөрвөлжин сумын уяач Ж.Тогтохдалайн хээр

18. Увс аймгийн Наранбулаг сумын уяач Цэвэгмидийн Цэнгэлдоржийн саарал

19. Увс аймгийн Түргэн сумын уяач Сайнжаргалын Анхбаярын хул. Манлай уяач Мөнхбатын Цэрэнжав уясан.

20. Увс аймгийн Өмнөговь сумын уяач Бат-Оршихын Цэрэнсодномын бор.

Б.Ганпүрэв, гэрэл зургийг А.Цэдэн-Иш