Төрийн их унаач Ц.Өсөхбаяр:Маргааш уралдана даа гэж бодохоор догдлоод шөнө унтдаггүй
Мориор дамжсан их өвийг нийтэд түгээн дэлгэрүүлэх зорилготой “Тод магнай 2012”-ын шилдгүүдийн нэг “Төрийн их унаач” Ц. Өсөхбаяр өнөөдөр манай сайтын ажлын өрөөнд зочлон, “Тод магнай”-н нэрэмжит өргөмжлөл цомоо гардан авсан юм.
“Унаган хурд” галын унаач Өсөхөө хүү 2011 оны ММСУХ-ны шилдэг унаач болсон амжилтаа ийнхүү луу жилийн босгон дээр “Төрийн их унаач”-аар үргэлжлүүлж байгаа нь энэ ажээ. 13 настай жаахан биетэй тэрээр ээжийнхээ урласан үндэснийхээ хувцсаар гангарсан нь цаанаа л эгдүүтэй харагдана.
2009 оны Ламын гэгээн Лувсанданзанжанцаны мэлмий гийсний 370 жилийн даага айргийн дөрөв, 2010 онд Говь –Алтай аймагт болсон даншиг наадмын шүдлэн түрүү, азарга айргийн гурав, соёолон айргийн гурав, даага аман хүзүү, “Дүнжингаравын хурд 2011” хаврын бүсийн уралдаанд соёолон айргийн тав, “Булган хангайн хурд” хаврын бүсийн уралдаанд соёолон айргийн гурав, 2001 оны АХ-ын хувьсгалын 90 жилийн ойд шүдлэн айргийн дөрөв, 2011 он буюу АХ-ын 90 жилийн эрлийз дээд насны ангилалд айргийн дөрөв, “Тамирын хурд 2011” хангайн бүсийн уралдааны соёолон, шүдлэн, их морины айргийн түрүүг тус тус хүртсэн амжилтын бяцхан эзэнтэй бид цөөн хором хөөрөлдсөн юм.
Тийм ээ энэ бол “Төрийн их унаач” Ц.Өсөхбаяр.
-“Төрийн их унаач”-аар шалгарсан дүүдээ баяр хүргэе. Яг одоо төрж байгаа сэтгэгдлээсээ бидэнтэй хуваалцаач?
-Үнэхээр их баяртай байна. 2011 онд ММСУХ-ны шилдэг унаач болж байсан бол одоо “Төрийн их унаач” боллоо. Энэ бүхэн надад урам зориг өгч байна. Илүү их амжилт гаргахсан гэж өөрийн эрхгүй бодогдож байна шүү, гоё байна. Сайтын санал асуулга явж эхлэхээс л сэтгэл догдлон ажиглаж байлаа. Эргэн тойрны бүх хүмүүс энд анхаарал хандуулаад л. “Төрийн их унаач” болсны дараа олон хүмүүс баяр хүргэсэн. Эндээс ангийн багш маань хамгийн түрүүнд мэдчихээд баяр хүргэсэн.
-Аль сургуулийн хэддүгээр анги билээ? Багын л хурдны морь унадаг хүүхэд байсан уу?
-Би Өлзийт хорооллын 59-р сургуулийн 7а ангид сурдаг. Хурдан морь унаад зургаа, долоон жил болж байна. Ээж аав маань удам дагасан малчин хүмүүс. Одоо Батсүмбэрт амьдарцгаадаг юм. Бид ам бүл долуулаа. Би нэг эгч, гурван дүүтэй. Манайх үхэр, ямаа, адуу малладаг. Тийм болохоор адууны талаар бол бага сага гадарлана шүү. Яг хурдны морийг долоон наснаасаа эхэлж унаж байна. Анх Батсүмбэр сумынхаа уяачийн морийг унаж уралдаанд гарч байлаа. Тухайн үедээ морь сайн унаж чаддаггүй байсан болохоор амжилт гаргаж чадаагүй ээ.
-Танайд чамаас өөр хурдан морины унаач бий юу?
-Миний эрэгтэй дүү ойрмогхоноос унаж байгаа. Одоо 9 настай.
-Арай олон уралдаанд оролцож байсан болохоор дүүдээ зөвлөгөө өгдөг үү?
-Тэгнээ, өөрийнхөө хэмжээнд л. /инээв/ Уралдаанд гарах гэж байхад нь “морио сайн унаарай” л гэж хэлдэг дээ. Томчуудын яриагаар хүүхэд морь хоёр гэмтэж бэртэлгүй наадах шиг сайхан наадам үгүй гэлцдэг биз дээ. Тиймдээ намайг уралдаанд гарах бүрт л галын ах нар маань болгоомжтой яваарай гэж захьдаг шиг дүүдээ ч бас захина. Ер нь унаач хүүхдээс олон зүйл шалтгаалдаг гэж боддог.
-Яагаад хурдны морь унах болсон юм бэ?
-Би дуртай. Хурдан моринд мордчихоод салхи татуулан давхихад цаанаа л гоё.
-Сэтгэлд хамгийн дурсамжтай наадмынхаа тухай ярьж өгөөч?
-2009 онд Ламын гэгээн Лувсанданзанжанцаны мэлмий гийсний 370 жилийн ойгоор даага айрагдуулсан юм. Энэ наадмын тухай би дурсах дуртай. Яагаад гэвэл энэ миний анхны айраг байлаа. Бас анх удаагаа морь зайдан унасан юм. Ташуурдах гэхээр ойччих гээд нэг л эвгүй байсан ч айргийн тавд багтаж орчихоод цээж дүүрэн амьсгаа авсан. Ойччих юм шиг санагдаад замын турш биеэ барьчихсан байсан болохоор амьсгаа авахаа ч мартчихсан юм шиг байна лээ. /инээв/ Түүнээс хойш зайдан унадаг болсон л доо. Ёстой л магнай хагартлаа баярласан. Морио бүр илүү хайрлаад л баймаар санагдаж байж билээ.
-Хэзээнээс “Унаган хурд” галын гишүүн болсон юм бэ?
-“Унаган хурд” галын гишүүн болоод дөрөв дэх жилийнхээ нүүрийг үзэж байна.
Би “Унаган хурд” галын уяач Одгэрэл ахынхаа уясан морийг унадаг. Гэрээсээ хол байгаа бидний хамгийн дотны хүмүүсийн нэг. Би Одгэрэл ахыгаа сайн уяач гэж боддог оо.
-Заримдаа бас зэмлүүлэх үе гарах уу?
-Мэдээж гарна ш дээ. Заримдаа загнуулах үе байхад эсрэгээрээ магтуулах нь ч бий.
-Танай гал хэчнээн унаач хүүхэдтэй вэ?
-Бид есүүлээ. Би насны хувьд дунд нь л ордог. Хамгийн бага нь найман настай. Уралдаанаас бусад үед бид хичээлдээ явна. Аар саар ажилд тусална. За тэгээд сагс, хөлбөмбөг тоглоно бас барилдана. Би том болоод спортын хүн болно гэж боддог. Бөхөөр л явна даа. Чөлөөтөөр барилдахсан гэж боддог юм. Өлзийтөд ирэхээсээ өмнө Батсүмбэрийнхээ сургуулийн Оюунгэрэл багштай бөхийн секцэнд явдаг байсан. Манай эгч ч бас барилддаг.
-Өвөл зуны уралдаан өдөр шөнө шиг ялгаатай байдаг байх даа? Өвлийн уралдаануудад хэр оролцож байна?
-“Дүнжингаравын хурд 2011” хаврын бүсийн уралдаанд соёолон айрагдуулж байсан. Мэдээж даарахаас эхлээд бэрхшээл гардаг ч дээр хэлсэн дээ салхи татуулан давхиж байхдаа би дуртай.
-Тийм гоё хэрэг үү?
-Тийм шүү. Уралдаж байхад нэг л тийм гоё байдаг юм. Наадмын, су?гааны өглөө бүр сайхан санагдана гээч. Маргааш уралдана даа гэхээр л шөнөжингөө ямар нэг бодол толгойд эргэлдээд унтаж чаддаггүй. За тэгээд маргааш нь түрүү магнай болчихоод зогсож байх ч янзтай шүү. Шагнал авсан орой унтахад ч цаанаа л гоё доо. Ядармаар үе гардаг ч би түрүүлчихвэл гэж бодохоор дорхноо мартчихдаг.
-Ээж ааваасаа хол амьдрах хэцүү юу?
-Үе тэнгийнхээ хүүхдүүдтэйгээ бужигнаж явтал өдөр хоног өнгөрчихсөн байх юм. Анхандаа хэцүү юм шиг бодогдож байсан ч дорхноо л дассан. Ээж аав дээрээ сургуулийн амралтаар л очдог. Тэр үед би чинь гэрийн хүндтэй зочин болж байгаа юм даа. Одоо амралт эхлэхээр Батсүмбэр явна. Ээж аав маань хүүгээ “Төрийн их унаач” цолны эзэн болсонд их баяртай байгаа.
-Өсөхөөгийн энэ өдрийн гоёлыг ээж нь зэхсэн үү?
-Тийм ээ, ээжийн маань сэтгэл шингэсэн гоёл байгаа юм. Бас шагнал авсан “баярын” бэлэг гэж болно.
-Ойрын үед ямар уралдаануудад орох гэж байна?
-Удахгүй дааганы 1000 долларын уралдаан болно. Тэнд орох байхаа. За тэгээд хүн бүрийн хүсэн хүлээдэг наадам байна.
-Ярилцсанд баярлалаа.
П.Ундраа
0 Сэтгэгдэл
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
- Даваа, 11:59 минут Уяач Ц.Батсайхан: Гэсэрваань гуай тарган ирэн дээр…
- 3-р сарын 27 -нд Богд хан уулын аймаг байгуулагдсаны 100 жилийн ой,…
- 3-р сарын 27 -нд МУ-ын Тод манлай уяач Б.Далай: Уяачийн амжилтанд г…
- 3-р сарын 19 -нд Архангай аймгийн 100 жилийн ой, хангайн бүсийн ура…
- 3-р сарын 19 -нд 2023 оны ММСУХ-ны чансаа өндөр уяачид
- 2024 оны 3-р сарын 05 -нд 2023 ОНЫ 21 АЙМГИЙН ШИЛДЭГ УЯАЧ, УРАЛДААНЧ ХҮҮХДҮҮ…
- 2024 оны 3-р сарын 05 -нд Аймгийн Алдарт уяач Ш.Мөнхбаатар:Ах дүү дөрвүүл аа…
- 2024 оны 3-р сарын 05 -нд 2023 ОНЫ ММСУХ-НЫ 21 АЙМГИЙН ШИЛДЭГ САЛБАР ХОЛБОО,…
- 2024 оны 3-р сарын 05 -нд Архангай аймгийн 100 жилийн ой, хангайн бүсийн ура…
- 2024 оны 2-р сарын 27 -нд Манлай уяач Ч.Сугар: Алаг морийг харсан хүн болгон…
- 2024 оны 2-р сарын 27 -нд 2022 оны чансаа өндөр сонгомол дээд насны хүлгүүд
- 2024 оны 2-р сарын 26 -нд Н.Билэгтсайхан 66 оноогоор 2022 оны чансаа өндөр у…
- 2024 оны 2-р сарын 26 -нд Хэнтий аймгийн 100 жилийн ой, зүүн бүсийн уралдаан…
- 2024 оны 2-р сарын 26 -нд МОНГОЛ УЛСЫН 2022 ОНЫ ӨНДӨР ЧАНСААТАЙ ИХ НАСНЫ МОР…
- 2024 оны 2-р сарын 26 -нд О.Батбилэг 73 оноогоор 2022 оны чансаа өндөр уяачд…
- 2024 оны 2-р сарын 26 -нд МУ-ын Алдарт уяач Г.Болдбаатар:Наадмын маргаашнаас…
- 2024 оны 2-р сарын 22 -нд 2022 оны чансаа өндөр азарганууд
- 2024 оны 2-р сарын 22 -нд 2022 оны МУ-ын шилдэг уяач, уралдаанч хүүхдүүд
- 2024 оны 2-р сарын 21 -нд ММСУХ-ны 2022 оны шилдгүүд шагналаа авлаа
- 2024 оны 2-р сарын 21 -нд Архангай аймгийн 100 жилийн ой, хангайн бүсийн ура…
- 2024 оны 2-р сарын 20 -нд Уяач Б.Батжаргал: Сүүлд цоохор даага даяндуулсан
- 2024 оны 2-р сарын 19 -нд Богд хан уулын аймаг байгуулагдсаны 100 жилийн ой,…
- 2024 оны 2-р сарын 14 -нд Цолоо ахиулсан уяачид
- 2024 оны 2-р сарын 07 -нд Нийслэлийн Алдарт уяач цолоор 28 хүн шагнагджээ
- 2024 оны 2-р сарын 07 -нд Дөрвөн Тод, дөрвөн Манлай, 18 Алдарт уяач цол авах…
- 2024 оны 2-р сарын 07 -нд Сумын Алдарт уяач Н.ДУГАРЖАВ: БИ ДӨРӨВДҮГЭЭР АНГИА…
- 2024 оны 2-р сарын 05 -нд Богд хан уулын аймаг байгуулагдсаны 100 жилийн ой,…
- 2024 оны 2-р сарын 05 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 27 -нд Сумын Алдарт уяач Д.Батбаяр: Би Биндэрт анх адуу т…
- 2024 оны 1-р сарын 26 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 25 -нд Архангай аймгийн 100 жилийн ой, хангайн бүсийн ура…
- 2024 оны 1-р сарын 24 -нд СУМЫН АЛДАРТ УЯАЧ А.Цэрэндорж: ЗААМАРТ ДАЛАЙ ЛАМЫГ…
- 2024 оны 1-р сарын 22 -нд Завхан аймгийн 100 жилийн ой, баруун бүсийн уралда…
- 2024 оны 1-р сарын 21 -нд Аймгийн Алдарт уяач Б.Баттөр: Таван жилийн дотор с…
- 2024 оны 1-р сарын 18 -нд Богд хан уулын аймаг байгуулагдсаны 100 жилийн ой,…
- 2024 оны 1-р сарын 15 -нд Аймгийн Алдарт уяач Ц.Жамсран: Өөрийн тамгатай уна…
- 2024 оны 1-р сарын 15 -нд Богд хан уулын аймаг байгуулагдсаны 100 жилийн ой,…
- 2024 оны 1-р сарын 11 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 10 -нд Аймгийн Алдарт уяач М.Мөнхбаяр: Адууны төлөө уйгаг…
- 2024 оны 1-р сарын 10 -нд Завхан аймгийн 100 жилийн ой, баруун бүсийн уралда…
- 2024 оны 1-р сарын 08 -нд Сумын Алдарт уяач Ц.ГЭРЭЛБААТАР: Сайн адууны удам …
- 2024 оны 1-р сарын 08 -нд Завхан аймгийн 100 жилийн ой, баруун бүсийн урал…
- 2024 оны 1-р сарын 03 -нд Хамгийн шимт тэжээлийг мэдэх үү?
- 2024 оны 1-р сарын 02 -нд М.Энхтайван: Хүн хэдий чинээ сэтгэлээ өгнө, адуу т…
- 2023 оны 12-р сарын 27 -нд Хэнтий аймгийн 100 жилийн ой, зүүн бүсийн уралдаан…
- 2023 оны 12-р сарын 25 -нд Баахан хэрэг тарих Баяндэлгэрийн буурал
- 2023 оны 12-р сарын 23 -нд Нийслэлийн Алдарт Уяач цолны болзол хангасан уяачд…
- 2023 оны 12-р сарын 22 -нд Аймгийн Алдарт уяач Г.Энхбаатар: Аавынхаа уяаны ар…
- 2023 оны 12-р сарын 17 -нд Хэнтий аймгийн 100 жилийн ой, зүүн бүсийн уралдаан…
- 2023 оны 10-р сарын 29 -нд Сумын Алдарт уяач Л.Батноров: Азарганы түрүүгээр а…
Сэтгэгдэл бичигдээгүй байна